ޓްރަމްޕު އޭނާގެ އާއިލާއަށް ޝުކުރުދަންނަވައިފި. ސިޔާސީ މައިދާނަކީ، އުނދަގޫ އަދި މުޑުދާރު ކަންތައްތަކަކާ ކުރިމަތިލާން ޖެހޭ ދާއިރާއެއްކަމަށް ވިދާޅުވި.

މިހާތަނަށް މި ގައުމުގައި ހަނދާންނައްތާލާފައި ތިބި، އެންމެހާ ފިރިހެނުންނާއި އެންމެހާ އަންހެނުން އިތުރަށް ދެން އަޅާނުލައި ދޫކޮށެއް ނުލާނެ.

މިއީ އަހަރެމެން އެންމެން އެއްބައިވެ އެކަތިގަނޑަކަށްވާންވީ ވަގުތު.

އެމެރިކާގެ 45 ވަނަ ރައީސްގެ މަގާމަށް އިންތިޚާބުވެވަޑައިގަތުމަށް ފަހު ޓްރަމްޕު ވިދާޅުވީ، ވަރަށް ވަރުގަދަ ކެމްޕޭނަކަށްފަހު، ހިލަރީއަށް މަރުހަބާ ދަންނަވާ ކަމަށް.

ޓްރަމްޕުގެ ރަނިން މޭޓް މައިކް ޕެންސް ވިދާޅުވީ، މިއީ ތާރީޚީ ދުވަހެއް ކަމަށް.

އެމެރިކާގެ ރައްޔިތުންގެ އަޑު އިއްވައިފި. އަދި އެމީހުންގެ އާ ޗެމްޕިއަން އިންތިޚާބުކޮށްފި. އެމެރިކާއަށް އާ ރައީސެއް އިންތިޚާބުކޮށްފި. އެމެރިކާގެ ނައިބު ރައީސެއްގެ ގޮތުން ރައްޔިތުންނަށް ޚިދުމަތްކުރާން ފުރުސަތުލިބުމަކީ އަހަންނަށް ލިބުނު ވަރަށް ބޮޑު ފަޚުރެއް.މައިކް ޕެންސް

އެމެރިކާގެ ހުޅަނގުގެ ސްޓޭޓެއް ކަމަށްވާ ވިސްކޮންސިންގެ އިލެކްޓޯރަލް ވޯޓުތައްވެސް ޓްރަމްޕް ކާމިޔާބުކުރައްވައިފި.

ފަހުގެ ނަތީޖާތައް ދައްކާގޮތުން، ޓްރަމް މިހާރު ވަނީ 266 އިލެކްޓޯރަލް ވޯޓް ހޯއްދަވާފައި. ހިލަރީއަށް ލިބިވަޑައިގެންފައި ވަނީ، 218.

• ޑޮނަލްޑް ޓްރަމްޕް: ރިޕަބްލިކަން ޕާޓީ - 56,682,202 ވޯޓް - %48.

• ހިލަރީ ކްލިންޓަން: ޑިމޮކްރެޓިކް ޕާޓީ - 55,504,044 ވޯޓް - %47.
• ގެރީ ޖޯންސަންް: ލިބަރޓޭރިއަން ޕާޓީ - 3,780,715 ވޯޓް - %3.
• ޖިލް ސްޓެއިންް: ގްރީން ޕާޓީ - 1,080,210 ވޯޓް - %1.
• އެހެނިހެން ކެންޑިޑޭޓުން: 728,778 ވޯޓް - %0.7.

ހިލަރީ ކްލިންޓަންގެ މާޔޫސްވެފައި ތިބި އެތަކެއް ހާސް ސަޕޯޓަރުން މިވަގުތު ގެޔަށް ގޮސް އަރާމުކުރުމަށް، ކްލިންޓަންގެ ކެމްޕޭން މެނޭޖަރު ޖޯން ޕޮޑެސްޓާ އެދިވަޑައިގެންފި.

ޓްރަމްޕުގެ މަސްދަރުތަކާ ހަވާލާދީ، ސީއެންއެން ބުނާގޮތުން، އޭނާ މިހާރު ދަނީ، "ވިކްޓަރީ ސްޕީޗް" ތައްޔާރުކުރައްވަމުން. އަދި އެ ތަގުރީރު ވަރަށް ބޮޑަށް ތަފާތުވާނޭކަމަށް ވެސް ބުނޭ. ހާއްސަކޮށް ޓްރަމްޕަށް ވޯޓް ނުދޭ ފަރާތްތައް ވެސް އިންތިޚާބުގެ ކަންކަން ހަނދާން ނައްތާލައި، ގައުމީ އެއްބައިވަންތަކަމަށް ގޮވާލާނޭކަމަށް ބުނޭ.

