01 Jul 2016, 11:23
ރާއްޖޭގެ ސިޔާސީ މަޝްރަހަށް މިވަގުތު މަޖުބޫރު ކުރުވަނީ އިންތިގާލީ ސަރުކާރެއް އުފެއްދުމަށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ގާޒީ އެއް ހައްޔަރުކުރި މައްސަލާގައި ސާބިތުވެ 13 އަހަރުގެ ޖަލު ހުކުމެއް އިއްވާފައިވާ ރައީސް ނަޝީދު އިނގިރޭސިވިލާތުގައި ހުންނަވައި ކޮށްފައިވާ ޓުވީޓެއްގައި ވިދާޅުވެފައިވަނީ މިހާރު މަޖުބޫރު ކުރަނީ ޕާޓީތަކާއި ލީޑަރުން ހިމެނޭ އިންތިގާލީ ސަރުކާރެއް އުފެއްފުމަށް ކަމަށެވެ.
Raajeyge siyaasee masrah mi haaru majboor kuranee inthiqaalee sarukaareh ufedhumah. Party thakaa leadarun himeney sarukaareh ufedhen jehay.
— Mohamed Nasheed (@MohamedNasheed)June 30, 2016
ރައީސް ނަޝީދު އެމޭރުމުން ވާހަކަ ދައްކަވާފައިވާއިރު ވެރިކަންކުރާ ޕީޕީއެމްގެ މުސްތަޝާރު ރައީސް އަބްދުﷲ ޔާމީން އާއި ރައީސް މައުމޫން، ދެބެއިންގެ ދެމެދުގައި މިވަނީ ސިޔާސީ ދެ ބަސްވުންތަކެއް އުފެދިފަ އެވެ. ދެ ބޭފުޅުން އެވަނީ އެދެބޭފުޅުންނަށް ވަފާތެރި ފަރާތްތަކާއެކު ވަކިން މަސައްކަތް ފަށާފައެވެ.
ސަރުކާރުގެ ހިންގާ ޕާޓީގެ ތެރޭގައި ދެބަސްވުންތަކެއް އުފެދިފައިވާއިރު މިދަނޑިވަޅަކީ އިދިކޮޅު ސިޔާސީ ޕާޓީތައް ގުޅިގެން މޯލްޑިވްސް ޔުނައިޓެޑް އޮޕޮސިޝަންގެ ނަމުގައި އިއްތިހާދެއް ހަދައި ސަރުކާރާއި ދެކޮޅަށް މަސައްކަތް ކުރަމުންދާ ދުވަސްވަރެކެވެ.