05 Mar 2016, 14:58
އެމެރިކާގެ މަޝްހޫރު ލަވަކިޔުންތެރިއާ ޖޮއީ މާޓިން ފީކް ކެންސަރު ޖެހިގެން މަރުވެއްޖެ އެވެ.
ހަބަރުތައް ބުނާ ގޮތުން ޖޮއީ މަރުވީ، ސަވައިކަލް ކެންސަރަށް ފަރުވާ ހޯދަމުން ދަނިކޮށް އިއްޔެގެ ވަގުތެއްގަ އެވެ. މަރުވިއިރު އޭނާގެ އުމުރަކީ 40 އަހަރެވެ.
ޖޮއީ މަރުވުމާ ގުޅިގެން އޭނާގެ ފިރިމީހާ ރޯރީ ފީކު ބުލޮގު ކުރި ޕޯސްޓެއްގައި ބުނެފައި ވަނީ އޭނާގެ އަންހެންނުންގެ ހުވަފެން ހަގީގަތަކަށް ވެއްޖެ ކަމަށެވެ.
"އަހަރެންގެ އަންހެނުންގެ ހުވަފެން ހަގީގަތަކަށް ވެއްޖެ. އޭނާ އަށް ސުވަރުގެ އަށް ދެވިއްޖެ. ކެންސަރުން ވެސް ސަލާމަތްވެއްޖެ، ހުރިހާ ވޭނެއް ކެނޑިއްޖެ، ކަރުނަތައް ހިކިއްޖެ" ރޯރީ ފީކު ބުލޮގު ކުރި ޕޯސްޓުގައި ބުނެފައިވެ އެވެ.
ޖޮއީ ލަވަކިޔުމުގެ ދާއިރާ އިން ވިދާލީ އޭނާގެ އުމުރުން އެންމެ ހަ އަހަރުގަ އެވެ. ޖޯއީގެ ފުރަތަމަ އަލްބަމް ރިކޯޑު ކޮށްފައި ވަނީ 2000 ވަނަ އަހަރު ސޮނީ ރިކޯޑުސް އާ އެކު އެވެ.
ޮޖޮއީ މަރުވުމާ ގުޅިގެން މަޝްހޫރު ގިނަ ފަރާތްތަކަކުން އަންނަނީ ހިތާމަފާޅު ކުރަމުންނެވެ. އޭގެ ތެރޭގައި ލަވަކިޔުންތެރިޔާ ބްލޭކު ޝެލްޓަން، ކެރީ އަންޑަވުޑް ފަދަ ތަރިން ފާހަގަކޮށްލެވެ އެވެ.