Last Updated: 9 year 6 month ago

Last Updated:
9 year 6 month ago

އޭއެފްސީ ކަޕް (ފުލްޓައިމް): މާޒިޔާ 2-0 އަބަހާނީ

    ބުލޮގު ޚުލާސާ

    އޭއެފްސީ ކަޕްގެ 'ގްރޫޕް އީ'ގައި ރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން ކްލަބާއި ބަނގްލަދޭޝްގެ ދާކާ އަބަހާނީ ބައްދަލުކުރާ މެޗުގެ ލައިވް ކަވަރޭޖަށް ސަންގެ ކިޔުންތެރީންނަށް މަރުހަބާ!

    މިއަދުގެ މެޗަށް ނުކުންނައިރު:

    • މާޒިޔާ އޮތީ އިންޑިއާގެ ބެންގަލޫރު އެފްސީއާއެކު ގްރޫޕްގެ އެންމެ ކުރީގައި. ދެ ޓީމަށް ވެސް ތިން މެޗުން ލިބިފައިވަނީ ނުވަ ޕޮއިންޓް.

    • ބެންގަލޫރު އަދި މާޒިޔާގެ ފަހަތުގައި އޮތް އިންޑިއާގެ މޯހަން ބަގާންއާއި އަބަހާނީއަށް ލިބިފައިވަނީ ތިން ޕޮއިންޓް.
    • ގްރޫޕްގައި މާޒިޔާ ކުޅުނު ތިން މެޗުގެ ތެރެއިން ބަލިވެފައިވަނީ އަމިއްލަ ގައުމުގައި ބެންގަލޫރާ ދެކޮޅަށް ކުޅުނު މެޗުން. އެ މެޗުން މާޒިޔާ ބަލިވީ 1-0 ލަނޑުގެ ނަތީޖާއަކުން. މާޒިޔާ ވަނީ އަމިއްލަ ގައުމުގައި މޯހަން ބަގާން އަތުން 5-2 ލަނޑުގެ ނަތީޖާއަކުން މޮޅެއް ހޯދައި، ރަށުން ބޭރުގައި ދާކާ އަބަހާނީ އަތުން 2-0 ލަނޑުގެ ނަތީޖާއަކުން މޮޅުވެފައި.
    • އަބަހާނީ މޮޅުވެފައިވަނީ އަމިއްލަ ގައުމުގައި ބެންގަލޫރާ ދެކޮޅަށް ކުޅުނު މެޗުން. އެ މެޗުން އަބަހާނީ މޮޅުވީ 2-0 ލަނޑުގެ ނަތީޖާއަކުން. އަމިއްލަ ގައުމުގައި މާޒިޔާ އަތުން 2-0 ލަނޑުގެ ނަތީޖާއަކުން އަބަހާނީ ބަލިވެފައިވާއިރު، ރަށުން ބޭރުގައި އަބަހާނީ ވަނީ 2-0 ލަނޑުގެ ނަތީޖާއަކުން ބެންގަލޫރު އަތުން ބަލިވެފައި.
    17:56

    މެޗުގެ ދެވަނަ ހާފުގެ ކުޅުން ނިންމާލައިފި. މެޗު ނިމިގެންދިޔައީ 2-0 ލަނޑުން މާޒިޔާ ކުރީގައި އޮވެގެން.

    17:52

    '90- މާޒިޔާގެ ޕެނަލްޓީ އޭރިޔާ ބޭރުން އަބަހާނީގެ އެމެކާ ފޮނުވާލި ހަމަލާ، މާޒިޔާ ގޯލުގެ ހުރަސް ދަނޑިމަތިން ބޭރަށް.

    17:48

    މާޒިޔާއަށް އެ ލަނޑު ކާމިޔާބުކޮށްދިނީ އެޓީމުގެ ބިދޭސީ ފޯވަޑް އެލެކްސެންޑާ ރަކިޗް. އޭނާ އެ ލަނޑު ކާމިޔާބުކުރީ ބޮކުރީ ފޮނުވާލި ހަމަލާއެއް ކީޕަރު ސަހިދުލް އަލަމް މަތަކުރުމާއެކު ލިބުނު ރީބައުންސް ބޯޅައަކުން.

