11 Jul 2017, 12:35
އިކޮނޮމިކް ޑިވިލޮޕްމެންޓް މިނިސްޓްރީ އިން އިންތިޒާމުކޮށްގެން ނެޝަނަލް އާޓް ގެލެރީގައި މިއަދު މޯލްޑިވްސް ބިޒްނަސް މެޗިން ފޯރަމް 2017 ފަށައިފި އެވެ.
އެ ރަސްމިއްޔާތުގައި ވާހަކަފުޅު ދައްކަވަމުން އިކޮނޮމިކް މިނިސްޓްރީގެ ނައިބް އަބްދުﷲ ތޯރިގް ވިދާޅުވީ މިއީ ދިވެހިރާއްޖޭގައި ބޭރުގެ ވިޔަފާރިތައް ތައާރަފްކޮށް އަދި ފުޅާކޮށް ހެދުމަށާއި ރާއްޖޭގެ ވިޔަފާރިތަކާ ގުޅުވަދިނުމަށް ޓަކައި އަދި ބޭރުގެ ކުންފުނިތަކުން އުފައްދާ މުހިންމު އަދި ބޭނުންތެރި އުފެއްދުންތައް ރާއްޖެ އަށް ގެނައުމަށް އެޅޭ ބިންގަލެއްކަމުގަ އެވެ.
އަދި މީގެ އިތުރުން އެމަނިކުފާނު ވިދާޅުވި ގޮތުގައި ރާއްޖޭގެ ގެދޮރު އިމާރާތްކުރުމުގެ ދާއިރާގައި ވެސް ތައިލެންޑްގެ ވިޔަފާރިތަކުން އުފައްދާ ތަކެތި ތައާރަފް ކުރާނެ ކަމަށެވެ.
ތައިލޭންޑްގެ ޖުމުލަ 33 ކުންފުންޏަކުން ބައިވެރިވާ އެ ފޯރަމްގައި އެކުންފުނިތަކުން އުފައްދާ އަދި ވިއްކާ ތަކެތި ދައްކާލުމާއި އަދި އެފަރާތްތަކުން ފޯރުކޮށްދޭ ހިދުމަތްތަކުގެ މައުލޫމާތު މިފޯރަމުގައި ހިއްސާ ކުރާނެ އެވެ.