29 May 2016, 09:35
ފުރަމެއަކީ ހަށުގަނޑުގެ އެންމެ މުހިއްމު އެއް ގުނަވަނެވެ. ލޭގައި ހުންނަ ހުރިހާ ވިހަ މާއްދާތައް ސާފުކޮށްދެނީ ފުރަމެއިންނެވެ. ވީމާ، ފުރަމެއަށް ގެއްލުންވުމަކީ މުޅި މީހާއަށް އޭގެ އަސަރު ކުރާނެ ކަމެކެވެ. ފުރަމެއަށް ގެއްލުންވާ ބައެއް އާދަތަކުގެ ތެރޭގައި:
މާބޮޑަށް ފަލަވުން
މާބޮޑަށް ފަލަވުން ނުވަތަ އޮބީސްވުމަކީ ހަށިގަނޑުގައި މާގިނައިން ސަރުބީ އެކުލެވިގެންވުމެވެ. އެސަރުބީ ފުރަމޭގައި އިތުރުވުމުން ފެޓީ ލިވާ ޑިޒީސް ކިޔާ ބައްޔެއް ޖެހެ އެވެ. އެބަލީގެ ސަބަބުން ފުރަމެއަށް ގެއްލުންވެ އޭގެ މަސައްކަތަށް ހުރަސްއެޅެ އެވެ.
ހަކުރު ބަލި ހުރުން
ހަކުރު ބަލި ހުރުމަކީ ލިވާ ޑިޒީސް ޖެހުމުގެ ނުރައްކާ 50 ޕަސެންޓަށް އިތުރު ކުރާ ބައްޔެކެވެ. އަދި ހަކުރު ބަލި ހުންނަ މީހުންގެ ބަރުދަން ކޮންޓްރޯލް ނުކުރާ ނަމަ، ބަރުދަން އިތުރުވެ ފެޓީ ލިވާ ޑިޒީސް ޖެހުމަށް މަގުފަހިވެ އެވެ.
މާގިނައިން ލޮނު ހުންނަ ކާނާ ކެއުން
މާގިނައިން ލޮނު ހުންނަ ކާނާ ކެއުމުން ފުރަމޭގައި ފެން ހުންނަ މިންވަރު އިތުރުވެ އެވެ. އޭގެ ސަބަބުން ފުރަމޭ ދުޅަވެ، އޭގެ މަސައްކަތަށް ހުރަސް އެޅެ އެވެ.
ފުރަމެއަށް ގެއްލުންވާ އިތުރު ބައެއް އާދަތައް:
ދުންފަތުގެ އިސްތިއުމާލު ކުރުން
މާގިނައިން ހަކުރު އެކުލެވިގެންވާ ކާނާ ކެއުން
މާގިނައިން ބޭސް ކެއުން
ހެނދުނުގެ ނާސްތާ ނުނެނގުން
ހެނދުނު މާލަހުން ހޭލުން ނުވަތަ އެކަށީގެންވާ ވަރަށް ނުނިދުން
ޕެކެޓް ކޮށްފަ ހުންނަ ކާނާ އާއި ލުއި ބުއިން މާގިނައިން ބޭނުން ކުރުން
މައުލޫމާތު: ސްޓެތްނިއުސް