14 Apr 2016, 09:32
ފިލްމު ފްރެންޗައިޒް، "ފާސްޓް އެންޑް ފިއުރިސް"ގެ ކުރިއަށް އޮތް ފިލްމުގައި ވިލަންގެ ރޯލަށް ދާދިފަހުން ވަނީ "މޭޑްސް މެކްސް: ފިއުރޯ ރޯޑް"ގެ ތަރި ޝާލައިޒް ތިރޯން އަންނާނެކަން ޔުނިވާސަލް އިން އިއުލާންކޮށްފަ އެވެ.
މިހާރު، ޔުނިވާސަލް އިން މިވަނީ ފާސްޓް އެންޑް ފިއުރިއަސްގެ އަށް ވަނަ ފިލްމު، "ފާސްޓް 8" އަށް ތިރޯންއާ އެކު ކްލިންޓް އީސްޓުވްގެ ދަރި، ސްކޮޓް އީސްޓްވުޑް ފެނިގެންދާނެ ކަން ހާމަކޮށްފަ އެވެ.
"މިވަގުތު އިތުރު އެއްޗެއް ބުނެވޭކަށް ނެތް. އެކަމަކު ކާޓް ރަސަލް އާ އެކު މަސައްކަތްކުރާ އާތަރިއެއްގެ މަގާމް ލިބުމުން ވަރަށް އުފާވޭ. ސަބަބަކީ ކާޓް އަކީ ކުޑައިރު އަހަރެންގެ ހީރޯއެއް. ކުރިއަށް އޮތްތަނުގައި އޭނާގެ ފަރާތުން އެއްޗެހިތަކެއް ދަސްވާނެ ކަމަށް އުއްމީދުކުރަން،" އިންސްޓަގްރަމް ގައި ހޯމަދުވަހު ލިޔުނު ޕޯސްޓެއްގައި އީސްޓްވުޑް ބުނެފައިވެ އެވެ.
"ފާސްޓް އެންޑް ފިއުރިއަސް"ގެ އަށް ވަނަ ފިލްމު ޑައިރެކްޓްކުރަނީ އެފް. ގޭރީ ގްރޭ އެވެ. އަދި ފިލްމު ރިލީޒްކުރަން ހަމަޖެހިފައި ވަނީ، އަންނަ އަހަރުގެ އޭޕްރިލް މަހުގެ ތެރޭގައެވެ.
އީސްޓްވުޑް ވަނީ މީގެ ކުރިން މަޝްހޫރު ފިލްމުތަކެއް ކަމަށްވާ، "ދަ ލޯންގެސްޓް ރައިޑް" އަދި ހަނގުރާމަ މަތީ ފިލްމެއް ކަމަށްވާ، "ފިއުރީ"ގައި ފެނިގެންގޮސްފަ އެވެ. މީގެ އިތުރުން ވޯނާ ބުރޯސް އިން މި އަހަރު އޮގަސްޓް މަހުގެ ފަސް ވަނަ ދުވަހު ރިލީޒްކުރަން ނިންމާފައިވާ ފިލްމު، "ސައިސައިޑް ސްކޮޑް"ގައި ވެސް އީސްޓްވުޑް ފެނިގެންދާނެ އެވެ.