Last Updated: 9 year 11 month ago
ސިޔާމް-މައުރޫފް ސޮކާ ކަޕްގެ ފައިނަލުގައި މިއަދު ހަވީރު ކެނދިކުޅުދޫ އެފްސީ އާއި ހޮޅުދޫ އެފްސީ ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!
ސިޔާމް-މައުރޫފް ސޮކާ ކަޕަކީ ނ. އަތޮޅުގެ ރަށްތަކަށް އަމާޒުކޮށްގެން ނ. ކެނދިކުޅުދޫގައި ކުރިއަށްގެންދާ މުބާރާތެއް. އެ މުބާރާތުގައި މިއަހަރު ނ. އަތޮޅުގެ ހުރިހާ ރަށަކުން ބައިވެރިވެފައިވޭ. އެއީ ކެނދިކުޅުދޫ، ކުޑަފަރީ، މަގޫދޫ، މާފަރު، ވެލިދޫ، ލަންދޫ، ހޮޅުދޫ، ޅޮހި، ހެނބަދޫ، މިލަދޫ، ފޮއްދޫ، މާޅެންދޫ އަދި މަނަދޫ.
އެ މުބާރާތަކީ ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހުމަދު ސިޔާމް މުހައްމަދާއި ކެނދިކުޅުދޫ ދާއިރާގެ މެމްބަރު އަލީ މައުރޫފްގެ އިސްނެންގެވުމާއެކު ނ. އަތޮޅުގައި ފުޓްބޯޅަ ކުރިއަރުވައި، އެ އަތޮޅުން ރަނގަޅު ފެންވަރުގެ ކުޅުންތެރިން ފުޓްބޯޅައަށް ތައާރަފް ކުރުމުގެ މަގުސަދުގައި ކުރިއަށް ގެންދާ މުބާރާތެއް.
މުބާރާތުގެ ފައިނަލު މެޗުގެ ހާއްސަ މެހެމާނެއްގެ ގޮތުގައި ބާސެލޯނާގެ ކުރީގެ ކެޕްޓަން ކާލްސް ޕުޔޯލް އާއި އޭނާގެ އަންހެނުން އަދި ސްޕެއިންގެ މަޝްހޫރު މޮޑެލް ވެނެސާ ލޮރެންޒޯ ބައިވެރިވާނެ. ޕުޔޯލް އަށް މަރުހަބާ ކިޔުމަށް ނ. އަތޮޅުގެ ރައްޔިތުންނާއި ކެނދިކުޅުދޫ ވަނީ ވަރަށް ބޮޑަށް ތައްޔާރުވެފައި.
ޕުޔޯލް ވަނީ ޔޫތު ކެރިޔަރުން ފެށިގެން ބާސާގައި ގިނަ ދުވަސްތަކެއް ހޭދަކޮށްފަ. ޑިފެންޑަރެއްގެ މަގާމަށް ކުޅުނު ޕުޔޯލް ވަނީ 1999 ވަނަ އަހަރުން ފެށިގެން 2014 ވަނަ އަހަރުގެ ނިޔަލަށް ބާސާގެ ސީނިއާ ޓީމަށް ކުޅެ، މުހިންމު ދައުރެއް އަދާކޮށްފަ. ބާސާއާ އެކު ގިނަ ކާމިޔާބުތަކެއް ހޯދި ޕުޔޯލް ވަނީ 2004 ވަނަ އަހަރުން ފެށިގެން ކުޅުން ހުއްޓާލުމާ ހަމައަށް ބާސާގެ ކެޕްޓަން ކަމުގެ ދައުރު ވެސް އަދާކޮށްފަ. އޭގެ އިތުރުން ސްޕެއިންގެ ގައުމީ ޓީމާއެކު ވެސް އޭނާ ކާމިޔާބު ދުވަސްތަކެއް ހޭދަކުރި.
ސިޔާމް-މައުރޫފް ސޮކާ ކަޕްގެ ފައިނަލުގައި އެއްކޮޅުން ވާދަކުރާ ހޮޅުދޫއަކީ އެންމެ ފަހުގެ ޗެމްޕިއަން. އެ ޓީމު ފައިނަލުގެ ޖާގައެއް ހޯދީ ސެމީގެ ފުރަތަމަ މެޗުގައި އެފްސީ މާފަރު އަތުން މޮޅުވެގެން. ކެނދިކުޅުދޫން ފައިނަލުގެ ޖާގައެއް ހޯދީ ސެމީގެ ދެ ވަނަ މެޗުގައި މިލަދޫ އަތުން މޮޅުވެ، ސެމީގެ ތިން ވަނަ މެޗުގައި މާފަރުގެ މައްޗަށް ކުރި ހޯދައިގެން.
