15 Jan 2017, 14:15
ރާއްޖޭގައި ވިޔަފާރި ކުރާ ހަތް ކުންފުންޏަކުން ރާއްޖެއަށް އެތެރެކޮށް ވިއްކާ ޖޫސް ތަކެއްގެ ރަހަ، އެއްތާކުން ބަލާލުމުގެ ފުރުސަތު ދިނުމަށް އެސްޓީއޯއިން އިސްނަގައިގެން އެ ކުންފުނިތަކާ އެކު ހަރަކާތެއް ފަށައިފި އެވެ.
އެ ހަރަކާތްތައް ކުރިއަށްދަނީ އެސްޓީއޯ ސުޕަމާޓްގައެވެ. މިއަދުން ފެށިގެން މިމަހު 28 ވަނަ ދުވަހުގެ ނިޔަލަށް ކުރިއަށްގެންދާ އެ ހަރަކާތްތަކުގައި ރާއްޖޭގެ ކުންފުނިތަކަކުން އެތެރެކޮށް ވިއްކާ ތަފާތު ބްރޭންޑްތަކުގެ ޖޫސްތައް ރަހަ ބަލާލުމުގެ ފުރުސަތު ލިބޭނެއެވެ.
މިއަދު އެސްޓީއީގައި ބޭއްވި ރަސްމިއްޔާތުގެ ތެރެއިން --- ސަން ފޮޓޯ/ ފަޔާޒު މޫސާ
ރަހަ ބެލުމަށް ކޮންމެ ދުވަހަކުވެސް ހާއްސަ ކޮށްފައިވާ ބްރޭންޑާއި ގަޑިތައް އެސްޓީއޯގެ ސޯޝަލްމީޑިއާ ވަސީލަތްތައް މެދުވެރިކޮށް އާންމުކުރަމުންދާނެ ކަމަށް އެ ކުންފުނިން މައުލޫމާތުދެ އެވެ.
އެސްޓީއޯގައި މިހާރު ވެސް ގަންނަން ލިބެންހުރި ބްރޭންޑްތަކުގެ ތެރޭގައި، ދަ ބެރީސް ނަމަކަށް ކިޔާ ޖޫހަކާއި އެމްޔޫ ސްޓޯރުން އެތެރެކޮށް ވިއްކާ ލެކްނޯ ޖޫހާއި ލިލީ އެފްއެންބީ އިން އެތެރެކޮށް ވިއްކާ ސެރެސް އާއި ހެޕީ މާކެޓުން ވިއްކާ ރައުންޗްގެ އިތުރުން ބިޒް ފޯ މޯލްޑިވްސް އިން ވިއްކާ ހޮލިންގާ ހިމެނެ އެވެ.
އެސްޓީއޯ ސުޕަމާޓްގައި ގްރެނިނީ ޖޫސްފުޅިތަކެއް ބަހައްޓާފައި --- ސަން ފޮޓޯ/ ފަޔާޒު މޫސާ
އެ ބްރޭންޑްތަކުގެ އިތުރުން އެސްޓީއޯއިން މާކެޓްކުރާ އެލްސަބާ އަދި ރޯސެސް އާއި ޔޫރޯ ސްޓޯރުން ވިއްކާ ގްރެނިނީ ހިމެނެ އެވެ.
އެސްޓީއޯއިން ބުނީ އެއިން ކޮންމެ ބްރޭންޑެއް ވެސް އެސްޓީއޯއިން ގަންނަނަމަ 15 ޕަސެންޓާއި 20 ޕަސެންޓާ ދެމެދުގެ ޑިސްކައުންޓެއް ލިބޭނެ ކަމަށެވެ.