Last Updated: 10 year 10 month ago
ގދ. ތިނަދޫ އިންޖީނުގޭގައި އަލިފާން ރޯވެ، މުޅި ރަށުން ކަރަންޓު ކެނޑިއްޖެ އެވެ.
(ތަފްސީލު އަންނަނީ...)
07:08
ގދ. ތިނަދޫއަކީ އާބާދީގައި 10،000 އަށް ވުރެ ގިނަ މީހުން ދިރިއުޅެމުންދާ ރަށެއް.
ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް ސަން އަށް ވިދާޅުވީ މިހާތަނަށް ބެލިބެލުމުން އެނގުނުގޮތުގައި އަލިފާންރޯވީ އިންޖީނު ރޫމާޖެހިގެން ހުންނަ ގުދަނެއްގައި ކަމަށް ބެލެވޭ ކަމަށް.
ނިމާލް ވިދާޅުވީ އެ ގުދަނުގައި އަލިފާންރޯވާ ކަހަލަ އެއްވެސް އެއްޗެއް ނުހުންނާނެ ކަމަށާއި އެހެންކަމުން އެއީ އިންސިޑެންޓެއް ކަމަށް ނުބެލެވޭ ކަމަށް.
އަލިފާން ކޮންޓްރޯލް ކުރެވުނުނަމަވެސް އިންޖީނުގޭގެ ތެރެއިން ދުންއަރަމުންދާތީ ފެނަކައިގެ ފަންނީ ބޭފުޅުންނަށް އެތަނުގެ ތެރެއަށް ވަދެވޭގޮތެއް އަދިނުވާ ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް ވިދާޅުވެއްޖެ
ގދ. ތިނަދޫއަށް ކަރަންޓުގެ ޚިދުމަތް ފޯރުކޮށްދިނުމަށްޓަކައި ކުރަންޖެހޭ މަސައްކަތްތައް މިދަނީ ކުރަމުން
ތިނަދޫ އިންޖީނުގޭގައި ބޭނުންކުރަނީ 1000 ކިލޯވޮޓުގެ ޖަނެރޭޓަރަކާއި 720 ކިލޯވޮޓުގެ ޖަނެރޭޓަރަކާއި އަދި 600 ކިލޯވޮޓުގެ ޖަނެރޭޓަރެއް. އަލިފާނުގެ ހާދިސާގައި އެ ހުރިހާ ޖަނެރޭޓަރުތައް ވެސް ވަނީ ބޭނުންނުކުރެވޭ ވަރަށް އަނދާފައި. އެކަމުގެ ސަބަބުން މުޅި ރަށުގެ ކަރަންޓުގެ ޚިދުމަތް އެވަނީ ކެނޑިފައި
ދެ ގަޑިއިރުގެ ތެރޭގައި ޑރ. އަބްދުއްސަމަދު މެމޯރިއަލް ހޮސްޕިޓަލަށް ކަރަންޓު ދެވޭވަރުވާނެ ކަމަށް ލަފާކުރެވޭ ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް ވިދާޅުވެއްޖެ.
އިންޖީނުގޭގެ ފުރާޅުގައި 170 ސޯލާ ޕެނަލް ވަނީ ހަރުކޮށްފައި. އެއީ މުޅި ޖުމްލަ 43 ކިލޯވޯޓުގެ ކެޕޭސިޓީގެ ސޯލާ ޕެނަލްތައް. އޭގެތެރެއިން ދެބައިކުޅަ އެއްބައި ހަލާކުވެފައިވާ ކަމަށް މި ބެލެވެނީ.
ގދ. ތިނަދޫ އިންޖީނުގޭގައި އަލިފާންރޯވި ކަމުގެ މައުލޫމާތު ލިބުމާ އެކު ފެނަކައިގެ ހެޑް އޮފީހުގައި މަސައްކަތް ކުރާ މުވައްޒަފުން ވަނީ ވަގުތުން އޮފީހަށް ނުކުމެ މަސައްކަތް ފަށާފައި. އަޅުގަނޑުވެސް މުވައްޒަފުންނާ އެކު މަސައްކަތުގައި މިއުޅެނީ
ގދ. ތިނަދޫ އިންޖީނުގޭގައި ރޯވީ އެތަނުގެ އެތެރޭގައި ހިނގި ކަމަކާ ގުޅިގެން ނޫން ކަމަށް މިހާތަނަށް ބެލި ބެލުމުން އެނގިފައިވާ ކަމަށް ފެނަކަ ކޯޕަރޭޝަންގެ މެނޭޖިން ޑިރެކްޓަރު މުހައްމަދު ނިމާލް ވިދާޅުވެއްޖެ
ތިނަދޫ ކައުންސިލް މެމްބަރު ސައުދު އަލީ ސަން އަށް ވިދާޅުވީ އިންޖީނުގޭގެ ބޭރުގައި ހުރި ދެ ޓްރާންސްފޯމަރު ފިޔަވައި އެހެން ހުރިހާ އެއްޗެއް އަނދައި ހުލިވެފައިވާކަމަށް.
ސައުދު ވިދާޅުވީ އިންޖީނުގޭގައި ހުރި ތިން ޖަނެރޭޓަރު ބޭނުން ނުކުރެވޭވަރަށް އަނދާފައިވާއިރު، އިންޖީނުގޭގެ އިމާރާތް ވެސް ދެން ބޭނުން ކުރެވޭނީ ވަރަށް ބޮޑަށް މަރާމާތުކޮށްގެން ކަމަށް.
