27 Aug 2017, 10:26
އަންނަ ބުދަ ދުވަހު ހދ. ކުޅުދުއްފިށީ މަގުތަކުގައި ތާރުއަޅަން ފަށަން ނިންމައިފި އެވެ.
އެމްއާރުޑީސީ އިން މިއަދު ބުނީ ކުޅުދުއްފުށީގައި ތާރުއެޅުމަށް ހަމަޖެހިފައިވާ މަގުތަކުގެ ތެރެއިން އަންނަ ބުދަ ދުވަހު ތާރު އަޅަން ފަށަނީ އެ ރަށު މަގާން މަގުގައި ކަމަށާއި އެކަމަށް ވާން ޖެހޭ އެންމެ ފަހުގެ ތައްޔާރީތައް ވަނީ ނިމިފައި ކަމަށެވެ.
މަގާން މަގުގައި ތާރު އެޅުމުގެ ކުރިން ފަސްގަނޑުމަތީގައި އަޅާ ސީއެސްބީ ލޭޔަރު އަދި ޕްރައިމް ކޯޓް އަޅާ ނިމިފައިފާ އިރު ދެން ތާރުއަޅާ 18 މަގުގެ ތެރެއިން ދެމަގު ކަމުގައިވާ ފަނޑިޔާރު މަގާއި ކަނބޯރަނި މަގުގައި ސީއެސްބީ ލޭޔަރު މި ހަފްތާ ތެރޭ އަޅައި ނިންމާލެވޭނެ ކަމަށް އެމްއާރުޑީސީން ބުނެ އެވެ.
މިއަހަރު ނިމުމުގެ ކުރިން ކުޅުދުއްފުށީގެ 5.8 ކިލޯ މީޓަރުގެ ދިގު ސަރަހައްދެއްގައި ތާރު އަޅާ ނިންމާލުމަށް މަސަތްކަތް ކުރަމުން އަންނަ ކަމަށް ވެސް އެމްއާރުޑީސީން މައުލޫމާތު ދެ އެވެ.
ހަނިމާދުގައި މަގުތަކުގައި ތާރުއަޅަން ފެށުމުުގެ ކުރިން ހޮޅި ވަޅުލުމުގެ މަސަތްކަތް ކުރަނީ --- ފޮޓޯ: އެމްއާރުޑީސީ