Last Updated: 8 year 5 month ago
ބުލޮގު ޚުލާސާ
އޭއެފްސީ އޭޝިއަން ކަޕް ކޮލިފިކޭޝަންގައި ބޫޓާނާ ދިވެހިރާއްޖެ ބައްދަލުކުރާ މެޗުގެ ލައިވް ކަވަރޭޖަށް މަރުހަބާ.
މިއަދު ގެ މެޗަށް މިދެޓީމު ނުކުންނައިރު، މީގެ ކުރީން މި ދެޓީމު ވަނީ ޖުމުލަ 8 ފަހަރު ވާދަކޮށްފައި. މި އަށްފަހަރު ވެސް ރާއްޖޭން ވަނީ ބޫޓާނުގެ މައްޗަށް ކުރި ހޯދައި 100 އިންސައްތަ މޮޅުވުމުގެ ރެކޯޑެއް ގާއިމުކޮށްފައި.
ފާހަގަކޮށްލެވޭ ޕޮއިންޓްތައް:
- މި ދެޓީމު ފުރަތަމަ ބައްދަލުވީ 1984ގެ ސައުތު އޭޝިއަން ފެޑެރޭޝަން (ސާފް) ގޭމްސްގައި. އެފަހަރު ރާއްޖެ މޮޅުވީ، 1-0 ލަނޑުން.
- ނޭޕާލްގެ ކަތުމަންޑޫގައި ބޭއްވި ފުރަތަމަ ސާފް ގޭމްގައި ދެފަހަރެއްގެ މަތީން މި ދެޓީމު ވާދަކޮށްގެން ވެސް ރާއްޖެ ވަނީ 1-0 ލަނޑުން މޮޅުވެފައި.
- ދެން މިދެޓީމު އެންމެ ފުރަތަމަ ބައްދަލުވީ 2003 ވަނަ އަހަރުގެ ސާފް ޗެމްޕިއަންޝިޕްގައި. އެފަހަރު ރާއްޖެ ވަނީ 6-0 ލަނޑުގެ ތަފާތު ބޮޑު ނަތީޖާއަކުން މޮޅުވެފައި.
- އޭގެ ފަހުން 2009 ވަނަ އަހަރު އޭއެފްސީ ޗެލެންޖް ކަޕްގައި މިދެ ޓީމު ވާދަކޮށް ރާއްޖެ ވަނީ 5-0ގެ ނަތީޖާއަކުން ކުރިހޯދާފައި.
- ކަތުމަންޑޫގައި 2013 ވަނަ އަހަރު ބޭއްވި ސާފް ޗެމްޕިއަންޝިޕްގައި ރާއްޖެ ވަނީ 8-2ގެ ތަފާތުބޮޑު ނަތީޖާއަކުން މޮޅުވެފައި.
- ބޫޓާން ކޮޅަށް އެންމެ ފުރަތަމަ ހެޓްރިކެއް ހެދި ދިވެހި ކުޅުންތެރިއަކީ، އަލީ ޝީހާމް. އެއީ 2003 ވަނަ އަހަރު ބަންގާޅުގައި ކުޅު ސާފް ޗެމްޕިއަންޝިޕްގެ ގްރޫޕް ސްޓޭޖްގައި. އެ މެޗުން ރާއްޖެ މޮޅުވީ 6-0 ލަނޑުން.
- ރާއްޖޭގެ ކުރީގެ ކެޕްޓަން އަލީ އަޝްފާޤު (ދަގަނޑޭ) ވަނީ، 2013 ވަނަ އަހަރުގެ ސާފް ޗެމްޕިއަންޝިޕްގައި ބޫޓާން ކޮޅަށް 4 ލަނޑު ޖަހާފައި. އެ މެޗުން ރާއްޖެ މޮޅުވީ 8-2 ލަނޑުން.
- މި ދެޓީމުގެ މެދުގައި އެންމެ ބޮޑު ވާދަވެރިކަމެއް ފެނިގެން ދިޔަ މެޗަކީ، 2015 ވަނަ އަހަރު، ފީފާ ވޯލްޑް ކަޕް ކޮލިފިކޭޝަންގައި ބޫޓާނުގައި ކުޅުނު މެޗު. އެ މެޗުން ރާއްޖެ މޮޅުވީ 3-4 ލަނޑުން.
- މި ދެޓީމު އެންމެ ފަހުން ބައްދަލުކޮށްފައި ވަނީ، މިދިޔަ އަހަރު ފީފާ ވޯލްޑް ކަޕް ކޮލިފިކޭޝަންގައި. ރާއްޖޭގައި ކުޅުނު އެ މެޗުން ރާއްޖެ މޮޅުވީ 4-2 ލަނޑުން.
