27 Aug 2017, 10:33
ދެހާސް އެއް ވަނަ އަހަރު ރިލީޒް ކުރި ކަރަން ޖޯހަރުގެ ކާމިޔާބު ފިލްމު، 'ކަބީ ޚުށީ ކަބީ ޣަމް'ގައި ކަރީނާ ކަޕޫރުގެ ކުޑަ އިރުގެ ރޯލު އަދާކުރި އެކްޓަރު ވެސް ބޮލީވުޑަށް ތައާރަފްވުމަށް ތައްޔާރުވެއްޖެ އެވެ.
'ކަބީ ޚުޝީ ކަބީ ޣަމް'ގެ އިތުރުން މާލްވިކާ ވަނީ ޝިކާރް ކިޔާ ފިލްމަކުން ވެސް ފެނިގެން ގޮސްފަ އެވެ. ނަމަވެސް އުމުރުން ހަގު ވުމުގެ ސަބަބުން ފިލްމީ ދާއިރާ އިން އިތުރަށް ކުރިއަށް ދާން ބައްޕަ ހުއްދަ ނުދިނުމުން، އޭނާ ފިލްމީ ދާއިރާ އާއި ދުރަށް ދިޔައީ އެވެ.
ނަމަވެސް މާލްވިކާ ވަނީ މިދިޔަ ޖޫން މަހުގެ ރިލީޒް ކުރި ތެލުގޫ ފިލްމް، 'ޖަޔާދޭވް' އިން ފެނިގެން ގޮސްފަ އެވެ. އަދި މިހާރު މާލްވިކާ މިވަނީ ބޮލީވުޑަށް އަލުން ތައާރަފުވުމަށް ތައްޔާރުވެފަ އެވެ.
މާލްވިކާ ފެނިގެން ދާނީ އެންތޮނީ ޑިސޫޒާ ޑައިރެކްޓު ކުރާ ފިލްމު 'ކެޕްޓަން ނަވާބް' އިން އިމްރާން ހާޝްމީ އާއެކު އެވެ. އެންތޮނީ ބުނީ މާލްވިކާ ފިލްމަށް އެއްބަސްވުމުން ވަރަށް ބޮޑު ހިތްހަމަޖެހުމެއް ލިބުނު ކަމަށެވެ.
މާލްވިކާ އަކީ ބޮލީވުޑް އެކްޓަރު ޖަގްދީޝް ރާޖްގެ ކާފަ ދަރިއެކެވެ. އަދި ބަތަލާ އަނިތާ ރާޖް އަކީ އޭނާގެ ބޮޑުދައިތަ އެވެ. އެހެން ކަމުން އޭނާ ބޮޑުވީ ފިލްމީ މާހައުލެއްގަ އެވެ.