23 Mar 2016, 11:13
މަޝްހޫރު ސޯޝަލް ނެޓްވޯކް ޓްވިޓަރ މެދުވެރިކޮށް ފޮޓޯ ޓްވީޓު ކުރުމުގެ ކުރިން، ފޮޓޯއަށް ސްޓިކަރ ލެވޭ ފީޗަރއެއް ޓްވިޓަރއިން ޓެސްޓުކުރަން ފަށައިފި އެވެ.
ޓެކްނޮލޮޖީ ޚަބަރު ރިޕޯޓުކުރާ ވެބްސައިޓު ރީކޯޑްއިން ބުނީ، ޓްވިޓަރއިން އެ ފީޗަރ ޓެސްޓު ކުރަމުން ދާ އިރު، ދުނިޔޭގެ އެހެން ހިސާބުތަކުގައި ޓްރެންޑް ވަމުންދާ ޓޮޕިކްތަކާއި ގުޅޭ ފޮޓޯތައް "ސަޖެސްޓް" ވެސް ކުރާނެ ކަމަށެވެ.
ނަމަވެސް ޓްރެންޑްވާ ހަބަރުތަކާ ގުޅޭ ފޮޓޯތައް އެކި ދިމަދިމާލުން ހޯދާނީ ކިހިނެއް ކަމެއް އެނގިފައެއް ނުވެ އެވެ.
މީގެ އިތުރުން، ޓްވިޓަރ ޔޫޒަރެއް، ސްޓިކަރ ޖަހާފައި ފޮޓޯއެއް ޓްވީޓު ކޮށްފި ނަމަ، ދުނިޔޭގެ އެހެން ހިސާބަކުން ޓުވީޓު ކޮށްފައިވާ، އެއާއި ވައްތަރު ފޮޓޯތައް ޓްވިޓަރއިން ދައްކައިލާނެ އެވެ.
ރީކޯޑްއިން ބުނާ ގޮތުގައި، ޓްވިޓަރއިން މި ފީޗަރއަށް ކިޔަން ވިސްނަމުން ދަނީ "ސްޓޭމްޕްޓެގް،" "ޓެޕްޓެގް" ނުވަތަ "ސްޓިކްއިޓް" ފަދަ ނަމެކެވެ. އެހެން ނަމަވެސް މިކަން ކަށަވަރު ކުރެވިފައެއް ނުވެ އެވެ.
ފޮޓޯ ޕޯސްޓު ކުރުމުގެ ކުރިން އޭގައި ސްޓިކަރ ޖެހޭ ފީޗަރ، ދުނިޔޭގެ އެންމެ މަގްބޫލު ސޯޝަލް ނެޓްވޯކް ފޭސްބުކްއިން މިހާރު ވެސް ދެ އެވެ.
މި ފީޗަރތައް ޓްވިޓަރއިން، ބައެއް ޔޫޒަރުން މެދުވެރިކޮށް މިހާރު ޓެސްޓު ކުރަމުން ދިޔަ ނަމަވެސް، ޓްވިޓަރއިން މިހާތަނަށް ރަސްމީކޮށް އެއްވެސް އެއްޗެއް ބުނެފައެއް ނުވެ އެވެ.
މަސްދަރު:ރޮއިޓާރސް