20 Mar 2016, 09:16
ހުޅުމާލެ ކައިރިން ފެރީ ލޯންޗަކާ ޑައިވިން ދޯންޏެއް ޖެހި އެކްސިޑެންޓެއް ހިނގައިފި އެވެ.
މިއަދު 8:15 ކަންހާއިރު ހިނގި އެކްސިޑެންޓުގައި 4 މީހަކަށް އަނިޔާވި ކަމަށް ފުލުހުން ވަނީ ބުނެފަ އެވެ.
Hulhumale kairin ferry launch akaai diving dhoanyeh jehi accident ve Aniyaavi meeha male gennanee marine aai coast guard harakaaiytherivey
— Maldives Police (@PoliceMv)March 20, 2016
ފުލުހުންގެ އިންފޮމޭޝަން އޮފިސަރު އިސްމާއިލް އަލީ ސަން އަށް ވިދާޅުވީ، އެކްސިޑެންޓުގައި އަނިޔާވީ ޑައިވިން ދޯނީގައި ހުރި ދިވެހި ފިރިހެނަކާއި، ލޯންޗްގައި ތިބި 3 މީހަކަށް ކަމަށެވެ. އަނިޔާވެފައިވާ އެންމެނަކީވެސް ދިވެހިންނެވެ.
ފެރީ ލޯންޗަކާއި ޑައިވިން ދޯންޏެއް ޖެހި މިއަދު ހިނގި އެކްސިޑެންޓު -- ފޮޓޯ: ޕޮލިސް
އެކްސިޑެންޓުގައި ފެރީ ލޯންޗަށްވެސް އަދި ޑައިވިން ދޯންޏަށް ވެސް ވަނީ އެކި ވަރުގެ ގެއްލުންތައް ލިބިފަ އެވެ.
ފެރީ ލޯންޗަކާއި ޑައިވިން ދޯންޏެއް ޖެހި މިއަދު ހިނގި އެކްސިޑެންޓު -- ފޮޓޯ: ޕޮލިސް
މި އެކްސިޑެންޓްގައި އަނިޔާވި މީހުން މާލެ ގެނެސް އައިޖީއެމް ހޮސްޕިޓަލުގައި ދަނީ އެމީހުންނަށް ފަރުވާދެމުންނެވެ. އަދި އެކްސިޑެންޓު ހިނގި ސަރަހައްދުގައި މެރިން ޕޮލިސް އަންނަނީ ހަރަކާތްތެރިވަމުންނެވެ.