    17:47

    85'-މާޒިޔާއިން އިތުރު ލަނޑެއްޖަހައި ލީޑު ފުޅާކޮށްފި.

    17:45

    '83-މާޒިޔާއަށް ލަނޑުޖަހާނެ ހުސް ފުރުސަތެއް.އަބަހާނީގެ ޕެނަލްޓީ އޭރިޔާ ތެރޭ ހުސްކޮށް ހުރެ، ރަކިޗް ފޮނުވާލި ހަމަލާ އަމާޒުވީ ގޯލުގެ ހުރަސް ދަނޑިއަށް. ރީބައުންސް ބޯޅައިން ބޮކުރީ ފޮނުވާލި ހަމަލާ، އަބަހާނީގެ ކީޕަރު ސަހުދުލް އަލަމް ވަނީ މަތަކޮށްފައި. ބޮކުރީއަށް ބޯޅަ ލިބުނުއިރު އޭނާ ވެސް ހުރީ ޕެނަލްޓީ އޭރިޔާ ތެރޭ ވަރަށް ހުސްކޮށް.

    17:40

    '78- މާޒިޔާގެ ފަހު ބަދަލު. އަސައްކޮގެ ބަދަލުގައި ކުޅެން ނުކުތީ ހުސައިން ނިޔާޒް (ބޮކުރީ).

    17:38

    '76- އަބަހާނީން ބަދަލެއް. ރުބެލް މިޔާގެ ބަދަލުގައި ކުޅެން ނުކުތީ މުހައްމަދު ޒިބާން.

    17:37

    '75- މާޒިޔާއިން ބަދަލެއް. އުމައިރުގެ ބަދަލުގައި ކުޅެން ނުކުތީ އަހްމަދު އިމާޒް (އާއްކޮ).

    17:35

    '3- އަބަހާނީގެ ޕެނަލްޓީ އޭރިޔާ ބޭރުން އިރޭ ފޮނުވާލި ހަމަލާ، ޔީސިން ޚާން ދިފާއުކޮށްފި.

    17:30
    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    އަބަހާނީ ކޮޅަށް ލަނޑުޖެހުމަށްފަހު މާޒިޔާގެ އުމައިރު އުފާފާޅުކުރަނީ --- ސަން ފޮޓޯ/ ފަޔާޒް މޫސާ
    އަބަހާނީ ކޮޅަށް ލަނޑުޖެހުމަށްފަހު މާޒިޔާގެ އުމައިރު(ކ) އުފާފާޅުކުރަނީ --- ސަން ފޮޓޯ/ ފަޔާޒް މޫސާ
    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    އަބަހާނީ ކޮޅަށް ލަނޑުޖެހުމަށްފަހު މާޒިޔާގެ އުމައިރު(ކ) އުފާފާޅުކުރަނީ --- ސަން ފޮޓޯ/ ފަޔާޒް މޫސާ
    17:21

    މާޒިޔާއަށް ލިބުނު ހިލޭ ޖެހުމަކުން މާޒިޔާއަށް ލީޑު ހޯދައިދިނީ މުހައްމަދު އުމައިރު. އޭނާ ފޮނުވާލި ހިލޭ ޖެހުން އަމާޒުވީ އަބަހާނީ ގޯލުގެ ތިރީ ކަނަށް.

    17:21

    '59-މާޒިޔާއިން ލީޑު ހޯދައިފި.

    17:15

    މާޒިޔާއިން ބަދަލެއް. ޔަސްފާދުގެ ބަދަލުގައި ކުޅެން ނުކުތީ ހަސަން ޝިފާޒް.

    17:14

    '52- އަބަހާނީގެ ޕެނަލްޓީ އޭރިޔާ ބޭރުން މާޒިޔާގެ އަޑުބަރޭ ފޮނުވާލި ހަމަލާ ގޯލާ އަމާޒެއް ނުވި.

