18 Sep 2016, 11:04
މިދިއަ ހޯމަ ދުވަހު ކަންނެލީގެ މަސްވެރި ކަމަށް ނުކުތް އދ ހަންޏާމީދޫ "އަޖުމަ" ނަމަކަށް ކިޔާ ދޯނީގެ ހަބަރެއް ވެއްޖެ ކަމަށާއި ދޯންޏާ ގުޅުން ކެނޑުނީ ރޭންޖެ ކެނޑިގެން ކަމަށް އެމްއެންޑީއެފުން ބުނެފި އެވެ.
އެ ދޯނި ގެއްލިގެން ރޭގެ ވަގުތެއްގައި އެމްއެންޑީއެފުން ވަނީ އިއުލާނުކޮށްފަ އެވެ.
އެމްއެންޑީއެފުން ބުނީ މިއަދު 10:34 އެހާ ކަންހާއިރު ދޯނީގެ ހަބަރެއް ވެފައިވާ ކަމަށާއި މިހާރު ދޯނި ދަތުރުކުރަމުން ދަނީ ބ. އަތޮޅުގައި ކަމަށެވެ. އެ މައުލޫމާތު އެމްއެންޑީއެފްގެ ކޯސްޓްގާޑާ ހިއްސާކުރީ ދޯނީގެ ވެރިފަރާތުން ކަމަށް އެމްއެންޑީއެފުން ބުންޏެވެ.
އެ ދޯނި މިދިޔަ ހޯމަ ދުވަހު ކަންނެއްޔަށް ނުކުތީ 13 މީހުންނާ އެކު، ރ. ރަސްގެތީމުންނެވެ.