07 May 2017, 23:11
ކާމިއަދު ހަވީރު މާލޭ ލީގުގައި ޔުނައިޓެޑް ވިކްޓަރީ ބަލިކޮށް ވިކްޓަރީން ތާވަލްގެ ފަސްވަނައަށް ޖެހިލައިފި އެވެ.
މިއަދު ގައުމީ ދަނޑުގައި ކުޅުނު މި މެޗް ވިކްޓަރީން ކާމިޔާބުކުރީ 2-1 ގެ ނަތީޖާއަކުންނެވެ.
މެޗުގެ ނަތީޖާއަށް ބަލާއިރު އެ ނަތީޖާއަކީ ވިކްޓަރީ އަށް ހިންދެމިލެވޭ ވަރުގެ ނަތީޖާއަކަށް ވީއިރު ޔުނައިޓެޑް ވިކްޓަރީއަށް ވަނީ ލީގުގައި އިތުރަށް ކުރިއަށް ދިޔުމަށް ބުރަކޮށް މަސައްކަތް ކުރަން ޖެހިފައެވެ.
މެޗަށް ބަލާއިރު ލީގުގައި މިވަގުތު ހުރި އެންމެ ތަޖުރިބާކާރު ކޯޗް އަލީ ސުޒޭން ގެ އިރުޝާދުގެ ދަށުން ކުޅެން ނުކުތް ވިކްޓަރީ ކޮޅަށް ގޯލެއް ޖަހައި ކުރި ހޯދީ ޔޫވީ އިންނެވެ. އެ ލަނޑު ކާމިޔާބުކޮށްދިނީ މެޗުގެ 32 ވަނަ މިނިޓްގައި ޒިވްކޮވިޗެވެ. އޭނާ އެ ލަނޑު ކާމިޔާބުކުރީ ޝަފްރާޒްގެ އެހީތެރިކަމާއެކުއެވެ.
ނަމަވެސް އެނަތީޖާ ދެމި އޮތީ ފުރތަމަ ހާފު ނިމެން ދިޔުމާއި ހަމައަށެވެ. ފުރަތަމަ ހާފުގެ ިއިތުރުވަގުތުގައި ހަސަން އަދުހަމް ސަޑޭ ވަނީ ވިކްޓަރީ އަށް ލަނޑެއް ކާމިޔާބުކޮށްދީ ނަތީޖާ ހަމަހަމަކޮށްދީފައެވެ.
ދެވަނަ ހާފު ހަމަހަމަ ނަތީޖާއަކާއެެއްކޮށް ދެޓީމުން ފެށި އިރު ސުޒޭންގެ ކޮށްކޮ ނަޒީހު ގެ އިރުޝާދުގެ ދަށުން ނުކުތް ޔޫވީ މާޔޫސްކޮށްލީ ރިސްވާން ކާމިޔާބުކޮށްދިން ލަނޑުންނެވެ. އެލަނޑު ޖެހުމަށް އެހީތެރިވީ ބިދޭސީ ކުޅުންތެރިއާ ކެރިޗްއެވެ.
އެ ނަތީޖާއަކު ވިކްޓަރީއަށް ފަސްވަނަ ލިބޭއިރު ޔޫވީ އޮތީ ހަތް ވަނާގައެވެ.