އެ މުބާރާތުގެ ފައިނަލް މެޗުން މޮޅުވެ، ޗެމްޕިއަން ހޯދާ ޓީމަށް ތަށި ހަވާލުކޮށްދޭނީ ފައިނަލް މެޗުގެ ހާއްސަ މެހެމާން ޕުޔޯލް. އެ މުބާރާތުގެ ޗެމްޕިއަން ޓީމަށް މި އަހަރު 150،000 ރުފިޔާގެ ފައިސާގެ އިނާމެއް ހުށަހަޅާފައި އިރު، ރަނަރަޕަށް ހުށަހަޅާފައި ވަނީ 100،000 ރުފިޔާގެ ފައިސާގެ އިނާމެއް. ފެއާޕްލޭ ޓީމަށް 25،000 ރުފިޔާގެ ފައިސާގެ އިނާމެއް ހުށަހަޅާފައިވާ އިރު، އެންމެ ފޯރިއާއެކު ސަޕޯޓްކުރާ ޓީމަށް 15،000 ރުފިޔާގެ ފައިސާގެ އިނާމެއް ހުށަހަޅާފައިވޭ.
ޕުޔޯލްއާ އެކު ކުޑަކޮށް، ސިޔާމް އާއި މައުރޫފް އާއި އިރުތިޝާމް އަދި ބައްސާމް ވެސް ކުޅުއްވައިފި.
މިހާރު ޕުޔޯލް ދަނީ ސަޕޯޓަރުންނާ ސަލާމްކުރަމުން. އޭނާއާ އެކު އަހްމަދު ސިޔާމް މުހައްމަދު ވެސް ބައިވެރިވެ ވަޑައިގަންނަވާ.
ފައިނަލް މެޗުގެ މެހެމާނުންނަށް ވެސް ޕުޔޯލް ސޮއިކޮށްފައިވާ ބޯޅައެއް ހަދިޔާކޮށްފި. އެ ބޭފުޅުންގެ ތެރޭގައި މުބާރާތުގެ ބާނީއެއް ކަމަށްވާ މައުރޫފް އާއި، ކުޅިވަރާބެހޭ ވަޒީރު އިރުތިޝާމް އަދި އެފްއޭއެމްގެ ރައީސް ބައްސާމް އަދީލް ޖަލީލް ވެސް ހިމެނިވަޑައިގަންނަވާ.
މިއަހަރުގެ މުބާރާތުގައި ނ. އަތޮޅުގެ 13 ރަށުން ވެސް ވަނީ ބައިވެރިވެފައި. އެއީ ކެނދިކުޅުދޫ، ކުޑަފަރީ، މަގޫދޫ، މާފަރު، ވެލިދޫ، ލަންދޫ، ހޮޅުދޫ، ޅޮހި، ހެނބަދޫ، މިލަދޫ، ފޮއްދޫ، މާޅެންދޫ އަދި މަނަދޫ.
މުބާރާތުގައި ބައިވެރިވި ކޮންމެ ޓީމަކަށް ވެސް ޕުޔޯލް ސޮއިކޮށްފައިވާ ބޯޅައެއް ހަދިޔާކުރޭ.
މިހާރު ކުރިއަށްދަނީ މުބާރާތުގައި ބައިވެރިވި ހުރިހާ ފަރާތްތަކަށް ހަނދާނީ ލިޔުން ހަވާލުކޮށްދިނުން. ޓީމުތަކަށް ހަނދާނީ ލިޔުން ހަވާލުކޮށްދެނީ ފައިނަލް މެޗުގެ ހާއްސަ މެހެމާން ކާލްސް ޕުޔޯލް.
ދެ ޓީމުގެ ސަޕޯޓަރުން ވެސް ދަނީ ވަރަށް ފޯރިއާއެކު ތަރުހީބުދެމުން.
ދެ ޓީމުން ވެސް ގިނަ އަދަދެއްގެ ސަޕޯޓަރުން ވަނީ ދަނޑަށް ވެދެފައި. އޭގެ އިތުރުން ވެސް ނ. އަތޮޅުގެ އެކި ރަށްތަކުން ވެސް މެޗު ބަލާލުމަށް އައިސްފައިވޭ.
