09 Oct 2016, 19:23
ވައިގެ މަގުން އައްޑޫއަށް ގެންދިޔަ މަސްތުވާ ތަކެއްޗާ އެކު 22 އަހަރުގެ ފިރިހެނަކު ހައްޔަރުކޮށްފި އެވެ.
ފުލުހުން ބުނީ އެމީހާ ހައްޔަރުކޮށްފައިވަނީ މިމަހުގެ ހަވަނަ ދުވަހުގެ ހަވީރު އައްޑޫ ސިޓީ ގަން އިންޓަނޭޝަނަލް އެއާޕޯޓުން ކަމަށެވެ. އަދި އެ މަސްތުވާތަކެތި ފެނިފައިވަނީ ފުލުހުން އޭނާ ބަލައި ފާސްކުރުމުން އޭނާ ލައިގެން ހުރި ބޮކްސާ ގެ ތެރެއިން ކަމަށް ފުލުހުން ބުންޏެވެ.
އައްޑޫ އިން ހައްޔަރުކުރި އެމީހާގެ އަތުން ދެ ޕެކެޓުގެ މަސްތުވާތަކެތި ފެނިފައިވާ އިރު އެ ދެޕެކެޓުގެ ބަރުދަނުގައި 522 ގްރާމް ހުރި ކަމަށް ފުލުހުން ބުންޏެވެ.
އެ މައްސަލަ އައްޑޫ ސިޓީ ގަން ޕޮލިސް ސްޓޭޝަނުން ތަހުގީގު ކުރަމުންދާއިރު އައްޑޫ ސިޓީ މަރަދޫ މެޖިސްޓްރޭޓް ކޯޓުން އެ މީހާގެ ބަންދަށް ވަނީ 15 ދުވަސް ޖަހައިދީފައެވެ.