19 May 2016, 13:50
ދެކުނު އެމެރިކާގެ ގައުމެއް ކަމުގައިވާ ޕެރޫގެ ސްކޫލެއްގެ ގިނަ އަދަދެއްގެ ދަރިވަރުންތަކެއް ޖިންނި މޮޔަވެއްޖެ އެވެ.
ޕެރޫގެ ޓަރަޕޯޓޯގައި ހުންނަ އެލްސާ ޕެރެއާ ފްލޯރެސް ސްކޫލުގެ 80 އަށް ވުރެ ގިނަ ދަރިވަރުންނަށް ދަނީ ގޮތް ނޭނގޭ ރޫހާނީ މައްސަލަތަކެއް ކުރިމަތިވަމުންނެވެ. އެ މައްސަލަތައް ކުރިމަތިވާން ފެށީ މިދިޔަ އޭޕްރިލް މަހުގެ ފަހުކޮޅުން ފެށިގެންނެވެ. އެ ކުދިންނަށް ކުރިމަތިވަނީ "ޖިންނި މޮޔަވުމުގެ" މައްސަލަ ކަމަށްވެ އެވެ.
ފެރޫގެެ އެލްސާ ޕެރެއާ ފްލޯރެސް ސްކޫލް ދަރިވަރުން "ޖިންނި މޮޔަވުމުގެ" މައްސަލަ ބޮޑުވެފައި ވަނީ މި މަހުގެ ތެރޭގަ އެވެ.
މީޑިއާގައި ރިޕޯޓުޔައް ބުނާ ގޮތުން އެ ކުދިންނަށް ފެންނަނީ ކަޅު ކުލައިގެ ހިޔަންޏެކެވެ. "ޖިންނި މޮޔަވެފައި" ހުންނަ ހާލަތުގައި އެ ކުދިން ބުނަމުން ދަނީ އެ ކުދިން މަރާލުމަށް މީހަކު މަސައްކަތް ކުރާ ކަމަށެވެ.
އާންމުވެފައިވާ ވީޑިއޯތަކުގައި 80 އަށް ވުރެ ގިނަ ދަރިވަރުން ޖިންނި މޮޔަވެ، ފިޓު ޖެހި، ވެއްޓި ހަޅޭއް ލަވާ މަންޒަރު ފެނެ އެވެ.
ޕެރޫގެ ޓީވީ ޗެނަލަކާ ވާހަކަ ދައްކަމުން، ޖިންނި މޮޔަވި ދަރިވަރަކު ބުނީ، އޭނާގެ ފަހަތުން، ކަޅު ކުލައިގެ ހިޔަންޏެއް ފަދަ މީހަކު ދުވެފައި އަންނަ ހެން ހީވާ ކަމަށާއި އޭނާގެ ކަރުގައި ހިފުމަށް އޭނާ މަސައްކަތް ކުރަމުން ދިޔަ ކަމަށެވެ.
ޕެރޫގެ ކަމާބެހޭ ފަރާތްތަކަކުން ބުނާ ގޮތުގައި، ޖިންނި މޮޔަވި ދަރިވަރުން ކިޔަވަމުން ދިޔަ އެލްސާ ޕެރެއާ ފްލޯރެސް ސްކޫލު ބިނާކޮށްފައި ވަނީ ގަބުރުސްތާނެއް ހުންނަ ބިމެއްގަ އެވެ.
އެހެން ދަރިވަރަކު ބުނީ، އޭނާއަށް ގޮތް ނޭނގޭ އަޑުތަކެއް އިވޭ ކަމަށާއި ކަޅު ކުލައިގެ އެއްޗެހި ލައިގެން ހުރި ފިރިހެނަކު އޭނާ ހިފެހެއްޓުމަށް މަސައްކަތް ކުރަމުން ދާތީ ބިރުގަނެ، ހޮޑުލެވި، ހޭނެތުން ފަދަ ކަންކަން ދިމާވި ކަމަށެވެ.