06 Oct 2016, 12:07

ހުޅުމާލޭގެ ފަރު ސާފު ކުރުމުގެ ޕްރޮގްރާމެއް އަންނަ ހޮނިހިރު ދުވަހު ބާއްވަން އެސްޓީއޯއިން ނިންމައިފިއެވެ.

ކޮންމެ އަހަރަކުވެސް އެސްޓީއޯއިން ފަރު ސާފު ޕްރޮގްރާމު ހިންގައެވެ. އެގޮތުން މިއަހަރުގެ ޕްރޮގްރާމު އޮންނާނީ އަންނަ ހޮނިހިރު ދުވަހު ހުޅުމާލޭގައި ކަމަށާއި މި ޕްރޮގްރާމް ކުރިއަށްދާނީ އެދުވަހުގެ ހެނދުނު 09:00 އިން ފެށިގެން ހަވީރު 15:00 އާ ހަމައަށް ކަމަށް އެސްޓީއޯއިން ބުންޏެވެ.

މީގެ އިތުރުން މި ޕްރޮގްރާމު ކުރިއަށް ގެންދާނީ ޑައިވް ކްލަބްތަކާއި ކަމާ ގުޅޭ ޖަމިއްޔާ ޖަމާއަތްތަކާ ގުޅިގެން ކަމަށް އެކުންފުނިން ބުނެއެވެ.

މިއީ އެ ކުންފުނިން ކޮންމެ އަހަރަކު ހިންގާ "ރީފް ކްލީނިންގް" ޕްރޮގްރާމްގެ ދަށުން ހިންގާ ޕްރޮގްރާމެކެވެ.