12 Oct 2016, 10:27
މާލެއިން މުދާ ހިފައިގެން ދިޔަ ބޯޓެއް ހއ. ދިއްދޫ ނެރުމައްޗަށް އަރައި ދިޔަވަމުން އެބަ ދެއެވެ.
ދިއްދޫ ކައުންސިލްގެ މެމްބަރު އިބްރާހީމް ވަހީދު 'ސަން' އަށް ވިދާޅުވީ، ދިއްދޫ ނެރުމައްޗަށް އަރާފައިވަނީ ހއ. އިހަވަންދޫ "242" ނަމަކަށް ކިޔާ ބޯޓެއް ކަމަށެވެ. ނަމަވެސް މިހާރު އެ ބޯޓު ދިއްދޫ ފަޅުތެރެއަށް ވައްދާފައިވާ ކަމަށް އޭނާ ވިދާޅުވި އެވެ.
ދިއްދޫ ނެރުމަައްޗަށް އެރި "242" ބޯޓު ދިއްދޫ ފަޅުތެރެއަށް ވައްދާފައި: ބޯޓު ދިޔަވަމުންދާތީ ބޯޓުގައި ހުރި މުދާ ހުސްކުރުމުގެ މަސައްކަތް ރައްޔިތުން ދަނީ ކުރަމުން --- ފޮޓޯ/ ކިޔުންތެރިއެއް
އޭނާ ވިދާޅުވީ، މިހާރު ރައްޔިތުން ނުކުމެ ބޯޓުގައި ހުރި މުދާތައް ހުސްކުރުމުގެ މަސައްކަތް ކުރަމުންދާ ކަމަށާއި އަދިވެސް ބޯޓަށް ދިޔަވަމުން ދާކަމަށެވެ.
ދިއްދޫ ކައުންސިލްގެ މެމްބަރު އިބްރާހީމް ވަހީދު ވިދާޅުވީ، ހާދިސާ ހިނގިއިރު 242 ބޯޓުގައި ތިބީ ހަމަ އެކަނި ފަޅުވެރީން ކަމަށާއި އެއިން އެއްވެސް މީހަކަށް ގެއްލުން ނުވާ ކަމަށެވެ.
"ބޯޓު ނެރުމައްޗަށް އެރީ ދަތުރު ނިންމާފައި، މުދާ ހުސްކުރަންވެގެން ދިއްދުއަށް އައި މަގުމަތީގައި،" އޭނާ ވިދާޅުވިއެވެ.