13 Mar 2016, 14:57
އެކި މައްސަލަތަކުގައި ފުލުހުންގެ ބެލުމުގެ ދަށަށް ގެންގޮސްފައި ހުރި ތަކެތީގެ ތެރެއިން ހދ. ހަނިމަދޫ ޕޮލިސް ސްޓޭޝަނުގެ ބެލުމުގެ ދަށުގައި ހުރި ގިނަ ޢަދަދެއްގެ ބަނގުރާ ނައްތާލައިފި އެވެ.
ފުލުހުން މިއަދު އާންމު ކުރި ބަޔާނެއްގައި ބުނީ ފުލުހުންގެ ބެލުމުގެ ދަށުގައި ހުރި ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހައްޓާފައި ހުރި އެއްޗެތި ނައްތައިލުމުގައި ޢަމަލުކުރާނެ ގޮތުގެ ގަވާއިދުގެ ދަށުން އެ ތަކެތި ނައްތާލާފައި ވަނީ އިއްޔެ ހދ. ހަނިމާދޫގައި ކަމަށެވެ.
އިއްޔެ ނައްތާލިތަކެތީގެ ތެރޭގައި ހިމެނެނީ 55 އިންސިޑެންޓެއްގައި ހިމެނޭ 85 ފުޅި ބަނގުރަލެވެ. އެ ތަކެއްޗަކީ ހދ. ހަނިމަދޫ އެއާޕޯޓަށް ފުރަންދާ އެކި ފަތުރުވެރިންގެ އަތުން ހިފަހައްޓާފައިވާ ބަނގުރާ ފުޅިއާއި ބިޔަރު ދަޅު ކަމަށް ފުލުހުން ބުންޏެވެ.