Last Updated: 9 year 5 month ago

Last Updated:
9 year 5 month ago

ޔޫރޯ 2016: ފުލްޓައިމް: ޕޯޗުގަލް 2-0 ވޭލްސް

    ބުލޮގު ޚުލާސާ

    ޔޫރޯގެ ސެމީ ފައިނަލުގައި ޕޯޗުގަލާއި ވޭލްސް ބައްދަލުކުރާ މެޗުގެ ލައިވް ކަވަރޭޖަށް މަރުހަބާ!

    އެ މެޗަށް ޕޯޗުގަލް އާއި ވޭލްސް ނުކުންނައިރު:

    • ވޭލްސް އަކީ ޔޫރޯގައި އަލަށް ވާދަކުރާ ޓީމެއް. ޕޯޗުގަލް އިން ހަ ފަހަރަކު ޔޫރޯގައި ވާދަކޮށްފައިވޭ.

    • ބޮޑު މުބާރާތެއްގެ ސެމީގައި އަލަށް ވޭލްސް ވާދަކުރާ އިރު، މީގެ ކުރިން ހަތަރު ޔޫރޯއެއްގެ ސެމީގައި ޕޯޗުގަލް ވާދަކޮށްފައިވޭ. އޭގެ ތެރެއިން ސެމީގެ މެޗަކުން މޮޅުވެ، ފައިނަލަށް ޕޯޗުގަލް ދަތުރުކުރީ އަމިއްލަ ގައުމުގައި 2004 ވަނަ އަހަރު ބޭއްވި މުބާރާތުގައި.
    • މި ފަހަރުގެ ޔޫރޯގެ ސެމީ އަށް ޕޯޗުގަލް ދަތުރުކުރީ ކުއާޓާ ފައިނަލުގައި ޕެނަލްޓީ ޖަހައިގެން ޕޮލެންޑް ބަލިކޮށް. ސެމީ އަށް ވޭލްސް ދަތުރުކުރީ ކުއާޓާގައި ބެލްޖިއަމް ބަލިކޮށް.
    01:50

    މެޗުގެ ދެވަނަ ހާފުގެ ކުޅުން ނިންމާލައިފި. 2-0 ލަނޑުން ވޭލްސް އަތުން މޮޅުވެ، ފައިނަލުގެ ޖާގަ ހޯދީ ޕޯޗުގަލް އިން.

    01:47

    މެޗުގެ ދެވަނަ ހާފުގެ އިތުރު ވަގުތުގެ ގޮތުގައި ތިން މިނެޓުގެ ކުޅުން ދައްކައިފި.

    01:35

    "78- ޕޯޗުގަލަށް ލަނޑު ޖަހާނެ އިތުރު ފުރުސަތެއް. ވޭލްސްގެ ޕެނަލްޓީ އޭރިޔާ ތެރެއިން ޑެނީލޯ އުފެއްދި ހަމަލާ، ހެނެސީ ވަނަ މަތަކޮށްފަ.

    01:33

    "76- ޕޯޗުގަލްގެ ޕެނަލްޓީ އޭރިޔާ ބޭރުން ވޭލްސް ތަރި ބޭލް އުފެއްދި ހަމަލާ، ކީޕަރު ޕެޓްރީސިއޯ މަތަކޮށްފި.

    01:29

    "71- ޕޯޗުގަލްގެ ހާފުގެ ތެރެއިން ރޮނާލްޑޯ ކުރި ފައުލަކާ ގުޅިގެން އޭނާ އަށް ރީނދޫ ކާޑެއް ދައްކައިފި.

    01:27

    "70- މާރިއޯ ނަގައިދިން ހުރަހަކުން ވޭލްސްގެ ޕެނަލްޓީ އޭރިޔާ ތެރޭގައި ހުރެފައި ބްރޫނޯ އަލްވޭސް ބޮލުން އުފެއްދި ހަމަލާ ކީޕަރު ހެނެސީ މަތަކޮށްފި.

    01:22

    "65- ވޭލްސްގެ ޕެނަލްޓީ އޭރިޔާ ބޭރުން ނާނި އުފެއްދި ހަމަލާ، ކީޕަރު ހެނެސީ މަތަކުރުމާއެކު ލިބުނު ރީބައުންސް ބޯޅައިން ވޭލްސްގެ ޕެނަލްޓީ އޭރިޔާ ތެރެއިން އުފެއްދި ހަމަލާ ގޯލާ އަމާޒެއް ނުވި. އޭނާ އަށް ބޯޅަ ލިބުނު އިރު، ވޭލްސްގެ ޕެނަލްޓީ އޭރިޔާ ތެރޭގައި ހުރީ ވަރަށް ހުސްކޮށް.

    01:19

    "62- ޕޯޗުގަލް އަށް ލަނޑު ޖަހާނެ ފުރުސަތެއް. ޕޯޗުގަލަށް ލިބުނު ހިލޭ ޖެހުމަކުން ރޮނާލްޑޯ އުފެއްދި ހަމަލާ ދިޔައީ ގޯލުގެ ހުރަސް ދަނޑި މަތިން ބޭރަށް.

    01:11

    "53- ޕޯޗުގަލުން ލީޑު ފުޅާކޮށްފި. އެ ލަނޑު ކާމިޔާބުކޮށްދިނީ ނާނި.

