29 Apr 2017, 15:01
ޖެން ހޮޓެލް ހުންނަ ހުރިހާ ސިޓީތަކެއްގައި ވެސް ކުރިޔަށްގެންދާ "ޖެން ވައި އާޓް" ފެސްޓިވަލް ރާއްޖޭގައި ވެސް ފަށައިފި އެވެ.
މޯލްޑިވިއަން އާޓްސް އިން ކޮމިއުނީޓީ އާ ގުޅިގެން މިއަދު ފެއްޓި ކުރުހުމުގެ ފެސްޓިވަލްގައި ރާއްޖޭގެ ހުނަރުވެރި ހަ އާޓިސްޓުންގެ ކުރެހުންތައް ދައްކުވައިދޭނެ ކަމަށް ފެސްޓިވަލް އިންތިޒާމު ކުރާ ފަރާތުން ބުންޏެވެ.
އެ ފެސްޓިވަލާ ގުޅޭ ގޮތުން ވާހަކަ ދައްކަވަމުން ހޮޓެލް ޖެންގެ މާކެޓިން އެންޑް ކޮމިއުނިކޭޝަން މެނޭޖަރު ނީނާ މުހައްމަދު ވިދާޅުވީ، އެއީ ޖެން ހޮޓެލް ހުންނަ ހުރިހާ ސިޓީތަކެއްގައި ވެސް އެ ތަނެއްގައި އުޅޭ ލޯކަލް އާޓިސްޓުންގެ ހުނަރު ދައްކުވައިދޭން ހިންގާ ފެސޓިވަލްއެއް ކަމަށެވެ.
"ޖެން ވައި އާރޓް" ފެސްޓިވަލްގެ ތެރެއިން---
އެގޮތުން މިއަދު ވެސް ވަރަށް ހުނަރުވެރި ހަ ކުރެހުންތެރިންގެ ރީތި ކުރެހުންތައް ދައްކާނެ ކަމަށާއި އެ ފެސްޓިވަލް ބަލައިލުމުގެ ފުރުސަތު ހުރިހާ ފަރާތްތަކަށް ވެސް އޮންނާނެ ކަމަށް އޭނާ ވިދާޅުވިއެވެ. ފެސްޓިވަލް ކުރިޔަށްދާނީ މިއަދު އިރު އޮއްސި ހަޔަކާއި ހަމައަށް ހޮޓެލް ޖެން ކުރިމަތީގަ އެވެ.
"ލައިމް ރެސްޓޯރެންޓްގައި އޮންނާނެ ފާރުގައި ކުރެހުން. އެތާނގައި 99 ރުފިޔާގެ ލަންޗު ވެސް އޮންނާނެ މިއަދު. ލަންޗަ ނަގަމުން ކުރަހާތަން ބަލާލާ ގޮތަށް އެ ތަން ހަމަޖެހިފަ އޮތީ. އަދި ލޮބީގައި ވަރަށް ހެޔޮ އަގުގައި ޖޫސް ވިއްކަމުން މި ދަނީ،"
"ޖެން ވައި އާރޓް" ފެސްޓިވަލްގެ ތެރެއިން---
ނީނާ ވިދާޅުވީ، ކުރިޔަށް އޮތްތާގައި ވެސް މިކަހަލަ އެތަކެއް ހަރަކާތްތަކެއް ލޯކަލް ކޮމިއުނީޓީއާ ގުޅިގެން ކުރިޔަށް ގެންދިޔުމަށް ރާވާފައިވާ ކަމަށެވެ.
މިއަދުގެ ފެސްޓިވަލާ ގުޅޭގޮތުން ވާހަކަދަވައްކަމުން މޯލްޑިވިއަން އާޓްސް އިން ކޮމިއުނިޓީގެ ޗެއާޕާސަން މައިމޫނާ ވިދާޅުވީ، އެފަދަ ފެސްޓިވަލް ވެގެންދާނީ މުޖުތަމައު އަށް ވެސް ފައިދާ ކުރާނެ ފެސްޓިވަލަކަށް ކަމަށެވެ. އޭގެ އިތުރުން އެބޭފުޅުންނަށް ވެސް ރަނގަޅު ފައިދާ ތަކެއް އެ ފެސްޓިވަލްގެ ސަބަބުން ކުރާނެ ކަމަށް އޭނާ ވިދާޅުވިއެވެ.
"ޖެން ހޮޓެލް އަށް ދުރުވާ ބޭފުޅުން އެ ކުދިންގެ މަަސައްކަތް ބަލައިގަނެ މިހެން ލާފައި ހިންގާ މީހުންނަށް އޭތި ފެނި ރަނގަޅު އެކްސްޕޯސާއެއް ލިބޭނެ. އަދި މުޖުތަމުއުގައި މި ރޮންގުން ކުރިޔަށްދާން ތިބި މީހުންނަށް ރަނގަޅު ހިތްވަރަކަށް ވާނެ،" މައިމޫނާ ވިދާޅުވިއެވެ.