08 Jun 2017, 11:58
ރޭ ކުޅުނު ބައިނަލްއަގުވާމީ ރަހުމަތްތެރިކަމުގެ މެޗުތަކުގެ ތެރޭން އިޓަލީ ކުޅުނު މެޗުން އެޓީމު މޮޅުވިއިރު ސްޕެއިން ކުޅުނު މެޗު އެއްވަރުވެއްޖެއެވެ.
ރޭ ސްޕެއިން ކުޅުނީ ކޮލަމްބިއާއާ ދެކޮޅަށެވެ. އެ މެޗު ނިމުނީ 2-2 ގެ ނަތީޖާއަކުން އެއްވަރުވެގެންނެވެ. އިޓަލީ މޮޅުވީ އުރުގުއޭ އަތުންނެވެ. ނަތީޖާއަކީ 3-0 ލަނޑެވެ.
ސްޕއިންގެ އަމިއްލަ ދަނޑުގައި ކުޅުނު މެޗުގައި ލަނޑެއް ޖަހައި ފުރަތަމަ ލީޑު ނެގީ އެޓީމުންނެވެ. މެޗުގެ 22 ވަނަ މިނިޓްގައި ޑޭވިޑް ސިލްވާ ކާމިޔާބުކުރި ލަނޑާއެކު 40 ވަނަ މިނިޓާ ހަމައަށް ސްޕެއިން އޮތީ ކުރީގައެވެ. މެޗުގެ 40 ވަނަ މިނިޓްގައި ނަތީޖާ ބަދަލުކޮށްލައި ކޮލަމްބިއާއަށް އެއްވަރުކޮށްދިނީ އެޑްވިން ކާޑޯނާއެވެ.
ދެވަނަ ހާފު ފެށިގެން މޮޅަށް ކުޅެމުންދިޔަ ކޮލަމްބިއާއިން ވަނީ އިތުރު ލަނޑެއް ޖަހައި ސްޕެއިން ހާސްކޮށްލައިފައެވެ. ރަޑަމެލް ފަލްކާއޯ އެލަނޑު ކާމިޔާބުކުރީ މެޗުގެ 55 ވަނަ މިނިޓްގައެވެ. އެ ލަނޑާ އެކު ފަލްކާއޯ ވެގެން ގޮސްފައިވަނީ ކޮލަމްބިއާ އަށް އެންމެ ގިނަ ލަނޑު ޖަހައިދިން ކުޅުންޔެރިއާއަށެވެ. މެޗު ނިމެން ދަނިކޮށް ސްޕއިން އަށް ނަތީޖާ ހަމަހަަމަކޮށް ދިނީ އަލްވޭރޯ މޮރާޓޯއެވެ.
އިޓަލީ ރޭ އުރުގުއޭ އަތުން މޮޅުވީ ފްރާންސްގައި ކުޅުނު އެކުވެރި ކަމުގެ މެޗުގައެވެ. ރޭ އިޓަލީ ކާމިޔާބުކުރި ތިން ލަނޑު އެޓީމަށް ކާމިޔާބުކޮށްދިނީ އެޑާ އަދި ޑެނިއަލް ދެ ރޮސީއެވެ. އިޓަލީން ކާމިޔާބުކުރި ފުރަތަމަ ގޯލަކީ އުރުގުއޭ އަތުން ބައިކޮޅަށް ވަން ލަނޑެކެވެ.