Last Updated: 8 year 4 month ago

Last Updated:
8 year 4 month ago

މާލޭ ލީގު: މާޒިޔާއާ ނިއުގެ މެޗު 1-1 ލަނޑުން އެއްވަރު

    ބުލޮގު ޚުލާސާ

    މާލޭ ލީގުގެ ފަހު މެޗުގައި މާޒިޔާ ސްޕޯޓްސް އެންޑް ރެކްރިއޭޝަން ކްލަބާއި ނިއު ރޭޑިއަންޓް ސްޕޯޓްސް ކްލަބު ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!

    މިރޭ 9:00ގައި ފަށާ އެ މެޗަށް ދެ ޓީމު ނުކުންނައިރު:

    • އެ މެޗުން މޮޅުވާ ޓީމަކަށް ލީގު ލިބޭއިރު، މެޗު އެއްވަރުވެއްޖެނަމަ ލީގު ލިބޭނީ މާޒިޔާއަށް.

    • މެޗުން ބަލިވާ ޓީމަކަށް ލިބޭނީ ލީގުގެ ތިންވަނަ. އެއްވަރުވެގެން ނިމިއްޖެނަމަ، ތިންވަނަ ލިބޭނީ ނިއުއަށް. ގްރީނަށް ވަނީ ދެވަނަ މަގާމު ކަށަވަރުވެފައި.
    • ނިއުއަށް އޮތް އެންމެ ބޮޑު ހިތްހަމަނުޖެހުމަކީ އެ ޓީމުގެ ކެޕްޓަން އަދި އެއް ނަންބަރު ގޯލްކީޕަރު އަނިޔާގައި ހުރުން.
    • ނިއުއާ އަލަށް ގުޅުނު އަލީ އަޝްފާގު (ދަގަނޑޭ)، އިބްރާހިމް ފަޒީލް (އޮއްޕޮ)، ލުބުނާނު ޑިފެންޑަރު ހުސައިން އެލްޑޯ އަދި ސްޕެއިން މިޑްފީލްޑަރު ކަންޑޭލާއަށް އެ މެޗުގައި ކުޅެވޭނެ.
    23:01

    މާޒިޔާ، ގްރީން ސްޓްރީޓްސް އަދި ނިއުއަށް ވެސް ލިބިފައިވަނީ 27 ޕޮއިންޓް. މާޒިޔާ ޗެމްޕިއަންކަން ހޯދީ ގޯލުގެ ތަފާތުން. ގްރީން އޮތީ ގޯލުގެ ތަފާތުން ނިއައަށްވުރެ ކުރީގައި. އެހެންކަމުން ދެވަނަ ގްރީނަށް ލިބުނުއިރު، ނިއުއަށް ލިބުނީ ތިންވަނަ.

    23:01

    އެ ނަތީޖާއާއެކު މިއަހަރުގެ މާލޭ ލީގުގެ ޗެމްޕިއަނުންނަކީ މާޒިޔާ.

    23:00

    މެޗުގެ ދެވަނަ ހާފު ނިމިއްޖެ.

    22:58

    '+90- ސެންޓޭއަށް ކުރި ފައުލަކާ ގުޅިގެން އަލީ ހައިސަމަށް ރީނދޫ ކާޑެއް ދައްކާ، ނިއުއަށް ހިލޭ ޖެހުމެއް.

    22:54

    '89- ސައްމޭއަށް އަނިޔާއެއްވެގެން ދަނޑުން ބާލައިފި.

    22:39

    "73- ނިއުއިން ބަދަލެއް. އަބްދުﷲ މިދުހަތުގެ ބަދަލުގައި ކުޅެން އެރީ، އަލީ ޝާމިއު.

    22:31

    '65- މާޒިޔާއިން ބަދަލެއް. އާއްކޮގެ ބަދަލުގައި ކުޅެން ނުކުތީ ސަމްދޫހު މުހައްމަދު.

    22:25

    ކޮވަސެވިޗް ނަގައިދިން ހިލޭ ޖެހުމަކުން މާޒިޔާއަށް ނަތީޖާ ހަމަހަމަކޮށްދިނީ އަމްދާން އަލީ (އެންޑީ). އޭނާ އެ ލަނޑު ކާމިޔާބުކުރީ ނިއުގެ ޕެނަލްޓީ އޭރިޔާ ތެރޭ ހުރެ، ބޮލުން ފޮނުވާލި ހަމަލާއަކުން.

    22:24

    '58-މާޒިޔާއިން ނަތީޖާ ހަމަހަމަކޮށްފި.

    22:23

    '57- ނިއުގެ ހާފްގެ ތެރެއިން އަސައްކޮއަށް ކުރި ފައުލާ ގުޅިގެން މާކޮވިޗްއަށް ރީނދޫ ކާޑެއް ދައްކައި، މާޒިޔާއަށް ހިލޭ ޖެހުމެއް.