ތިނަދޫ އިންޖީނުގެ ހިމެނޭ ސަރަހައްދު ބަންދުކޮށް، ފުލުހުން ތަހުގީގު ފަށައިފި
މިރޭ 2:30 ހާއިރު ގދ. ތިނަދޫ އިންޖީނުގޭގައި ރޯވި އަލިފާންގަނޑު ކޮންޓްރޯލް ކުރެވުނީ 4:30 އެހައިކަންހާއިރު
ޑރ. އަބްދުއްސަމަދު މެމޯރިއަލް ހޮސްޕިޓަލްގެ އޮފިޝަލަކު ވިދާޅުވީ ކުޑަ ޖަނެރޭޓަރެއް ބޭނުންކޮށްގެން އެ ހޮސްޕިޓަލަށް ކަރަންޓު ދެވޭތޯ މަސައްކަތް ކުރަމުން އަންނަ ކަމަށް
ޑރ. އަބްދުއްސަމަދު މެމޯރިއަލް ހޮސްޕިޓަލްގައި އެޑްމިޓް ކޮށްފައި ތިބި ހުރިހާ ބަލި މީހުން އެއްވޯޑަކަށް ބަދަލުކޮށްފި
ޑރ. އަބްދުއްސަމަދު މެމޯރިއަލް ހޮސްޕިޓަލްގެ އޮފިޝަލަކު ސަން އަށް ވިދާޅުވީ މުޅި ހޮސްޕިޓަލުން ކަރަންޓު ކެނޑުނުނަމަވެސް އެކަމުގެ އަސަރު އެއްވެސް ބަލި މީހަކަށް މިހާތަނަށް ފޯރާފައިނުވާ ކަމަށް
ތިނަދޫ އިންޖީނުގޭގައި ރޯވުމުގެ ސަބަބުން މުޅި ހުވަދު އަތޮޅުގައި ހުރި އެންމެ ބޮޑު ހޮސްޕިޓަލް ކަމުގައިވާ ޑރ. އަބްދުއްސަމަދު މެމޯރިއަލް ހޮސްޕިޓަލުން ވެސް ވަނީ ކަރަންޓު ކެނޑިފައި
ތިނަދޫ އިންޖީނުގޭގައި ރޯވެ ބޭނުންނުކުރެވޭ ވަރަށް އަނދާފައިވާއިރު، 8 ފެބްރުއަރީ 2012 ވަނަ ދުވަހު އެރަށުގައި ހިނގި ހަމަނުޖެހުންތަކުގައި ބަޔަކު މީހުން ވަނީ އެރަށު ޕޮލިސް ސްޓޭޝަނާއި ކޯޓާއި ގދ. އަތޮޅު ކައުންސިލް އިދާރާގައި ހުޅުޖަހައި އަންދާލާފަ. އެ ހާދިސާގައި އެތަންތަން ވަނީ ބޭނުން ނުކުރެވޭ ވަރަށް އަނދާފައި.
އަލިފާނުގެ ހާދިސާ ހިނގަން މެދުވެރިވި ސަބަބެއް އަދި އެނގިފައެއް ނުވޭ
އެމްއެންޑީއެފްގެ ފަޔާ އެންޑް ރެސްކިއު ސާވިސް އާއި ފުލުހުން ގެންދަނީ އަލިފާން ނިއްވުމުގެ މަސައްކަތް ކުރަމުން
ތިނަދޫ އިންޖީނުގޭގައި ރޯވި ކަމުގެ މައުލޫމާތު ފުލުހުންނަށް ލިބުނީ މިރޭ 2:30 އެހައިކަންހާއިރު. ފުލުހުން ވެސް ދަނީ އަލިފާން ނިއްވުމުގެ މަސައްކަތުގައި އެހީތެރިކަން ފޯރުކޮށްދެމުން
ތިނަދޫ އިންޖީނުގޭގައި އަލިފާން ރޯވެ މި ދިމާވި ހިތާމަވެރި ހާދިސާގެ ސަބަބުން ތިނަދޫ ހުރިހާ ރައްޔިތުން ހާލުގައި ޖެހިފައިވާއިރު، ކުރީގެ ހާލަތައް އެކަން ރުޖޫއަކުރުމަށްޓަކައި ދައުލަތުގެ އެންމެ އިސްވެރިންނާ ގުޅިގެން އަޅުގަނޑު މިދަނީ މަސައްކަތް ކުރަމުން
ތިނަދޫ އިންޖީނުގޭގައި އަލިފާން ރޯވުމުގެ ސަބަބުން ހުރިހާ ތަކެއްޗެއް ވަނީ ބޭނުން ނުކުރެވޭ ވަރަށް އަނދާފައި. ދައުލަތުގެ އެންމެ އިސްވެރިންނާ އެކަން ހިއްސާކުރުމުގެ މަސައްކަތް އަޅުގަނޑު މިދަނީ ކުރަމުން.
އަޅުގަނޑު މިވަގުތު މިހުރީ މާލޭގައި. ދެންމެ އަޅުގަނޑަށް އެކަމުގެ މައުލޫމާތު ލިބުނީ. އަލިފާން ނިއްވުމުގެ މަސައްކަތް ކުރައްވާ ފަރާތްތަކުން އެގެންދަވަނީ އަލިފާން ކޮންޓްރޯލް ކުރުމުގެ މަސައްކަތް ކުރައްވަމުން