Last Updated: 9 year 2 week ago

Last Updated:
9 year 2 week ago

މިނިވަން ޗެމްޕިއަންޝިޕް ފައިނަލް މެޗު: (ފުލްޓައިމް) ތިމަރަފުށި 0-1 އޭދަފުށި

    ބުލޮގު ޚުލާސާ

    މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ފައިނަލުގައި ތ. ތިމަރަފުށްޓާއި ބ. އޭދަފުށި ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!

    މިރޭގެ މެޗަށް ދެ ޓީމު ނުކުންނައިރު:

    • ފައިނަލަށް ތިމަރަފުށި ދަތުރުކޮށްފައި ވަނީ ސެމީ ފައިނަލުގައި ދ. ކުޑަހުވަދޫ ބަލިކުރުމަށްފަހު.

    • ފައިނަލަށް އޭދަފުށި ދަތުރުކޮށްފައި ވަނީ ސެމީ ފައިނަލުގައި އެންމެ ފަހުގެ ޗެމްޕިއަން ސ. ފޭދޫގެ މައްޗަށް ކުރި ހޯދައިގެން.
    • ތިމަރަފުށްޓާއި އޭދަފުށްޓަކީ އަތޮޅު އަދި ޒޯން ބުރުގެ ޗެމްޕިއަންކަން ވެސް ހޯދާފައިވާ ދެ ޓީމު.
    23:24

    އޭދަފުށިން ޗެމްޕިއަކަން ހޯދާފައިވަނީ މެޗުގެ ފުރަތަމަ ހާފުގެ ދިހަ ވަނަ މިނެޓުގައި އެ ޓީމުގެ ސާމީ އިބްރާހިމް ކާމިޔާބުކޮށްދިން ލަނޑުން.

    23:02

    މެޗުގެ ފުރިހަމަ ވަގުތުގެ ކުޅުން ހަމަވެއްޖެ. ފުރަތަމަ ހާފުގައި ތ. ތިމަރަފުށީ ކޮޅަށް ޖެހި ލަނޑާއެކު މުބާރާތުގެ ޗެމްޕިއަންކަން ހޯދީ ބ. އޭދަފުށީގެ ޓީމު.

    23:00

    ދެވަނަ ހާފުގެ އިތުރު ވަގުތުގެ ގޮތުގައި ހަތަރު މިނެޓް.

    22:59

    "90- އޭދަފުށިން ބަދަލެއް. ހުސައިން ޝިފާހުގެ ބަދަލުގައި ކުޅެން ނުކުތީ ހަސަން ސުޖާއު.

    22:57

    "89- ތިމަރަފުށްޓަށް ރަނގަޅު ފުރުސަތެއް. އަޒުހަދު ދިން ބޯޅައަކުން އޭދަފުށީގެ ޕެނަލްޓީ އޭރިޔާ ތެރެއިން އަހްމަދު ހައިލަމް އުފެއްދި ހަމަލާ ދިޔައީ ގޯލުގެ ހުރަސްދަނޑި މަތިން ބޭރަށް.

    22:54

    "86- ތިމަރަފުށިން ބަދަލެއް. އަބްދުﷲ ޝަރީﷲްގެ ބަދަލުގައި ކުޅެން ނުކުތީ އަހްމަދު ތޯހިރު.

    22:51

    84"- ކައުންޓާ އެޓޭކެއްގައި ތިމަރަފުށީގެ އަޒުހަދު އޭދަފުށީގެ ޕެނަލްޓީ އޭރިޔާ ތެރެއިން ނުރައްކާ ކުރަން އުޅުނު ނަމަވެސް، އޭގެ ކުރިން ތިމަރަފުށީގެ ޑިފެންޑަރުން އެ ބޯޅަ ހޯދައިފި.

    22:49

    "81- އޭދަފުށްޓަށް ރަނގަޅު ފުރުސަތެއް. މުހައްމަދު ފާސިރު ނަގައިދިން ހުރަހަކުން ތިމަރަފުށީގެ ޕެނަލްޓީ އޭރިޔާ ތެރޭގައި ހުސްކޮށް ހުރެ، ހުސައިން ޝިފާހު ބޮލުން އުފެއްދި ހަމަލާ ގޯލާ އަމާޒުވެފައެއް ނުވޭ.

    22:47

    "80- ތިމަރަފުށީގެ ހާފްގެ ތެރެއިން އެ ޓީމުގެ ގުއަޓަރީ އަބްދުލް ކާދެރް ކުރި ފައުލަކާ ގުޅިގެން އޭނާ އަށް ރީނދޫ ކާޑެއް ދައްކައިފި.

