31 Aug 2017, 00:07
ސަލްޓާނު ޕާކު ހުރިތަނުގައި ހަދާފައިވާ ރަސްރަނި ބަގީޗާއަށް ބިދޭސީންނަށް ވަދެވޭ އަގުތަށް ކަނޑައަޅައި ހައުސިންގް މިނިސްޓްރީން އެކަން އާންމުކޮށްފި އެވެ.
ހައުސިންގް މިނިސްޓްރީން މިއަދު ކުރި އިއުލާނެއްގައި ބުނެފައިވަނީ 18 އަހަރުން މަތީގެ ބިދޭސީންނަށް ހަފްތާ ބަންދު ދުވަސްތަކުގައި ހެނދުނު ހަޔަކުން ހަތަރަކަށް ރަސްރަނި ބަގީޗާއަށް ވަދެވޭނީ 75 ރުފިޔާގެ ޓިކެޓެއް ގަނެގެން ކަމަށެވެ.
އަދި ހަފްތާ ބަންދު ދުވަސްތަކާއި ރަސްމީ ބަންދު ދުވަސްތަކުގައި ހެނދުނު ހަޔަކުން ހަވީރު 75 ރުފިޔާއަށް ވަދެވޭއިރު އެ ދުވަސްތަކުގައި ހަވީރު ހަތަރަކުން ރޭގަނޑު 11 އަށް ވަންނަ ކަމަށް ވާނަމަ 100 ރުފިޔާގެ ޓިކެޓެއް ގަންނަން ޖެހޭނެ ކަމަށް ހައުސިން މިނިސްޓްރީގެ އިއުލާނުގައިވެ އެވެ.
އަށާރަ އަހަރުން ދަށުގެ ބިދޭސީ ކުޑަކުދިންނަށާއި ދިވެހިންނަށް ހިލޭ ވަދަވޭގޮތަށް ވަނީ ހަމަޖައްސާފަ އެވެ.
ރަސްރަނި ބަގީޗާ ބަންދުކޮށްފައި ހުންނާނީ ހުކުރު ދުވަހުގެ 11 އިން ދެއަކަށް އަދި ކޮންމެ ދުވަހެއްގެ އިރުއިއްސި ހަޔަކުން ރޭގަނޑު އަށަކަށް ކަމަށް ހައުސިންގް މިނިސްޓްރީން ބުންޏެވެ.