19 Feb 2017, 21:16
ކަރުގައި ރުފިޔާއެއް ތާށިވެގެން ހދ. ކުޅުދުއްފުށިން އައިޖީއެމްއެޗަށް ގެނައި ކުއްޖާގެ ކާމިޔާބު އޮޕަރޭޝަނަކަށް ފަހު ރުފިޔާ ނަގައިފި އެވެ.
އިއްޔެ އެކުއްޖާ ހދ. ކުޅުދުއްފުށީ ހޮސްޕިޓަލަށް ގެންގޮސްފައި ވަނީ ހަވީރު އެވެ. އަދި އިތުރު ފަރުވާއަށް މާލެ ގެނައީ ރޭގެ ވަގުތެއްގައެވެ.
އައިޖީއެމްއެޗްގެ މީޑިއާ އޮފިޝަލު ވިދާޅުވީ، ކަރުގައި ރުފިޔާއެއް ތާށިވެގެން ގެނައި ކުއްޖާގެ އޮޕަރޭޝަނަށް ފަހު މިހާރު އެ ރުފިޔާ ނަގާފައިވާ ކަމަށެވެ. އަދި އެ ކުއްޖާގެ ހާލު ރަނގަޅު ކަމަށްވެސް އައިޖީއެމްއެޗުން ބުންޏެވެ.
ރުފިޔާ ތާށިވެފައިވަނީ ކާ އެއްޗިހި ދައުރުވާ ހޮޅީގެތެރޭގައި ކަމަށް ހދ. ކުޅުދުުއްފުށި ހޮސްޕިޓަލުން ވަނީ ބުނެފައެވެ.