19 Oct 2016, 11:19
ޔުއެފާ ޗެމްޕިއަންސް ލީގުގައި ރެއާލް މެޑްރިޑް 5-1ގެ ނަތީޖާ އަކުން ލެހިއާ ވޯސޯ ބަލިކުރިއިރު ބްރޫޝިއާ ޑޯޓްމަންޑް ވަނީ 2-1ގެ ނަތީޖާ އަކުން ސްޕޯޓިން ބަލިކޮށް ގުރޫޕްގެ އެއްވަނަ ދިފާއުކޮށްފައެވެ.
ރޭގެ ނަތީޖާތަކާ އެކު ގުރޫޕް އެފްގެ އެއްވަނާގައި ޑޯޓްމަންޑް އޮތީ ކުޅުނު ތިން މެޗުން ހަތް ޕޮއުންޓް ހޯދައިގެންނެވެ. ރެއާލް މެޑްރިޑަށް ވެސް ހަތް ޕޮއިންޓް ލިބުނު ނަމަވެސް ގޯލުގެ ތަފާތުން އެ ޓީމް އޮތީ ދެވަނާގައެވެ.
ރެއާލްގެ އަމިއްލަ ދަނޑުގައި ރޭ ކުޅުނު އެމެޗުގައި އެ ޓީމުން ވަނީ ފުރަތަމަ ހާފުގައި ތިން ގޯލުގެ ލީޑެއް ނަގާފަ އެވެ. ފުރަތަމަ ގޯލު މެޗުގެ 16 ވަނަ މިނެޓްގައި ކާމިޔާބްކޮށްދިނީ ގެރެތް ބޭލްއެވެ. ރެއާލްގެ ދަވަނަ ގޯލު މާސެލޯ ފޮނުވާލި ބޯޅަ ގޯލުގެ ތެރެއަށް ވަނީ ލެހިއާގެ ތޯމަސް ލޮޑްލޮވިއެކް ފައިގަ ޖެހި މިސްރާބް އެނބުރިގެން ގޮހެއެވެ.
ލެއިހާގެ ހަމައެކަނި ގޯލު 22 ވަނަ މިނެޓްގައި އެޓީމަށް ލިބުނު ޕެނަލްޓީއެއްގައި ކާމިޔާބްކޮށްދިނީ ރަޑޮވިކް އެވެ. ފުރަތަމަ ހާފްގައި ރެއާލްއިން ކާމިޔާބު ކުރި ފަހު ގޯލު 37 ވަނަ މިނެޓްގައި ކާމިޔާބްކޮށްދިނީ ޒުވާން ފޯވާޑް މާކޯ އަސެންސިއޯ އެވެ.
ދެ ވަނަ ހާފްގައި ރެއާލްއިން ކާމިޔާބު ކުރި ދެ ގޯލަކީ ބަދަލު ކުޅުންތެރިންގެ ގޮތުގައި ކުޅުން ނިކުއިން ލޫކަސް ވަޒްކަޒް އާއި އަލްވާރޯ މޮރާޓޯގެ ފަރާތުން ފެނުނު ދެ ގޯލެވެ.
ގުރޫޕް އެޗްގައި ރޭ ޔުއެންޓަސްއިން ވަނީ 1-0ގެ ނަތީޖާ އަކުން ލިޔޯން ބަލިކޮށް ގުރޫޕްގެ އެއްވަނަ ދިފާއުކޮށްފަ އެވެ. ދެވަނާގައި އޮތް ސެވިއްޔާ އޮތީ 1-0ގެ ނަތީޖާ އަކުން ޑައިނަމޯ ޒެގްރެބްއެވެ.