03 May 2017, 01:04
އައްޑޫ ސިޓީގެ ހިތަދޫގައި މިރޭ ހިނގި މާރާމާރީއެއްގައި ތޫނު އެއްޗަކުން ހަމަލާދީ ކުޑަ ފިރިހެން ކުއްޖަކު ޒަހަމްކޮށްލައިފިއެވެ.
'ަސަން' އާ ވާހަކަ ދައްކަމުން ފުލުހުންގެ މީޑިއާ އޮފިޝަަލަކު ވިދާޅުވީ އެ މާރާމާރީ ހިނގާފައިވާ ކަމުގެ މައުލޫމާތު އައްޑޫ ޕޮލިސް ސްޓޭޝަނަށް ލިބުނީ މިރޭ 22:23 ގައި ކަމަށެވެ.
އޮފިޝަލް ވިދާޅުވީ، މާރާމާރީގެ ސަބަބުން ލިބުނު ޒަހަމްތަކެއްގެ ސަބަބުން 15 އަހަރުގެ ފިރެހެން ކުއްޖަކަށް އަންނަނީ ހިތަދޫ ރީޖަނަލް ހޮސްޕިޓަލްގައި ފަރުވާ ދެމުން ކަމަށެވެ. ނަމަވެސް އެ ކުއްޖާއަށް ލިބިފައިވަނީ ކިހާވަރެއްގެ ޒަހަމްތަކެއްކަން އެނގިފައެއް ނުވެއެވެ. އަދި މާރާމާރީއާ ގުޅިގެން އެއްވެސް މީހަކު ހައްޔަރުކޮށްފައިވާ ކަމެއް ވެސް ފުލުހުން ނުބުނެއެވެ.