03 Jun 2017, 12:27
ލޯކަލް ކައުންސިލްތަކަށް ހޮވުނު ކައުންސިލަރުުން މަގާމުގެ ހުވާ ކުރުން ފަށައިފި އެވެ.
މިއަދު ހެނދުނު 9:00 އިން ފެށިގެން ހުވާ ކުރުން ކުރިއަށް ދާއިރު، ހުވާ ކުރުމުގެ ރަސްމިއްޔާތުތައް ހަތަރު ދަން ފަޅިއަކަށް ވަނީ ބަހާލައިފަ އެވެ. އެގޮތުން ހެނދުނުގެ ދަންފަޅި 9:00 އިން 10:00 އަށް ކުރިއަށް ދާއިރު، މެންދުރުގެ ދަންފަޅި ކުރިއަށް ގެންދަން ހަމަޖެހިފައި ވަނީ 1:00 އިން 2:00 އަށެވެ. އަދި ހަވީރު 4:00 އިން ފެށިގެން ހަވީރުގެ ދަންފަޅި ކުރިއަށް ގެންދާއިރު ރޭގަނޑުގެ ދަންފަޅި އޮންނާނީ 9:00 އިން 10:00 އަށެެވެ.
ފަރެސްމާތޮޑާ ކައުންސިލްގެ މެމްބަރުން މަގާމުގެ ހުވާކުރުުމަށް ބޭއްވި ރަސްމިއްޔާތުގެ ތެރެއިން --- ފޮޓޯ/ އެލްޖީއޭ
އަތޮޅުތެރެއިން ކައުންސިލްތަކަށް ހޮވުނު ކައުންސިލަަރުން ހުވާ ކުރަން ފަށާފައިވާ އިރު، އެންމެ ފުރަތަމަ ހުވާ ކޮށްފައި ވަނީ ހދ. ނެއްލައިދޫ ކައުންސިލްތަކަށް ހޮވުނު ކައުންސިލަރުންނެވެ.
ލޯކަލް ގަވަމަންޓް އޮތޯރިޓީ (އެލްޖީއޭ) އިން ބުނީ އަތޮޅު ތެރޭގެ ކައުންސިލަރުން ހުވާކުރުން ފަށައިގެން ކުރިއަށްދާއިރު، މާލޭ ސިޓީ ކައުންސިލްގެ މެމްބަރުން ހުވާ ކުރުމަށް ހަމަޖެހިފައި ވަނީ މިރޭ 9:30ގައި ޣިޔާސުއްދީން ސްކޫލުގައި ކަމަށެވެ.
މިއަހަރުގެ ކައުންސިލް އިންތިހާބުގައި 1483 ކެންޑިޑޭޓުން ވާދަކޮށްފައިވާ އިރު، އިންތިހާބުކޮށްފައި ވަނީ 664 ކެންޑިޑޭޓުންނެވެ. އެ އިންތިހާބުގައި ކުރި ހޯދާފައި ވަނީ އިދިކޮޅު ޕާޓީ އެމްޑީޕީންނެވެ.