ޕާޕާ އާއި އާމިރު އަދި ރިކާޒުގެ މައްސަލަ ޕީޖީ އަށް ފޮނުވައިފި

10 Mar 2016, 19:33

އެމްއެންޑީއެފްގެ ބަޑިގުދަނުގެ ކުރީގެ ވެރިޔާ ކާނަލް އަހްމަދު ފަޔާޒު އަލީ ރިޒާ (ޕާޕާ) އާއި ކުރީގެ ނައިބު ރައީސް އަހްމަދު އަދީބު އަބްދުލް ޣަފޫރުގެ ދެ ބޮޑީގާޑުން ކަމުގައިވާ ސާޖަންޓު ހަސަން ރިކާޒާއި ކޯޕްރަލް އަހްމަދު އާމިރުގެ މައްޗަށް ދައުވާ ކުރުމަށް ޕީޖީ އޮފީހަށް ފޮނުވައިފިއެވެ.

ސަން އަށް އެނގިފައިވާގޮތުގައި އެ ތިން މީހުންގެ މައްސަލަ ޕީޖީ އަށް ފޮނުވާފައި ވަނީ މިހަފްތާގެ ތެރޭގައެވެ.

ކްރިމިނަލް ކޯޓުން މިއަދު ވަނީ އެ ތިން މީހުންގެ ބަންދަށް އަނެއްކާވެސް 15 ދުވަސް އިތުރުކޮށްފައެވެ.

ކުރީގެ ނައިބު ރައީސް އަހްމަދު އަދީބުގެ ބޮޑީގާޑެއްގެ ގޮތުގައި އުޅުނު އަހްމަދު އާމިރު މިއަދު ފުލުހުންގެ ބެލުމުގެ ދަށުގައި ---- ސަން ފޮޓޯ: ފަޔާޒު މޫސާ

އެ ތިން މީހުންގެ މައްޗަށް ދައުވާ ކުރަން ފޮނުވާފައިވާ މައްސަލައިގެ ތަފްސީލު އަދި ނުލިބެއެވެ.

ކުރީގެ ނައިބު ރައީސް އަހްމަދު އަދީބުގެ ބޮޑީގާޑެއްގެ ގޮތުގައި އުޅުނު ހަސަން ރިކާޒު މިއަދު ފުލުހުންގެ ބެލުމުގެ ދަށުގައި ---- ސަން ފޮޓޯ: ފަޔާޒު މޫސާ