16 May 2016, 19:03
ވާޕޫލް ބްރޭންޑުގެ ރެފްރިޖިރޭޓަރަށް ހާއްސަ ޕްރޮމޯޝަނެއް ފަރީދީމަގުގައި ހުންނަ ރީފްސައިޑް އިލެކްޓްރޯނިކްސް މިއަދު ފަށައިފި އެވެ.
ޕްރޮމޯޝަން ފެށުމަށް މިއަދު ރީފްސައިޑުގައި ބޭއްވި ރަސްމިއްޔާތެއްގައި ރީފްސައިޑްގެ މާކެޓިން އެގްޒެކަޓިވް މުހައްމަދު އަހުސަން ވިދާޅުވީ އެ ޕްރޮމޯޝަންގެ ދަށުން ވާޕޫލް ރެފްރިޖިރޭޓަރަށް ހާއްސަ ޑިސްކައުންޓެއް ލިބޭނެ ކަމަށާއި ކޮންމެ ރެފްރިޖިރޭޓަރަކާ އެކު ހިލޭ ގިފްޓެއްގެ ގޮތުގައި ޓޯސްޓަރެއް ލިބޭނެ ކަމަށެވެ.
އޭނާ ވިދާޅުވީ ޕްރޮމޯޝަންގެ މުއްދަތުގައި ރީފްސައިޑް އިލެކްޓްރޯނިކްސް އިން ވިޔަފާރިކުރާ ކޮންމެ ކަސްޓަމަރަކަށް ވެސް ޕްރޮމޯޝަންގެ ލަކީޑްރޯގައި ބައިވެރިވެވޭނެ ކަމަށެވެ.
ލަކީޑްރޯ އިން ހޮވޭ ނަސީބުވެރިފަރާތަކަށް ވާޕޫލް ހައިއެންޑް ރެފްރިޖިރޭޓަރަކާއި އެލްޖީ ބްރޭންޑުގެ ދޮންނަ މެޝިނަކާއި ސޮނީ ޕްލޭސްޓޭޝަން ފޯއަކާއެކު ބައެއް ގޭމުތައް ހިލޭ ލިބޭނެ އެވެ.
"އަޅުގަނޑުމެން މިފަހަރު ޕްރޮމޯޝަން ރާވާލާފައި މިވަނީ ވަރަށް ތަފާތު ގޮތަކަށް. ހާއްސަކޮށް ތާޒާ ކާއެއްޗެހި ނުވަތަ މޭވާ އާއި ތަރުކާރީ ވަރަށް ފްރެޝް ގޮތަކަށް ތާޒާކަމާއެކު ބޭނުންކޮށްލެވޭ ކަހަލަ ޓެކްނޮލޮޖީތަކެއް އެކުލެވިގެންވާ ފްރިޖްތަކެއް މިއީ،" މާކެޓިން އެގްޒެކަޓިވް މުހައްމަދު އަހުސަން ވިދާޅުވި އެވެ.
ވާޕޫލް ބްރޭންޑުގެ ބައެއް މައުލޫމާތު ދެއްވަމުން އަހުސަން ވިދާޅުވީ ވާޕޫލް ބްރޭންޑުގެ ރެފްރިޖިރޭޓަރުގައި ފްރެޝް ކޮންޓްރޯލް ނަމަކަށް ކިޔާ ޓެކްނޮލޮޖީއެއް ހިމަނާފައިވާ ކަމަށެވެ. އޭގެ ސަބަބުން ފްރިޖަށްލާ މޭވާ އާއި ތަރުކާރީ ތާޒާކަމާއެކު ހަފްތާއެއްގެ މުއްދަތަށް ހިފަހައްޓައިދޭނެކަމަށް އޭނާ ވިދާޅުވި އެވެ.
އޭގެ އިތުރުން ފްރިޖްގައި އުފެދޭ އައިސް ކަނޑުވަން ހާއްސަ ފީޗާއެއް ވާޕޫލް ބްރޭންޑުގެ ރެފްރިޖިރޭޓަރުގައި ހިމެނޭނެ ކަމަށް އޮފިޝަލް ވިދާޅުވި އެވެ. އޭގެ ސަބަބުން ފްރިޖްގެ ތެރޭގައި ބެކްޓީރިއާ އުފެދުނަ ނުދީ ހިފަހައްޓައިދޭނެ ކަމަށް އަހުސަން ވިދާޅުވި އެވެ.
ޕްރޮމޯޝަން ކުރިއަށް ދަނީ މިއަދުން ފެށިގެން ޖުލައި 31 ގެ ނިޔަލަށެވެ.