03 May 2016, 18:05
ލ. ކުނަހަންދޫ ބަނދަރުގައި ވިޔަފާރި ތަރައްގީ ކުރުމަށް އެރަށު ކައުންސިލުން ރާވާފައިވާ ޕްލޭނުގެ ދަށުން، އެސަރަހައްދުގައި ވިޔަފާރި ކުރުމަށް 12 ބިމެއް ކުއްޔަށް ދޫކުރުމަށް ނިންމައިފި އެވެ.
ކުނަހަންދޫ ކައުންސިލުން ކުރި އިއުލާނެއްގައި ބުނެފައި ވަނީ އެ 12 ބިން ކުއްޔަށްދޫކުރަނީ ބަނދަރު ސަރަހައްދުގައި ވިޔަފާރި ކުރިއެރުވުމަށް ހަދާފައިވާ ޕްލޭންގެ ދަށުން ކަމަށެވެ.
ބިން ނަމްބަރު އެކަކުން ފެށިގެން 12 އަށް ކުއްޔަށް ދޫކުރާ އިރު، އެ ބިންތައް ކުއްޔަށް ހިފަން ބޭނުންވާ ފަރާތްތަކުން އެކަމަށް ކުރިމަތިލުމުގެ ފުރުސަތު ކުނަހަންދޫ ކައުންސިލުން މި މަހު ހުޅުވާލާނެ އެވެ.
އެ ކައުންސިލުން ބުނީ، ބިން ކުއްޔަށް ދޫކުރުމާ ބެހޭގޮތުން މައުލޫމާތު ސާފުކުރުން 16 މެއި 2016 ވަނަ ދުވަހުގެ ހެނދުނު އެކައުންސިލުގައި އޮންނާނެ ކަމަށާއި، 22 މެއި ވާ އާދީއްތަ ދުވަހުގެ 10:00 އަށް ޕްރޮޕޯސަލް ހުށަހަޅަން ޖެހޭ ކަމަށެވެ.