    22:21

    '56- ނިއުގެ ޕެނަލްޓީ އޭރިޔާ ބޭރުން އުމައިރު ފޮނުވާލި ހަމަލާ، މާކޮވިޗް ދިފާއުކޮށްފި.

    22:20

    '55-ނިއުއަށް ފުރުސަތެއް.ހަމްޕު ދިން ބޯޅައަކުން މާޒިޔާގެ ޕެނަލްޓީ އޭރިޔާ ތެރެއިން ގަލާޑޯ ފޮނުވާލި ހަމަލާ ދިޔައީ ގޯލުގެ ހުރަސް ދަނޑިމަތިން ބޭރަށް.

    22:16

    '50- މާޒިޔާގެ ހާފްގެ ތެރެއިން މުލަކޭއަށް މާކޮވިޗް ކުރި ފައުލަކާ ގުޅިގެން މާޒިޔާއަށް ހިިލޭ ޖެހުމެއް.

    22:15

    '49- ނިއުގެ މިދުހަތު ނަގައިދިން ހުރަސް، ސެންޓޭއަށް ނުލިބި ބޭރުވެއްޖެ.

    22:13

    މެޗުގެ ދެވަނަ ހާފުގެ ކުޅުން ފަށައިފި.

    22:06
    މާލޭ ލީގުގެ ދެވަނަ ބުރުގައި ނިއުއާއި މާޒިޔާ ބައްދަލުކުރާ މެޗުގެ ތެރެއިން: ލީގު ޗެމްޕިއަންކަން ހޯދާ ޓީމެއް ކަށަވަރުވާނީ މި މެޗަށްފަހު --- ސަން ފޮޓޯ/ މުހައްމަދު އަފްރާހް
    މާލޭ ލީގުގެ ދެވަނަ ބުރުގައި ނިއުއާއި މާޒިޔާ ބައްދަލުކުރާ މެޗުގެ ތެރެއިން: ލީގު ޗެމްޕިއަންކަން ހޯދާ ޓީމެއް ކަށަވަރުވާނީ މި މެޗަށްފަހު --- ސަން ފޮޓޯ/ މުހައްމަދު އަފްރާހް
    21:54

    މެޗުގެ ފުރަތަމަ ހާފުގެ ކުޅުން ނިމިއްޖެ. ފުރަތަމަ ހާފް ނިމިގެންދިޔައީ 1-0 ލަނޑުން ނިއު ކުރީގައި އޮވެގެން.

    21:52

    ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓްގެ ކުޅުން ދައްކައިފި.

    21:51

    '44- މާޒިޔާގެ އަސައްކޮ އަދި އުމައިރު ފޮނުވާލި ހަމަލާ ވެސް ނިއުގެ ޑިފެންޑަރުން ދިފާއުކޮށްފި.

    21:48

    '41-މާޒިޔާއަށް ފުރުސަތެއް.ނިއުއަށް ގެއްލުނު ބޯޅައެއް ހިފައިގެން ޕެނަލްޓީ އޭރިޔާ ތެރެއަށް ވަނުމަށްފަހު، އުމައިރު ފޮނުވާލި ހަމަލާ ގޯލު ކުރިމަތިން އަކޫ ވަނީ ދިފާއުކޮށްފައި.

    21:46

    '39- ކޮވަސެވިޗް ނަގައިދިން ހިލޭ ޖެހުން ވެސް ނިއުގެ ޑިފެންޑަރުން ދިފާއުކޯށްފި.

    21:45

    '38- ނިއުގެ ހާފްގެ ތެރެއިން އަސައްކޮއަށް ކުރި ފައުލަކާ ގުޅިގެން އަކޫއަށް ރީނދޫ ކާޑެއް ދައްކައިފި.

    21:43

    މާޒިޔާއަށް ގާތްގާތުގައި ލިބުނު ތިން ކޯނަރު ވެސް ނިއުއިން ވަނީ ދިފާއުކޮށްފައި.

    21:40

    '33- އާއްކޮ ނަގައިދިން ހުރަސް، ނިއުގެ ޕެނަލްޓީ އޭރިޔާ ތެރެއިން ކީޕަރު ޒިޔަޒަން ދިފާއުކޮށްފި. އިމްރާނަށް ލިބުނު އަނިޔާއާ ގުޅިގެން ލީގުގައި އެންމެ ފަހުން ނިއު ކުޅުނު މެޗުގައި ވެސް އެ ޓީމުގެ ގޯލް ބެލެހެއްޓީ ޒިޔަޒަން.

    21:38

    ނިއުގައި އުމުރުން 36 އަހަރުގެ އޮއްޕޮ ބޭނުންކުރަމުންދަނީ 36 ނަންބަރު ޖާޒީ. ދަގަނޑޭ ފެނިގެންދާނީ ގައުމީ ޓީމުގައި އޭނާ ފުރަތަމަ ބޭނުންކުރި 12 ނަންބަރުގެ ޖާޒީގައި.