    22:42

    ތިމަރަފުށީގެ ބިދޭސީ މިޑްފީލްޑަރު ގުއަޓަރާ އަބްދުލް ކާދެރް އަކީ މިދިޔަ އަހަރުގެ ދިވެހި ޕްރިމިއާ ލީގުގައި ވިކްޓަރީ ސްޕޯޓްސް ކްލަބުން ފެނުނު ކުޅުންތެރިއެއް.

    22:40

    "73- ތިމަރަފުށިން ބަދަލެއް. އަމީން ޝާހުގެ ބަދަލުގައި ކުޅެން ނުކުތީ ހުސައިން ސިނާހު.

    22:39

    "71- އޭދަފުށިން ބަދަލެއް. އަހްމަދު ހުމައިދުގެ ބަދަލުގައި ކުޅެން ނުކުތީ މުހައްމަދު ޝިމާން.

    22:31
    މިނިވަން ޗެމްޕިއަންޝިޕް ފައިނަލުގައި ތިމަރަފުށްޓާއި އޭދަފުށި ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    މިނިވަން ޗެމްޕިއަންޝިޕް ފައިނަލުގައި ތިމަރަފުށްޓާއި އޭދަފުށި ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    މިނިވަން ޗެމްޕިއަންޝިޕް ފައިނަލުގައި ތިމަރަފުށްޓާއި އޭދަފުށި ބައްދަލުކުރާ މެޗުގެ ތެރެއިން --- ސަން ފޮޓޯ/ ފަޔާޒް މޫސާ
    22:26

    އޭދަފުށީގެ ގޯލް ބަލަހައްޓަމުންދަނީ ކުރިން އެއް ވަނަ ޑިވިޝަންގެ ކްލަބުތކަަކުން ފެނުނު ކީޕަރު ޒިޔަޒަން. އޭނާ ކުޅުނު ކްލަބުތަކުގެ ތެރެއިން ނިއު ރޭޑިއަންޓް ސްޕޯޓްސް ކްލަބުގައި ދެއްކި ކުޅުން ފާހަގަކޮށްލެވޭ.

    22:19

    "52- ތިމަރަފުށްޓަށް ލަނޑުޖަހާނެ ރަނގަޅު ފުރުސަތެއް. އަބްދުﷲ ޝަރީފް ދިން ބޯޅައަކުން އޭދަފުށީގެ ޕެނަލްޓީ އޭރިޔާ ތެރެއިން އޮފޯރީ ނުރައްކާކުރުމުގެ ކުރިން ކީޕަރު ޒިޔަޒަން ވަނީ އެ ބޯޅަ ހޯދާފައި.

    22:12

    މެޗުގެ ދެވަނަ ހާފުގެ ކުޅުން ފެށީ އޭދަފުށުން.

    21:57

    މެޗުގެ ފުރަތަމަ ހާފުގެ ފުރަތަމަ ފަސް މިނެޓުގައި ތިމަރަަފުށިން ރަނގަޅަށް ކުޅެމުންދިޔަ ނަމަވެސް، އޭގެފަހުން އޭދަފުށިން ކުޅުން ރަނގަޅުކޮށް ލަނޑެއްޖަހައި ގިނަ ފުރުސަތުތަކެއް ތަނަވަސްކޮށްފައިވޭ. މެޗުގެ ފުރަތަމަ ހާފުގައި ތިމަރަފުށްޓަށް ލަނޑުޖަހާނެ ގިނަ ފުރުސަތުތަކެއް ތަނަވަސް ކުރެވިފައެއް ނުވޭ.

    21:56

    މެޗުގެ ފުރަތަމަ ހާފުގެ ކުޅުން ނިމިއްޖެ. ފުރަތަމަ ހާފުގެ ކުޅުން ނިމުނުއިރު، 1-0 ލަނޑުން ކުރީގައި އޮތީ އޭދަފުށި.

    21:47

    "42- އޭދަފުށީގެ ޕެނަލްޓީ އޭރިޔާ ބޭރުން ތިމަރަފުށީގެ އަޒުހަދު އަލި މަނިކު އުފެއްދި ހަމަލާ، ގޯލާ އަމާޒެއް ނުވި.

    21:46

    "41- އޭދަފުށްޓަށް އިތުރު ފުރުސަތެއް. ތިމަރަފުށީގެ ތިން ކުޅުންތެރިއެއް ކައިރިން ނައްޓާލުމަށްފަހު، ތިމަރަފުށީގެ ޕެނަލްޓީ އޭރިޔާ ތެރެއިން އިޝާޏް އުފެއްދި ހަމަލާ ގޯލާ އަމާޒުވެފައެއް ނުވޭ.

    21:45

    "40- އޭދަފުށްޓަށް ލިބުނު ހިލޭ ޖެހުމަކުން އިޝާން އިބްރާހިމް ފޮނުވާލި ހަމަލާ، ތިމަރަފުށީގެ ކީޕަރު ޝަރުހާން މަތަކޮށްފި.

