ރެއާލް-އެތުލެޓިކޯ: ސެލެބްރިޓީން ސަޕޯޓުކުރަނީ ކޮން ޓީމަކަށް؟

24 May 2016, 18:31

މި ހަފުތާގައި މުޅި ދުނިޔޭގެ އެކި ކަންކޮޅުތަކުގައި ހުއްޓުމެއްނެތި ދައްކަމުންދާ އެއް ވާހަކައަކީ ޔޫރަޕުގެ އެންމެ ބޮޑު އަދި އެންމެ ޝަރަފުވެރި ފުޓްބޯޅަ މުބާރާތް ކަމަށްވާ ޔޫއެފާ ޗެމްޕިއަންސް ލީގުގެ ފައިނަލު މެޗުގެ ވާހަކަ އެވެ.

އަންނަ ހޮނިހިރު ދުވަހުގެ ރޭ އިޓަލީގެ މިލާނުގައި ކުޅޭ ޗެމްޕިއަންސް ލީގުގެ ފައިނަލު މެޗުގައި ވާދަކުރަނީ ސްޕެއިންގެ ދެ ކުލަބެވެ. އެއީ ސްޕެއިނުގެ އެއް ސިޓީއަކަށް ނިސްބަތްވާ ދެ ކުލަބެވެ. ފައިނަލުގައި ވާދަކުރާ އަވަށްޓެރި ދެ ކްލަބު ރެއާލް މެޑްރިޑާއި އެތުލެޓިކޯ މެޑްރިޑަކީ ސްޕެއިންގެ ވާދަވެރި ދެ ކުލަބެވެ.

އެ މެޗަށް ދެ ޓީމު ނުކުންނަ އިރު، ތާރީހު ބުރަވަނީ ރެއާލްގެ ކޮޅަށެވެ. ޗެމްޕިއަންސް ލީގުގެ އެންމެ ކާމިޔާބު ކްލަބު ރެއާލް ވަނީ ދިހަ ފަހަރު އެ މުބާރާތް ކާމިޔާބުކޮށްފަ އެވެ. އެތުލެޓިކޯ އަށް ޗެމްޕިއަންސް ލީގު ހޯދިފައެއް ނުވެ އެވެ. ނަމަވެސް 1974 އަދި 2014 ވަނަ އަހަރުގެ ރަނަރަޕަކީ އެތުލެޓިކޯ އެވެ. އޭގެ ތެރެއިން 2014 ވަނަ އަހަރުގެ ފައިނަލުގައި ރެއާލް އަތުން އެތުލެޓިކޯ ބަލިވީ 4-1 ލަނޑުންނެވެ.

"ޗެމްޕިއަންސް ލީގުގެ ފައިނަލުގައި މޮޅުވާނީ ކޮން ޓީމެއް؟" މިއީ ގިނަ ބައެއްގެ ހިތު ތެރޭގައި މިހާރު އުފެދިފައިވާ 'ބޮޑު' ސުވާލެކެވެ. އެ މެޗުން މޮޅުވާނެ ނުވަތަ އެ މީހަކު ސަޕޯޓުކުރާ ޓީމެއް މިހާރު ގިނަ ބަޔަކު ވަނީ ނިންމައިފަ އެވެ. އެގޮތުން ބައެއް 'ސެލެބްރިޓީން' މޮޅުވާނެ ޓީމެއްގެ ގޮތުގައި ބަލަނީ ކޮން ޓީމެއްތޯ ބަލައިލަމާ ހިންގާށެވެ.