26 Mar 2017, 10:10
ކީރިތި ޤުރުއާނަށް އިޙްތިރާމް ކުޑަވާގޮތަށް ދައުލަތުގެ ޕިކަޕެއްގައި މުސްހަފްތަކެއް އުފުލި މައްސަލަ ބަލަން ފަށައިފިއެވެ.
އިއްޔެ ވަނީ ޕިކަޕެއްގައި ކުނި އުފުލާގޮތަށް މުސްހަފްތަކެއް އުފުލާފައެވެ. އެއްވެސް ތަރުތީބެއްނެތި އެތަކެތި ޕިކަޕުގައި އުފުލިއިރު ޕިކަޕު ފަހަތުގައި ދެ ބިދޭސީންވެސް ތިއްބެވެ.
އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު މިއަދު ސަން އަށް ވިދާޅުވީ، އެކަން ހިނގިގޮތް ބަލައި ފިޔަވަޅު އެޅުމަށް ނިންމާފައިވާ ކަމަށެވެ. އަދި އެކަން ފުލުހުން ތަހުގީގް ކުރަމުން އަންނަ ކަމަށެވެ.
"މިކަން ކުރިބަޔަކާ ދޭތެރޭ ފިޔަވަޅު އަޅާނަން،" މިނިސްޓަރު ވިދާޅުވިއެވެ.
ދިވެހި ރައްޔިތުންގެ ދީނީ އެއްބައިވަންތަކަމުގެ ގާނޫނުގެ ދަށުން މުސްހަފް ފަދަ ތަކެތި ގެންގުޅެންޖެހޭނީ އެއަށް އިހްތިރާމް ލިބޭގޮތަށެވެ.
ދައުލަތުގެ ޕިކަޕެއްގައި މުސްހަފްތަކަށް އިހުތިރާމް ކުޑަވާގޮތަށް އުފުލީ ކޮންބައެއްތޯ ސުވާލުކުރުމުން މިނިސްޓަރު ވިދާޅުވީ އަދި އެމައުލޫމާތު ނުލިބޭ ކަމަށެވެ.