18 Sep 2016, 16:13
ތިންކް އެޑްވަޓައިޒިން އިން މަޓާޓޯ އާ ގުޅިގެން ކުރިއަށްގެންދާ "މޯލްޑިވްސް ޓްރެވަލް އެވޯޑްސް 2016" އަށް އޮންލައިންކޮށް އަދި އެސްއެމްއެސް މެދުވެރިކޮށް ވޯޓުދޭންހުޅުވާލައިފިއެވެ.
މޯލްޑިވްސް ޓްރެވަލް އެވޯޑްސް މީގެ ކުރިން ދެމުން އައީ "މަޓާޓޯ މޯލްޑިވްސް ޓްރެވަލް އެވޯޑްސް"ގެ ނަމުގަ އެވެ. ނަމަވެސް މި އަހަރު ވަނީ އާ ޓްރޮފީއަކާ އެކު އެވޯޑްގެ ނަން ރީބްރޭންޑްކޮށްފަ އެވެ. މަޓާޓޯގެ ފަރާތުން އެންޑޯސް ކޮށްފައިވާ އެ އެވޯޑަކީ ރާއްޖޭގައި ފަތުރުވެރިކަމުގެ ދާއިރާގައި ދެމުން އަންނަ އެންމެ ޝަރަފްވެރި އެވޯޑެވެ.
މި އަހަރުގެ އެވޯޑަށް ވޯޓް ދިނުމަށް މިހާރު އާންމުކޮށް ހުޅުވާލާފައިވާ އިރު، ތަފާތު ހަތް ކެޓަގަރީއަކުން 31 އެވޯޑެއް ދޭނެ އެވެ. އެ 31 އެވޯޑަށް ވެސް ވަނީ ގިނަ ފަރާތްތަކެއް ނޮމިނޭޓްވެފަ އެވެ.
ނޮމިނޭޝަންތަކާ އެކު އެ ފަރާތްތަކަށް ވޯޓް ދިނުމަށްއެސްއެމްއެސް ކުރާނެ ކޯޑުވަނީ މޯލްޑިވްސް ޓްރެވަލް އެވޯޑްސް 2016ވެބްސައިޓުގައިއާންމުކޮށްފަ އެވެ. އެސްއެމްއެސް ކުރާނީ ޕްރޮޕަޓީގެ ނަން ޖެހުމުގެ ބަދަލުގައި އެ ކޯޑު ބޭނުންކޮށްގެނެވެ.
މޯލްޑިވްސް ޓްރެވަލް އެވޯޑްސްދޭކެޓަގަރީތަކުގެ ތެރޭގައި ރިސޯޓް ކެޓަގަރީއާއި ހޮޓެލްސް ކެޓަގަރީ އާއި ވެލްނެސް، ސްޕާ ކެޓަގަރީ އާއި ލިވަބޯޑް އަދި ޓްރެވަލް، ޓެކްނޮލޮޖީގެ އިތުރުން އޭވިއޭޝަން، ޓްރާންސްޕޯޓް އާއި ޑައިވް ސެންޓާ ހިމެނެ އެވެ.
ރިސޯޓް ކެޓަގަރީން 19 އެވޯޑެއް ދޭއިރު، ހޮޓެލްސް ކެޓަގަރީއިން ފަސް އެވޯޑެއް ދޭނެ އެވެ. އަދި ވެލްނެސް، ސްޕާ ކެޓަގަރީން ދެ އެވޯޑެއް ދޭ އިރު ލިވަބޯޑްސް އާއި ޓްރެވަލް، ޓެކްނޮލޮޖީ ކެޓަގަރީން ވެސް ކޮންމެ ކެޓަގަރީ އަކުން ދެ އެވޯޑެއް ދޭނެ އެވެ. އޭވިއޭޝަން، ޓްރާންސްޕޯޓް އާއި ޑައިވް ސެންޓަރުގެ ކެޓަގަރީން ދޭން ނިންމާފައި ވަނީ ކޮންމެ ކެޓަގަރީ އަކުން އެއް އެވޯޑެވެ.
އޮންލައިންކޮށް އަދި އެސްއެމްއެސް އިން ވޯޓް ދިނުމުގެ މުއްދަތު ހަމަވާނީ އަންނަ ނޮވެމްބަރު މަހުގެ 15 ގެ ނިޔަލަށް ކަމަށް އެވޯޑް އިންތިޒާމުކުރާ ތިންކް އެޑްވަޓައިޒިން ގެ އޮފިޝަލަކު ވިދާޅުވި އެވެ.