11 Feb 2016, 12:02
ފުލުހުން ހިންގި ހާއްސަ އޮޕަރޭޝަނެއްގައި މަސްތުވާތަކެއްޗާއެކު، ގއ. ގެމެނަފުށިން ކުޑަ ކުއްޖަކު ހައްޔަރު ކޮށްފިއެވެ.
އެ މައްސަލާގައި ހައްޔަރުކޮށްފައިވަނީ 16 އަހަރުގެ ކުއްޖެއް ކަމަށް ފުލުހުން ބުނެއެވެ. އަދި އެ ކުއްޖާ ހައްޔަރުކޮށްފައިވަނީ މިދިޔަ ހޯމަ ދުވަހުގެ ރޭ 22:20 ގައި ކަމަށްވެސް ފުލުހުން ބުނެއެވެ.
ފުލުހުން ބުނީ، އެ ކުއްޖާ ހައްޔަރު ކުރި ވަގުތު، އޭނާ ހުރި ދިމާ ބިންމަތިން މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި ތިން ހޮޅިކޮޅު ފެނިފައިވާ ކަމަށެވެ. އަދި އެ ކުއްޖާ ދިރިއުޅޭ ގޭގައި ހުރި އުނދޯއްޔަކުން ވެސް އެފަދަ ދެ ހޮޅިކޮޅު ފެނިފައިވާ ކަމަށް ފުލުހުން ބުނެއެވެ.
އެ ކުއްޖާގެ ބަންދާމެދު ގޮތެއް ނިންމުމަށް ގެމަނފުށީ މެޖިސްޓްރޭޓު ކޯޓަށް ހާޒިރު ކުރުމުން، ހޯމް މިނިސްޓްރީ އިން ކަނޑައަޅާ ތަނެއްގައި ބަހައްޓައިގެން ތަހުގީގު ކުރިއަށް ގެންދިއުމަށް 14 ދުވަހުގެ މުއްދަތެއް ދީފައިވާ ކަމަށް ފުލުހުން ބުނެއެވެ.
އެ މައްސަލަ ގއ. ގެމަނަފުށީ ޕޮލިސް ސްޓޭޝަނުން އަންނަނީ ތަހުގީގު ކުރަމުންނެވެ.