އެންމެ ފަހުގެ ނަތީޖާތައް ދައްކާގޮތުން، އެމެރިކާގެ ރިޔާސީ އިންތިޚާބު ކާމިޔާބުކުރުމަށް ޓްރަމްޕަށް މިހާރު ބޭނުންވަނީ އެންމެ 5 އިލެކްޓޯރަލް ވޯޓް. އޭނާ ވަނީ މިހާތަނަށް 265 ހޯއްދަވާފައި. ހިލަރީއަށް ލިބިވަޑައިގެންފައިވަނީ، 218. އިތުރަށް 52 އިލެކްޓޯރަލް ވޯޓް ބޭނުންވޭ.

އެމެރިކާގެ ރިޔާސީ އިންތިޚާބާ ގުޅިގެން މުޅި ދުނިޔޭގެ ސްޓޮކް މާކެޓު ވަނީ ދަށަށް ގޮސްފައި. އެގޮތުން އެގައުމުގެ ސްޓޮކް މާކެޓުގައި ހިއްސާތަކުގެ އަގަށް ބަލާއިރު މިއަދު ވަނީ ހަތަރު ޕަސެންޓު ދަށްވެ 700 ޕޮއިންޓަށްް ވެއްޓިފައި. އަދި އޭޝިއާގެ ސަރަހައްދުގެ ހިއްސާތައްވެސް ވަނީ ފަސް ޕަސެންޓާއި ތިން ޕަސެންޓާ ދެމެދުގެ މިންވަރަކަށް ދަށްވެފައި.

އާބާދީ މަދު ސްޓޭޓްތައް ކާމިޔާބު ކުރެވޭ ކެންޑިޑޭޓަކަށް ލިބޭނީ އިލެކްޓޯރަލް ކޮލެޖުން މަދުވޯޓު. އިލެކްޓޯރަލް ކޮލެޖުން ގިނަ ވޯޓު ލިބޭނެ ސްޓޭޓްތަކުގެ ތެރޭގައި ނިޔުޔޯކް، އޮހާޔޯ، ފްލޮރިޑާ އަލަބާމާ، ވާޖީނިޔާ، ކޮލޮރާޑޯ، ވޮޝިންޓަން، ކެންޓަކީ، މިސޫރީ ފަދަ ސްޓޭޓްތައް ހިމެނޭ. މިސްޓޭޓްތަކުގެ ތެރެއިން ހިލަރީ ވަނީ ނިޔުޔޯކް އާއި ކޮލޮރާޑޯ އަދި ވާޖީނިޔާ ކާމިޔާބުކޮށްފައި.

އިލެކްޓޯރަލް ކޮލެޖްގެ ވޯޓަކީ އެމެރިކާގެ އެކިއެކި ސްޓޭޓްތަކުގެ އާބާދީގެ މައްޗަށް ބަހާލާފައިވާ އެއްޗެއް. އާބާދީ ބޮޑެތި ސްޓޭޓްތައް ކާމިޔާބު ކުރެވިއްޖެނަމަ (އެސްޓޭޓްތަކުގެ ވޯޓުގެ އަޣްލަބިއްޔަތު ލިބިއްޖެނަމަ) އިލެކްޓޯރަލް ވޯޓުގެ ތެރެއިން ގިނަ ވޯޓު އެ ކެންޑިޑޭޓަކަށް ލިބޭނެ.

މިހާތަނަށް ދެބޭފުޅުންނަށް ލިބިފައިވާ ވޯޓުތަކަށް ބަލާއިރު އިލެކްޓޯރަލް ކޮލެޖްގެ ވޯޓުގެ ތެރެއިން 244 ވޯޓު ޓްރަމްޕަށް ލިބިފައިވާއިރު ހިލަރީއަށް ލިބިފައިވަނީ 215 ވޯޓް. އިލެކްޓޯރަލް ކޮލެޖްގެ ވޯޓުގެ ތެރެއިން 270 ވޯޓު ލިބިއްޖެނަމަ އެމެރިކާގެ ރިޔާސީ އިންތިޚާބު ކާމިޔާބު ވާނެ.

ޖޯޖިއާ ފަދަ ބޮޑެތި ސްޓޭޓްސް ތަކުން ޓްރަމްޕު ކުރީގައި އުޅުއްވާއިރު، މިހާތަނަށް އޭނާ ވަނީ 232 އިލެކްޓޯރަލް ވޯޓް ހޯއްދަވާފައި. ހިލަރީ ކްލިންޓަނަށް ލިބިވަޑައިގެންފައި ވަނީ، 209 އިލެކްޓޯރަލް ވޯޓް.