    21:37

    ނިއުއަށް އަލަށް ގެނައި ކުޅުންތެރިންގެ ތެރެއިން ޓީމުގައި ނުހިމެނެނީ ހަމައެކަނި ލުބުނާނު ޑިފެންޑަރު ހުސައިން އެލްޑޯ.

    21:35

    ެއޮއްޕޮއާއެކު ނިއުއާ ދާދި ފަހުން ގުޅުނު ސްޕެއިން މިޑްފީލްޑަރު ކަންޑޭލާ ވެސް އެ ޓީމުގެ ފުރަތަމަ 11ގައި ހިމެނޭ.

    21:32

    ރާއްޖޭގައި އުފެދުނު އެންމެ މޮޅު ކުޅުންތެރިޔާ އަލީ އަޝްފާގު (ދަގަނޑޭ) ވެސް ނިއުގެ ބެންޗުގައި ހިމެނޭ. ނިއުގައި ކުރިން ވެސް ކާމިޔާބީތަކެއް ހޯދި ދަގަނޑޭ ފަހުން އެ ކްލަބާ ގުޅުނީ ވެސް ލީގުގެ ދެވަނަ ބުރުގެ ތެރޭގައި.

    21:29

    މިއީ މި ސީޒަނުގެ މެދުތެރެއިން ނިއުއާ ގުޅުނުފަހުން ނިއުއަށް އޮއްޕޮ ކުޅޭ ފުރަތަމަ މެޗު. ކުރިން ވެސް އޭނާ ވަނީ ނިއުއަށް ކުޅެ، ގިނަ ކާމިޔާބީތަކެއް ހޯދާފައި.

    21:28

    މެޗުގެ ދެވަނަ މިނެޓުގައި ނިއުއަށް އޮއްޕޮ ލީޑު ހޯދައިދިނީ ސެންޓޭ ނަގައިދިން ހުރަހަކުން. އޭނާ އެ ލަނޑު ކާމިޔާބުކުރީ މާޒިޔާގެ ޕެނަލްޓީ އޭރިޔާ ތެރޭ ހުރެ ބޮލުން ފޮނުވާލި ހަމަލާއަކުން.

    21:25

    ނިއުގެ ފުރަތަމަ 11:

    • އަބްދުﷲ ޒިޔަޒަން - ގޯލްކީޕަރު

    • މާކޮވިޗް ސްޓެވަން
    • އަހްމަދު އަބްދުﷲ (ލިލީ)
    • ރުއިޒް ޕަޒް އަންހެލް ލުއިސް (ކަންޑޭލާ)
    • އަލީ ފާސިރު (ސެންޓޭ) - ކެޕްޓަން
    • ގަލާޑޯ ވަލްޑޭސް އެޑްރިއަން
    • ހަމްޒާ މުހައްމަދު (ހަމްޕު)
    • އަކްރަމް އަބްދުލްގަނީ (އަކޫ)
    • އަބްދުﷲ މިދުހަތު ފަހުމީ
    • މުހައްމަދު ރަޝީދު (ހޮކޭ)
    • އިބްރާހިމް ފަޒީލް (އޮއްޕޮ)
    21:22

    މާޒިޔާގެ ފުރަތަމަ 11:

    • ޕަވެލް މަޓިއާޝް - ގޯލްކީޕަރު

    • މިލޮސް ކޮވަސެވިޗް
    • އަމްދާން އަލީ (އެންޑީ)
    • މުހައްމަދު އިރުފާން (އިރޭ)
    • އަހްމަދު އިމާޒް (އާއްކޮ)
    • އަސަދުﷲ އަބްދުﷲ (އަސައްކޮ) - ކެޕްޓަން
    • ސަމޫހު އަލީ (ސަމުއްޓޭ)
    • ޔަސްފާދު ހަބީބު (މުލަކޭ)
    • ހަސަން ޝިފާޒް (ޑުންގާ)
    • ގާސިމް ސައްމާމް (ސައްމޭ)
    • މުހައްމަދު އުމައިރު
    21:20

    ނިއުންއިން މެޗު ފެށިތާ މާކަ ގިނައިރެއް ނުވެ ލީޑު ނަގާފައި ވާއިރު އެޓީމަށް ލަނޑު ޖަހައިދިނީ އިބްރާހީމް ފަޒީލް (އޮއްޕޮ).

    21:19

    މެޗު ފަށައިގެން ފުރަތަމަ ހާފްގެ ފުރަތަމަ 10 މިނިޓްގެ ކުޅުން ނިމިފައި މިވަނީ. ނިއުރޭޑިއަންޓުން މިވަނީ ލަނޑެއް ޖަހައި ލީޑު ނަގާފައި.