07 Feb 2016, 08:58
ފޭސްބުކް އިން ނިއުސްފީޑްގައި ތަކެތި ދައްކާ އުސޫލުން ތަކެތި ދެއްކުމުގެ ހިދުމަތް ޓްވިޓާގައި ވެސް ބޭނުން ކުރުމަށް އެ ކުންފުނިން ނިންމައިފިއެވެ.
ޓްވިޓާގެ މިހާރުގެ ފީޑަކީ ޓްވީޓެއް ކުރުމުން އެ ކުރާ ވަގުތުގެ ތަރުތީބުން ޓްވީޓްތައް ދައްކާ ޕްލެޓްފޯމެކެވެ. ގިނަ ބަޔަކު ޓްވިޓާ އިހްތިޔާރުކުރާ އެއް ސަބަބަކީ ވެސް އެއީއެވެ. ނަމަވެސް ފޭސްބުކްގެ ނިއުސްފީޑުގެ އަލްގޮރިދަމްސް ބޭނުންކޮށްގެން ޓްވިޓާގެ ފީޑު ބަދަލު ކުރުމަށް ނިންމާފައިވުމުން ޓްވިޓާ ބޭނުންކުރާ އެތައް ބަޔަކު ދަނީ ޓްވިޓާގައި ނުރުހުން ފާޅު ކުރަމުންނެވެ.
New logos are being tossed around for#TweetBook#RIPTwittervia@DanMilanoHerepic.twitter.com/nqhc4HPJqj
— Myteks Media Labs (@myteks)February 6, 2016
އެގޮތުން ޓްވިޓާގެ ޓްރެންޑިންގެ އެންމެ މައްޗަށް "RIPTwitter#" އެރި ވަގުތުކޮޅެއްވެސް ދިޔައެވެ. ގިނަ ބަޔަކު ބުނާގޮތުގައި މިއީ ޓްވިޓާގެ ނިމުމުގެ ފެށުމެވެ.
ރިޕޯޓުތައް ބުނާގޮތުން އެ ހިދުމަތް އަންނަ ހަފްތާގައި ލޯންޗު ކުރުމަށް ޓްވިޓާއިން ދަނީ މަސައްކަތްކުރަމުންނެވެ.
When you realize Twitter is introducing an Algorithm and becoming more like Facebook#RIPTwitterpic.twitter.com/m92fECQiSB
— A (@Somaliadev)February 6, 2016
ޓްވިޓާ ޔޫޒަރުންގެ ޓައިމްލައިން ފޭސްބުކްގެ ނިއުސްފީޑާ އެއްގޮތް ކުރުމުން، މީގެ ހަފްތާއެއް ކުރިން ކޮށްފަ ހުންނަ ޓްވީޓްވެސް އެންމެ މައްޗަށް އައުމަކީ އެކަށީގެންވާ ކަމެކެވެ.