15 Aug 2017, 17:02
ޕާކިސްތާނުގެ ކަރާޗީގައި މޫދަށް އެރުން މަނާކޮށްފައިވާ ސަރަހައްދެއްގައި މޫދަށް އެރި އުޅެނިކޮށް އެއްއާއިލާގެ ފަސް މީހަކު ގެނބިގެން މަރުވެއްޖެއެވެ.
އެ ހާދިސާގައި މަރުވި މީހުންގެ ހަށިތައް ފެނިފައި ވަނީ ހާދިސާ ހިނގިތާ އެއް ދުވަސް ފަހުންނެވެ. ޢޭގެ އިތުރުން އެ ހާދިސާގައި މޫދަށް އެރިއުޅުނު އެކަކު ފަހުން ހޭނެތިފައި އޮއްވާ ފެނުމުން ވަނީ ހޮސްޕިޓަލަށް ގެންގޮސްފައެވެ.
ކަރާޗީއަށް ނިސްބަތްވާ މި އާއިލާ މޫދަށް ގޮސްފައި ވަނީ ޕާކިސްތާނުގެ މިނިވަން ދުވަސް ފާހަގަ ކުރުމުގެ ގޮތުންްނެވެ.
ބަންދު ދުވަސް ދުވަހު ހިތްގައިމު ވަގުތު ކޮޅެއް ހޭދަކޮށްލުމަށް މޫދަށް ދިޔުމަކީ ކަރާޗީގައި ވަރަށް އާންމުކަމެކެވެ. ގެނބިގެން މަރުވާ ހަދިސާތައް އިތުރުވަމުން އައި ކަމުގައި ވިޔަސް ޕާކިސްތާނުގެ މުއައްސަަސާތަކުން މާ ބޮޑު ފިޔަވަޅެއް އަޅާފައި ނުވާ ކަކަމަށް ޕާކިސްތާނުގެ އެކްސްޕްރެސް ޓްރިބިޔުންއާ ހަވާލަދީފައި ބުނެފައިވައެެވެ.
ޕާކިސްތާނުގެ ސިންދު ސްޓޭޓްން މޫދަށް އެރުން މަނާ ކޮށްފައި އޮތްކަމުގައިވިޔަސް މިހާތަނަށްވެސް އެއަށް އަމަލު ކުރާކަށް ނުފަށައެވެ.
މިއަހަރު ކުރީކޮޅު ވެސް އެއްސްކޫލެއްގައި ކިޔަވަމުންދިޔަ ހަތަރު ފިރިހެން ކުދިން ވަނީ ކަރާޗީގެ ސޭންޑްސްޕިޓް ސަރަހައްދުގެ މޫދުގައި ގެނބިގެން ވަނީ މަރުވެފައެވެ.