Last Updated: 9 year 12 month ago
ދިލްބަހާރު މަގުން އަދި މއ. ކާމިނީ ކޮމްޕްލެކް ފުރަގަހުގައި ހުންނަ ގުދަނެއްގައި ރޯވެ އަނދަން ފަށައިފި އެވެ.
އަލިފާން ރޯވެފައި ވަނީ މއ. ކަފިދޫގައި ހިންގާ ގުދަނެއްގައި.
13:55
މިއަދު މެންދުރު 12:30 އެހާކަންހާއިރު ހިނގި މި ހާދިސާގައި ބްރަދާހޫޑް ގުދަނުގައި ރޯވި އަލިފާންގަނޑު ސިފައިންނަށް ކޮންޓްރޯލް ނުވެ އުޅެނިކޮށް، ގުދަން އަނދައި ހުލިވެއްޖެ.
ނަމަވެސް ފުލުހުންނާއި ސިފައިންގެ މަސައްކަތުން ވަނީ އެ އަލިފާންގަނޑު ޖެހިގެން ހުރި ގެތަކަށް ނުފެތުރޭނެ ގޮތް ހަދާފަ. އެ ހާދިސާގައި ހަތަރު ގެއަކަަށް ވަނީ އަލިފާނުގެ އަސަރުކޮށްފައި.
އަލިފާން ނިއްވުމުގައި ހަރަކާތްތެރިވި ސިފައިންގެ މީހަކަށް އަނިޔާވެފައިވޭ. އޭނާގެ ހަށިގަނޑަށް ކޮންމެ ވެސް ވަރެއްގެ ޒަހަމްތަކެއްވި.
ބްރަދަހުޑް ޕްރައިވެޓް ލިމިޓެޑްގެ ޖެނެރަލް މެނޭޖަރު އާޒިމް 'ސަން' އަށް ވިދާޅުވީ ރޯވި ގުދަނުގައި ހުންނާނީ އިލެކްޓްރޯނިކް ސާމާނާ، ކޮސްމެޓިކްސް ސާމާނު ކަމަށެވެ. ރޯވި ގުދަން ހުރި އިމާރާތަކީ ހަތަރު ބުރީގެ އިމާރާތެއް ކަމަށްވެސް އާޒިމް ވިދާޅުވި
ގުދަނުގެ ހަތަރު ފްލޯގައިވެސް މުދާ ހުންނާނެ ކަމަށާއި، ރޯވި އިރު ތަނުގައި މީހުން ތިބިކަން ނުވަތަ ނެތްކަންވެސް ނޭންގޭ ކަމަށް އާޒިމް ވިދާޅުވި އެވެ.
ރޯވާން ދިމާވި ސަބަބު ބުނެދޭން ނޭންގޭ ކަމަށްވެސް އާޒިމް ވިދާޅުވި އެވެ. ގުދަން ހުރީ އިންޝުއަރެންސް ކޮށްފައިކަން އާޒިމް ވަނީ ކަށަވަރު ކޮށްދީފަ އެވެ.
އަލިފާން ރޯވެފައިވާ ގުދަނަކީ ބްރަދާހޫޑް ގްރޫޕުގެ ގުދަނެއް.
އަލިފާނުގެ ހާދިސާ ހިނގައިގެން އުޅޭ ސަރަހައްދަށް ޖަމާ ނުވުމަށް ސިފައިންނާއި ފުލުހުން ދަނީ އިލްތިމާސް ކުރަން
ގުދަން ހުރި ސަރަހައްދަކީ ކައިރި ކައިރީގައި ގެތަކެއް ހުރި ސަރަހައްދެއް
އަލިފާންގަނޑު އަދިވެސް ކޮންޓްރޯލެއް ނުކުރެވޭ
