25 Feb 2016, 13:45
ކުޑަކުއްޖަކަށް ޖިންސީ ގުނަވަން ދެއްކި މީހަކު ތިން އަހަރަށް ޖަލަށްލުމަށް ހދ. ނޮޅިވަރަމް މެޖިސްޓްރޭޓް ކޯޓުން ހުކުމްކޮށްފި އެވެ.
ކުޑަކުއްޖަކަށް ޖިންސީ ގުނަވަން ދެއްކުމުގެ ކުށް ސާބިތުވުވެ ތިން އަހަރަށް ޖަލަށް ލުމަށް ހުކުމް ކޮށްފައިވަނީ ހދ. ނޮޅިވަރަމް، ނައިޓްޑްރީމް މުހައްމަދު ޝަރީފް (32އ) ގެ މައްޗަށެވެ.
ޝަރީފުގެ މައްޗަށް ކުޑަކުއްޖަކަށް ޖިންސީ ގުނަވަން ދެއްކުމުގެ ކުށުގެ ދައުވާ އުފުލާފައިވަނީ، މިދިޔަ އަހަރު އެކި ދުވަސްމަތިން ކުޑަ ކުއްޖަކަށް ޖިންސީ ގުނަވަން ދައްކާފައިވާ މައްސަލައާ ގުޅިގެންނެވެ.
އެ މައްސަލަ ބެލުމަށްފަހު ކޯޓުން ކުރި ހުކުމްގައި ވަނީ ޝަރީފްއާ ދެކޮޅަށް މަދުވެގެން ފަސް ބާވަތުގެ ހެކި ޝަރީއަތަށް ލިބިފައިވާ ކަމަށާއި އޭނާގެ މައްޗަށް ކުޅަ ދައުވާ ޝައްކެއްނެތް މިންވަރަށް ސާބިތުވާ ކަމަށެވެ.
އެހެންކަމުން، އެކުށުގެ އުގޫބާތެއްގެ ގޮތުން ކުޑަކުދިންނަށް ޖިންސީ ގޯނާ ކުރާމީހުންނާމެދު ހާއްސަ އުސޫލުތަކަކަށް އަމަލު ކުރުމުގެ ގާނޫނުގެ ދަށުން މުހައްމަދު ޝަރީފް ތިން އަހަރު ދުވަހުގެ މުއްދަތަށް ޖަލަށްލުމަށް ވަނީ ހުކުމްކޮށްފަ އެވެ.