21 Jun 2017, 23:17
ހއ. އިހަވަންދޫގައި ހާއްސަ އޮޕަރޭޝަނެއް ހިންގައި ހަތަރު މީހަކު ހައްޔަރުކޮށްފި އެވެ.
އެ ރަށުން ބަޔަކު ހައްޔަރު ކުރީ ކޮން މައްސަލައެއްގައި ކަމެއް ފުލުހުން އަދި ހާމައެއް ނުކުރެ އެވެ. ފުލުހުންނާއި އިހަވަންދޫ ކައުންސިލުން ވަނީ އެ ރަށުގައި ހާއްސަ އޮޕަރޭޝަނެއް ހިންގަމުންދާކަން ކަށަވަރުކޮށްފަ އެވެ.
'ސަން' އަށް އެނގިފައިވާ ގޮތުގައި ފުލުހުން މިރޭ ވަނީ ކޯޓް އަމުރެއްގެ ދަށުން އެ ރަށުގެ ގެ އެއް ބަލާ ފާސްކޮށް ހަތަރު މީހަކު ހައްޔަރުކޮށްފައެވެ. އެ ހަތަރު މީހުންނަކީ ވެސް އެ ރަށަށް ނިސްބަތްވާ ހަތަރު މީހުންނެވެ. އޭގެ ތެރޭގައި ހިމެނެނީ ތިން ފިރިހެނުންނާއި އެއް އަންހެނެއްކަން ވެސް އެނގިފައިވެ އެވެ.
މިފްކޯއިން އިހަވަންދޫގައި ހިންގާ އައިސް ޕްލާންޓުގެ ތެރޭގައި މިދިޔަ ބުރާސްފަތި ދުވަހުގެ ރޭ މީހަކު ވަނީ މަރާލާފައިވެ އެވެ. މަރާލާފައި ވަނީ ޅ. ހިންނަވަރު، އަތިރީގޭ، އިސްމާއިލް އުމަރު، 54، (އިއްސެ) އެވެ. އިއްސެ މަރާލި ކަމަށް އޭނާއާއެކު އައިސް ޕްލާންޓުގައި މަސައްކަތް ކުރި ބަންގްލަދޭޝް ރައްޔިތެއް ކަމަށްވާ ޝުމޮންމިއާ ވަނީ އެއްބަސްވެފަ އެވެ. އިއްސެގެ މަރުގެ މައްސަލާގައި އިތުރު ހަތަރު ބިދޭސީއަކު ވަނީ ހައްޔަރުކޮށްފ ައެވެ.