    17:11

    '49- އަބަހާނީއަށް ލިބުނު ކޯނަރަކުން އަނެއްކާވެސް ނުރައްކާކޮށްފި. އިމޮން މަހްމޫދު ނަގައިދިން ކޯނަރަކުން މާޒިޔާގެ ޕެނަލްޓީ އޭރިޔާ ތެރޭ ހުރެފައި އެމެކާ އޮނުއޮހާ ބޮލުން ފޮނުވާލި ހަމަލާ ދިޔައީ ގޯލުގެ ހުރަސް ދަނޑިމަތިން ބޭރަށް.

    17:10

    '48- އަބަހާނީއަށް ފުރުސަތެއް. ވަލީ ފައިސަލް ނަގައިދިން ކޯނަރަކުން މާޒިޔާގެ ޕެނަލްޓީ އޭރިޔާ ތެރޭ ހުރެފައި ޔީސިން ޚާން ބޮލުން ފޮނުވާލި ހަމަލާ ދިޔައީ ގޯލުގެ އަރިމަތީ ދަނޑިކައިރިން ބޭރަށް.

    17:07

    މެޗުގެ ދެވަނަ ހާފުގެ ކުޅުން ފަށައިފި.

    16:51

    މެޗުގެ ފުރަތަމަ ހާފުގެ ކުޅުން ނިންމާލައިފި. ފުރަތަމަ ހާފު ނިމިގެންދިޔައީ ދެޓީމުންކުރެ އެއްވެސް ޓީމަކަށް ލަނޑެއްނުޖެހި އެއްވަރުވެގެން.

    16:50

    ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓްގެ ކުޅުން ދައްކައިފި.

    16:49

    އިރޭ ނަގައިދިން ހިލޭ ޖެހުމުން ކޯޑޯސް ހަމަލާއެއް ފޮނުވާލި ނަމަވެސް، އޭނާ ހުރީ އޮފްސައިޑްގައި.

    16:48

    '44- އަބަހާނީގެ ހާފްގެ ތެރެއިން އަޑުބަރޭއަށް ޖޮނަތަން ކުރި ފައުލަކާ ގުޅިގެން މާޒިޔާއަށް ހިލޭ ޖެހުމެއް.

    16:46

    '42- އަބަހާނީގެ ޖޮނަތަން ނެގި ހުރަސް، އަޑުބަރޭ ދިފާއުކޮށްފި. އަބަހާނީއަށް ލިބުނު ކޯނަރުން އެޓީމަށް ނުރައްކ ާކުރެވިފައެއް ނުވޭ.

    16:38

    '34- އަބަހާނީގެ ޕެނަލްޓީ އޭރިޔާ ތެރެއަށް ވަނުމަށްފަހު، މާޒިޔާގެ އުމައިރު ފޮނުވާލި ހަމަލާ، ސަމަދު ދިފާއުކޮށްފި.

    16:37

    މިއަދުގެ މެޗުގައި ރާއްޖޭގެ ގައުމީ ދަނޑުގައި ބަނގްލަދޭޝްގެ ޗެމްޕިއަން އަބަހާނީ ކުޅެމުންދާތީ އެޓީމަށް ސަޕޯޓްކުރުމަށް ރާއްޖޭގައި މަސައްކަތްކުރަމުންދާ ބަނގްލަދޭޝްގެ ގިނަ އަދަދެއްގެ ބަޔަކު ދަނޑަށް ވަދެފައިވޭ.

    16:33

    '29- އުމައިރު ނަގައިދިން ހިލޭޖެހުން އަބަހާނީގެ ޕެނަލްޓީ އޭރިޔާ ތެރެއިން ކީޕަރު ސަހިދުލް އަލަމް ހޯދައިފި. ކީޕަރަށް އަނިޔާވުމުން އޭނާއަށް ފަރުވާދިނުމަށް ކުޅުން މެދުކަނޑާލައިފި.

    16:32
    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    16:29

    24' މާޒިޔާގެ ނުރައްކާތެރި ހަމަލާއެއް. މާޒިޔާގެ ރަކިޗް ފޮނުވާލި ބާރު ހިލޭޖެހުން އަބަހާނީގެ ކީޕަރު ސަހިދުލް އަމަން ވަނީ މަތަކޮށްފައި.