    21:43

    "39- އޭދަފުށްޓަށް ލިބުނު ހިލޭ ޖެހުމަކުން އެ ޓީމުގެ ސާމީ ނަގައިދިން ހުރަހުން ޝިފާހު ބޮލުން އުފެއްދި ހަމަލާ ދިޔައީ ގޯލުގެ ހުރަސް ދަނޑީގައި ޖެހިފައި ބޭރަށް.

    21:40

    "35- އޭދަފުށްޓަށް ލަނޑު ޖަހާނެ ރަނގަޅު ފުރުސަތެއް. އަބްދުލް މަޖީދު އިބްރާހިމް ދިން ބޯޅައަކުން ތިމަރަފުށީގެ ޕެނަލްޓީ އޭރިޔާ ތެރޭ، ހުސްކޮށް ހުރެ ހުސައިން ޝިފާހު އުފެއްދި ހަމަލާ ގޯލާ އަމާޒެއް ނުވި.

    21:35

    "29- ތިމަރަފުށީ ފޯވަޑް އޮފޯރީ އަށް ރީނދޫ ކާޑެއް.

    21:34

    "28- ތިމަރަފުށްޓަށް ލިބުނު ހިލޭ ޖެހުމަކުން އެ ޓީމުގެ އަމީން ޝާހު އުފެއްދި ހަމަލާ، ކީޕަރު ޒިޔަޒަން މަތަކޮށްފި.

    21:32

    "27- އޭދަފުށީގެ ހާފްގެ ތެރެއިން އެ ޓީމުގެ ސާމީ އިބްރާހިމް ކުރި ފައުލަކާ ގުޅިގެން އޭނާ އަށް ވެސް ރީނދޫ ކާޑެއް ދައްކައިފި.

    21:30

    "25- ތިމަރަފުށީގެ އާދަމް ނާސިހު ފޮނުވާލި ބޯޅައިގައި ބާރެއް ނެތް. އެ ހަމަލާ އޭދަފުށީގެ ގޯލާ އަމާޒެއް ވެސް ނުވި.

    21:28

    މެޗުގެ ފުރަތަމަ ފަސް މިނެޓުތެރޭ ތިމަރަފުށިން ރަނގަޅު ކުޅުމެއް ދެއްކި ނަމަވެސް، އެއަށްފަހު ރަނގަޅަށް ކުޅެމުންދަނީ އޭދަފުށިން.

    21:25

    މެޗުގެ ފުރަތަމަ ކާޑު އޭދަފުށްޓަށް. އެ ޓީމުގެ އަހްމަދު ހަނީފް ކުރި ފައުލަކާ ގުޅިގެން ރެފްރީ ވަނީ އޭނާ އަށް ރީނދޫ ކާޑެއް ދައްކާފައި.

    21:19

    "14- އޭދަފުށީގެ އަބްދުﷲ އަބޫބަކުރު ނަގައިދިން ހުރަހަކުން ތިމަރަފުށީގެ ޕެނަލްޓީ އޭރިޔާ ތެރެއިން އިޝާން އިބްރާހިމް ބޮލުން ފޮނުވާލި ހަމަލާ ގޯލާ އަމާޒެއް ނުވި.

    21:15

    އޭދަފުށްޓަށް އެ ލަނޑު ކާމިޔާބުކޮށްދިނީ ސާމީ އިބްރާހިމް. ދުރުން އޭނާ ފޮނުވާލި އެ ހަމަލާ ތިމަރަފުށީގެ ގޯލަށް ވަދެފައިވަނީ ކީޕަރު މުހައްމަދު ޝަރުހާންގެ ބޯމަތިން ގޯލުގެ ތިރީ ކަނަށް.

    21:15

    "10- އޭދަފުށިން ލަނޑު ޖަހައި ލީޑު ހޯދައިފި.

    21:11

    "5- ތިމަރަފުށްޓަށް ލަނޑު ޖަހާނެ ރަނގަޅު ފުރުސަތެއް. އޭދަފުށި ޕެނަލްޓީ އޭރިޔާ ތެރެއިން ޑަންކުއާ ޑޭވިޑް އޮފޯރީ ފޮނުވާލި ހަމަލާ އަމާޒުވީ އޭދަފުށީ ކީޕަރު އަބްދުﷲ ޒިޔަޒަންގެ އަތަށް.

    21:05

    މެޗުގެ ކުޅުން ފެށީ ތިމަރަފުށިން.

    21:02

    މެޗަށް ދެ ޓީމުގެ ވެސް ގިނަ އަދަދެއްގެ ސަޕޯޓަރުން ވަންނަމުން އެބަދޭ.