14 Jan 2017, 11:18
ޗަންދިގަރު (ޖެނުއަރީ 2017) -- ފިނި ބޮޑުވެގެން އިންޑިއާގެ ހަރިއާޔާ ސްޓޭޓްގެ ހުރިހާ ޕްރައިމަރީ ސްކޫލްތަކެއް ބަންދުކޮށްފި އެވެ.
ހަރިޔާނާ ސްޓޭޓްގެ ސަރުކާރާ ހަވާލާދީ އެންޑީޓީވީ އިން ބުނީ އިއްޔެ އިން ފެށިގެން އަންނަ ހޯމަ ދުވަހުގެ ނިޔަލަށް ހުރިހާ ޕްރައިމަރީ ސްކޫލްތަކެއް ބަންދުކޮށްފައިވާ ކަމަށެވެ. އަދި އެއީ ފިނިކަން ބޮޑުވުމުން ކަމަށް ވެސް ބުންޏެވެ.
"ސަރުކާރުގެ އަދި އަމިއްލަ ހުރިހާ ޕްރައިމަރީ ސްކޫލެއް އަންނަ ހޯމަ ދުވަހާ ހަމަ އަށް ވަނީ ބަންދުކޮށްފައި،" ހަރިޔާނާ ސްޓޭޓްގެ އެޑިޔުކޭޝަން މިނިސްޓަރު ވިދާޅުވި އެވެ.
ފިނިވާ ވަރު ބޮޑުވެގެން ދިއްލީ އާއި ދިއްލީ ކައިރީގައި ހުރި ސްކޫލްތައް ވެސް ވަނީ އަންނަ ބުރާސްފަތި ދުވަހާ ހަމަ އަށް ބަންދުކޮށްފަ އެވެ.
ހަރިޔާނާ ސްޓޭޓްގައި އަދި ވެސް އަންނަނީ ފިނިވާ ވަރު ބޮޑުވަމުންނެވެ. އަދި އިއްޔެ އެ ސްޓޭޓްގައި ފިނި ހޫނު މިން ހުރީ ފަސް ޑިގްރީ ސެލްސިއަސްގަ އެވެ.