04 Oct 2016, 15:22
ސަތޭކަ ބާރަ ޓަނުގެ މަސް ބަރުކޮށްގެން ދަތުރުކުރަމުންދަނިކޮށް މ. ވޭވަށު ބޭރުން އޮންނަ ދޮންގިރި ފަރަށް އެރި މިފްކޯގެ ބޯޓް ފުންކޮށްފިއެވެ.
"މަހާކަލަމިންޖާ" ބޯޓް ފަރަށް އަރާފައިވަނީ ރޭ 10:15 ކަންހާއިރުއެވެ. އެހާދިސާގައި މީހަކަށް އަނިޔާއެއްނުވެއެވެ.
މިފްކޯގެ ޗީފް ފިޝް ޕްރޮކިއުމަންޓް އެންޑް ލޮޖިސްޓިކް އޮފިސަރު އަންވަރު ސާދާތު މިއަދު ސަން އަށް ވިދާޅުވީ، މިއަދު 2:10 ކަންހާއިރު އެބޯޓް ފުންކޮށްފައިވާއިރު ބޯޓަށްވެސް އަދި ފަރަށްވެސް ބޮޑެތި ގެއްލުންތަކެއްނުވާ ކަމަށެވެ.
ބޯޓް ފަރަށް އެރި ސަރަހައްދު---
އެ ބޯޓް މިއަދު އަލުން އޮޕަރޭޝަންގައި ބޭނުންކުރާނެކަމަށްވެސް އޭނާ ވިދާޅުވިއެވެ.
އެ ބޯޓަކީ މިފްކޯގެ އެންމެ ބޮޑެތި މަސްބޯޓްތަކުގެ ތެރެއިން މަސް ބޯޓެކެވެ. މ. މުލަކު ބޭރުގައި ބަނދަރުކޮށްގެން އޮންނަ އެ ބޯޓް ފަރަށް އަރާފައިވަނީ މަސް ހިފައިގެން ގއ. ކޫއްޑޫއަށް ދަނިކޮށެވެ. ދެން އެބޯޓް ދިއުމަށް ނިންމާފައިވަނީ ގއ. ފަރެސްމާތޮޑާ އަށެވެ.