15 Jun 2016, 10:10
ބޮލީވުޑުގެ ކާމިޔާބު ދެ ތަރިން ކަމުގައިވާ ސޯނަމް ކަޕޫރު އަދި ކަރީނާ ކަޕޫރު ޚާން އެއް ފިލްމަކުން ފެންނާނެ ކަން ޔަގީން ވެއްޖެ އެވެ. މިއީ ސޯނަމް އާއި ކަރީނާ އެކުގައި ފެންނާނެ ފުރަތަމަ ފަހަރެވެ.
ދެ ތަރިން އެކުގައި ފެންނާނީ ސޯނަމްގެ ދައްތަ، ރިއާ ކަޕޫރު އަދި ބަލާޖީގެ ހެޑް އެކްތާ ކަޕޫރު ޕްރޮޑިއުސް ކުރާ "ވީރޭ ދީ ވެޑިންގް" އިންނެވެ.
އެ ފިލްމުގައި ސޯނަމް އާއި ކަރީނާގެ އިތުރުން، ސުވަރާ ބާސްކަރު އަދި ޝިކާ ތަލްސާނިއާ ވެސް މުހިންމު ރޯލުތަކުން ފެނިގެންދާނެ އެވެ.
"ވީރޭ ދީ ވެޑިންގް" ގެ ތަރިން ---
އެ ފިލްމުގައި ދައްކުވައިދޭނ،ީ އެ ހަތަރު ކެރެކްޓަރުން އިންޑިއާގެ ވެރިރަށް، ދިއްލީ އިން ފުރައިގެން ޔޫރަޕަށް ކުރާ ދަތުރެެއް ކަމަށްވެ އެވެ.
ހަބަރުތައް ބުނާ ގޮތުން އެ ފިލްމު ރިލީޒް ކުރުމަށް ހަމަޖެހިފައި ވަނީ އަންނަ ޖުލައި މަހު އެވެ. އެއީ 2005 ވަނަ އަހަރު ނުކުތް ހޮލީވުޑް ޑްރާމާ، "ދަ ސިސްޓަހުޑް އޮފް ދަ ޓްރެވަލިން ޕޭންޓްސް" އަސްލަކަށް ބަލައިގެން އުފައްދާ ފިލްމެއް ކަމަށް ރިޕޯޓުތައް ބުނެ އެވެ.