    01:07

    "49- ޕޯޗުގަލުން ލީޑު ހޯދައިފި. ޕޯޗުގަލަށް އެ ލަނޑު ކާމިޔާބުކޮށްދިނީ އެ ޓީމުގެ ކެޕްޓަން ކްރިސްޓިއާނޯ ރޮނާލްޑޯ. އެއީ މި ފަހަރުގެ ޔޫރޯގައި ރޮނާލްޑޯ ކާމިޔާބުކުރި ތިން ވަނަ ލަނޑު.

    01:04

    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    01:02

    ދެވަނަ ހާފުގެ ކުޅުން ފެށީ ޕޯޗުގަލް އިން.

    00:57

    މެޗުގެ ފުރަތަމަ ހާފުގައި ޕޯޗުގަލުން އުފެއްދި އެއްވެސް ހަމަލާއެއް ވޭލްސްގެ ގޯލާ އަމާޒުވެފައެއް ނުވޭ. ވޭލްސްއިން އުފެއްދި ދެ ހަމަލާގެ ތެރެއިން އެއް ހަމަލާ ގޯލާ އަމާޒުކޮށްލި އިރު، އެ ބޯޅަ އަމާޒުވީ ޕޯޗުގަލްގެ ކީޕަރު ޕެޓްރީސިއޯއާ ދިމާލަށް. އެ ދެ ހަމަލާ ވެސް އުފެއްދާފައިވަނީ ގެރެތު ބޭލް.

    00:46

    މެޗުގެ ފުރަތަމަ ހާފުގެ ކުޅުން ނިމިއްޖެ. ފުރަތަމަ ހާފުގެ ކުޅުން ނިމުނީ ދެ ޓީމުންކުރެ އެއްވެސް ޓީމަކަށް ލަނޑެއް ނުޖެހި އެއްވަރުވެގެން.

    00:43

    "41- ވޭލްސްގެ ޕެނަލްޓީ އޭރިޔާ ބޭރުން ރޮނާލްޑޯ އުފެއްދި ހަމަލާ، ކޮލިންސްގެ ފައިގައި ޖެހިފައި ވަނީ ބްލޮކްވެފައި.

    00:33
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    ޔޫރޯގެ ސެމީ ފައިނަލުގައި ޕޯޗުގަލް އާއި ވޭލްސް ބައްދަލުކުރާ މެޗުގެ ތެރެއިން --- ފޮޓޯ: އޭޕީ
    00:30

    މެޗަށް ނުކުތް އިރު، ވޭލްސްގެ މިޑްފީލްޑަރު އާރޮން ރަމްސީ ހުރީ ސަސްޕެންޝަނުގައި.

    00:27

    "23- ޕޯޗުގަލްގެ ޕެނަލްޓީ އޭރިޔާ ބޭރުގައި ހުރެފައި ބޭލް އުފެއްދި ހަމަލާ އަމާޒުވީ ކީޕަރު ޕެޓްރީސިއޯއާ ދިމާލަށް.

    00:24
    ވޭލްސްގެ ފުރަތަމަ 11 --- ފޮޓޯ: އޭޕީ
    00:22

    ޕޯޗުގަލްގެ ފުރަތަމަ 11 --- ފޮޓޯ: އޭޕީ

    00:19

    "18- ވޭލްސް އަށް ލިބުނު ކޯނަރަކުން ލިބުނު ބޯޅައިން ޕޯޗުގަލްގެ ޕެނަލްޓީ އޭރިޔާ ތެރެއިން ބޭލް އުފެއްދި ހަމަލާ ގޯލާ އަމާޒެއް ނުވި.

    00:17

    "16- މާރިއޯ އަށް ލިބުނު ބޯޅަ ހިފައިގެން ވޭލްސްގެ ޕެނަލްޓީ އޭރިޔާ ތެރެއަށް ވަނުމަށްފަހު އުފެއްދި ހަމަލާ ދިޔައީ ގޯލުގެ އަރިމަތީ ދަނޑި ކައިރިން ބޭރަށް.

    00:16

    ވޭލްސްގެ ފުރަތަމަ 11:

    • ވޭން ހެނެސޭ – ގޯލްކީޕަރު

    • ނީލް ޓެއިލާ
    • އޭޝްލީ ވިލިއަމްސް – ކެޕްޓަން
    • ކްރިސް ގަންޓާ
    • ޖޭމްސް ކޮލިންސް
    • ޖޭމްސް ޗެސްޓާ
    • އެންޑީ ކިންގް
    • ޖޯ އެލަން
    • ޖޯ ލެޑްލީ
    • ހަލް ރޮބްސަން ކަނޫ
    • ގެރެތު ބޭލް
    00:14

    ޕޯޗުގަލްގެ ފުރަތަމަ 11:

    • ރުއި ޕެޓްރީސިއޯ – ގޯލްކީޕަރު

    • ރަފައެލް ގުރޭރޯ
    • ހޯސޭ ފޮންޓޭ
    • ކެޑްރިކް ސޯރެސް
    • ބްރޫނޯ އަލްވޭސް
    • އެޑްރިއެން ސިލްވާ
    • ޖޮއާއޯ މާރިއޯ
    • ރެނަޓޯ ސަންޗޭޒް
    • ޑެނީލޯ ޕެރޭރާ
    • ނާނި
    • ކްރިސްޓިއާނޯ ރޮނާލްޑޯ - ކެޕްޓަން
    00:11

    "8- ވޭލްސްގެ މިޑްފީލްޑަރު ޖޯ އެލަން ކުރި ފައުލަކާ ގުޅިގެން އޭނާ އަށް ރީނދޫ ކާޑެއް ދައްކައިފި.

    00:01

    މެޗުގެ ކުޅުން ފަށައިފި