07 Jan 2016, 09:30
އިންޑިއާގެ ޕަންޖާބްގެ ޕަތަންކޮޓް ނަމަކަށް ކިޔާ ރަށުގައިވާ އެގައުމުގެ ވައިގެ ސިފައިންގެ މަރުކަޒަކަށް މިދިޔަ ހޮނިހިރު ދުވަހު ބަޔަކު ދިން ހަމަލާ ރާއްޖޭން ކުށްވެރިކޮށްފި އެވެ.
ފޮރިން މިނިސްޓްރީން އިއްޔެ އާއްމުކުރި ބަޔާނެއްގައި ބުނެފައި ވަނީ ޕަތަންކޮޓްގައިވާ އިންޑިއާގެ ވައިގެ ސިފައިންގެ މަރުކަޒަށް ދިން ޓެރަރިސްޓް ހަމަލާ ދިވެހި ސަރުކާރުން ހަރުކަށިކޮށް ކުށްވެރިކުރާ ކަމަށެވެ. ޓެރަރިޒަމަކީ ސުލްހައާއި ކުރިއެރުމަށް އޮތް ނުރައްކަލެއް ކަމަށް ވެސް އެ ބަޔާނުގައި ބުނެފައިވެ އެވެ.
"...އަނިޔާވެރިކަން މުޅިން ނިމުމަކަށް ގެނައުމަށް އަހަރެމެން ގުޅިގެން ކުރާ މަސައްކަތް، ޕަތަންކޮޓްގައި ދިން ފިނޑި ހަމަލާއިން ވާނީ އިތުރަށް ވަރުގަދައެވެ. ގައުމީ ހިތާމައިގެ މިދަނޑިވަޅުގައި ރާއްޖޭން އިންޑިއާއަށް ކުރާ ތާއީދު ކުރަމެވެ. އަދި އިންޑިއާގެ ސަރުކާރާއި ރައްޔިތުންނަށް ހަމްދަރުދީ ފޮނުވަމެވެ،" ފޮރިން މިނިސްޓްރީގެ ބަޔާނުގައިވެ އެވެ.
ޕަތަންކޮޓްގައިވާ އިންޑިއާގެ ވައިގެ ސިފައިންގެ މަރުކަޒަށް ހަތިޔާރު އެޅި ބަޔަކު މިދިޔަ ހޮނިހިރު ދުވަހު ދިން ހަމަލާގައި އިންޑިއާ ސިފައިންގެ ދެމީހުން މަރުވެ، އިތުރު މީހުން ޒަހަމްވި އެވެ. އެހަމަލާ އެއް ގަޑި އިރަށް ދެމިގެން ދިޔަ އިރު ހަމަލާދިނުމުގައި ބައިވެރިވި މީހުންގެ ތެރެއިން ހަތަރު މީހަކު ވެސް މަރުވި އެވެ.