21 Dec 2016, 09:59
އައިން ސެފްރާ (ޑިސެމްބަރު 21): އުތުރު އެފްރިކާގައި އޮންނަ ސަހާރާ އަށް 37 އަހަރު ތެރޭގައި ފުރަތަމަ ފަހަރަށް ސްނޯ ފައިބައިފި އެވެ.
އުތުރު އެފްރިކާގެ އަލްޖީރިއާގައި އޮންނަ އައިން ސެފްރާގެ ސަހަރާއަށް ފޭބި ސުނޯގެ ފޮޓޯ ނެގި ފޮޓޯގްރާފަރެއް ކަމަށްވާ ކަރީމް ބޯޝެޓާޓާ ބުނި ގޮތުގައި އެއަވަށަށް ސްނޯ ފޭބީ ހޯމަ ދުވަހު އެވެ.
"ސަހަރާއަށް ސްނޯ ފައިބަން ފެށުމުން އެންމެން ތިބީ ހައިރާންވެފައި. އެއީ ވަރަށް މަދުން ނޫނީ ނުވާ ކަމެއް،" ބޯޝެޓާޓާ ބުންޏެވެ.
އުތުރު އެފްރިކާގައި އޮންނަ ސަހަރާގެ ބަޔަކަށް ސްނޯ ފައިބައިފައި -- ފޮޓޯ: ކަރީމް ބޯޝެޓާޓާ
އުތުރު އެފްރިކާގައި އޮންނަ ދުނިޔޭގެ ތިން ވަނައަށް އެންމެ ބޮޑު ސަހަރާގެ ފިނިހޫނުމިނަށާއި ތެތް ކަމަށް ފާއިތުވި 100،000 އަހަރު ތެރޭ ވަނީ ބަދަލުތައް އައިސްފަ އެވެ.
ރިޕޯޓުތަކުގައިވާ ގޮތުން އައިން ސެފްރާއަށް އެންމެ ފަހުން ސްނޯ ފޭބި ކަމަށް ރިކޯޑު ކުރެވިފައި ވަނީ 18 ފެބްރުއަރީ 1979ގައި ބައިގަޑި އިރަށެވެ. (ޓެލެގްރާފް)