    16:29

    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ

    16:25

    މެޗުގެ ފުރަތަމަ 20 މިނެޓްގެ ކުޅުން ނިމުނުއިރު، ދެޓީމުގެ ފަރާތުން ފެނިގެންދިޔައީ ދާދި ހަމަހަމަ ކުޅުމެއް. ދެ ޓީމަށް ވެސް ނުރައްކާތެރި ހަމަލާއެއް އުފެއްދިފައެއް ނުވޭ.

    16:20

    އަބަހާނީގެ ފުރަތަމަ 11:

    • އެމްޑީ ސަހިދުލް އަލަމް - ގޯލްކީޕަރު

    • އެމްޑީ ވަލީ ފައިސަލް
    • ސަމަދު ޔޫސުފް
    • އެމްޑީ އެމޮން މަހްމޫދު
    • އެމްޑީ މަމުން މިއާ - ކެޕްޓަން
    • ސާދް އުއްދިން
    • ރޭހާން ހަސަން
    • ޖޮނަތަން ބްރައުން
    • އެމްޑީ ޔީސިން ޚާން
    • އެމެކާ އޮނުއޮހާ
    • ރުބެލް މިޔާ

    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގައި އަބަހާނީގެ ފުރަތަމަ 11--- ސަން ފޮޓޯ/ ފަޔާޒް މޫސާ

    16:19

    "14- އަބަހާނީއަށް ލިބުނު ކޯނަރަކުން މާޒިޔާގެ ގޯލް ކުރިމައްޗަށް ހުރަސްކޮށްލި ބޯޅައަށް އަރައިތިބި އަބަހާނީގެ ދެކުޅުންތެރީންވެސް ވަރަށް ހުސްކޮށް ތިބެ ބޯޅަ ފޮނުވާލެވޭތީ މަސައްކަތްކުރީ. އެހެން ނަމަވެސް އެއްވެސް ކުޅުންތެރިއަކަށް ބޯޅަ ފޮނުވާލެވޭ ގޮތެއް ނުވި.

    16:17

    "12- މާޒިޔާއަށް ފުރުސަތެއް. އަބަހާނީގެ ގޯލް އޭރިޔާތެރެއަށް މާޒިޔާގެ ސަމޫހު ހުރަސްކޮށްލި ބޯޅަ އަސަދުﷲއަށް ލިބުމުން ވަރަށް ރީއްޗަް ފޮނުވާލި ނަމަވެސް ބޯޅަ ދިޔައީ ގޯލްގެ އަރިމަތީ ދަނޑިކައިރިން ބޭރަށް.

    16:15

    މާޒިޔާގެ ފުރަތަމަ 11:

    • ޕަވެލް މަޓިއާޝް - ގޯލްކީޕަރު

    • މިލޮސް ކޮވަސެވިޗް
    • އަމްދާން އަލީ
    • މުހައްމަދު އިރުފާން (އިރޭ)
    • އަންދްރޭ އެކެޖްސެންޑްރިޖް ކޯޑޯސް
    • އަސަދުﷲ އަބްދުﷲ (އަސައްކޮ) - ކެޕްޓަން
    • އެލެކްސެންޑާ ރަކިޗް
    • އަޝްއަދު އަލީ (އަޑުބަރޭ)
    • ސަމޫހް އަލީ (ސަމުއްޓޭ)
    • ޔަސްފާދު ހަބީބް
    • މުހައްމަދު އުމައިރު

    އޭއެފްސީ ކަޕްގެ 'ގްރޫޕް އީ'ގައި މާޒިޔާއާއި އަބަހާނީ ބައްދަލުކުރާ މެޗުގައި މާޒިޔާގެ ފުރަތަމަ 11--- ސަން ފޮޓޯ/ ފަޔާޒް މޫސާ

    16:05

    ފުރަތަމަ ހާފުގެ ކުޅުން ފަށައިފި.