އިންޑިއާއިން މިވަނީ ފައިނަލްގެ ފުރަތަމަ ޖާގަ ކަށަވަރުކޮށްފައި.

މި ނަތީޖާއާއެކު އަނެއްކާވެސް ރާއްޖެއަށް މިވަނީ، ސާފް މުބާރާތުގެ ސެމީގައި އިންޑިއާއާ ވާދަކޮށް މުބާރާތް ނިންމާލަން ޖެހިފައި.

މެޗު ނިމިއްޖެ.

އީސަ އިންޑިއާ ގޯލް ކުރިމައްޗަށް ހުރަސްކޮށްލި ބޯޅަ ރާއްޖޭ ކުޅުންތެރިއަކަށް ނުލިބި ބޭރަށް.

އިންޑިއާ ޕެނަލްޓީ އޭރިޔާ ބޭރުން އެޓީމުގެ ކުޅުންތެރިއަކު ހަމްޕުއަށް ފައުލުކުރުމުން ރާއްޖެއަށް ހިލޭ ޖެހުމެއް.

ފަހު ހާފުގެ އިތުރު ވަގުތުގެ 4 މިނިޓް.

އިންޑިއާ ޕެނަލްޓީ އޭރިޔާ ބާރުން އީސަ ފޮނުވާލި ބޯޅަ ކީޕަރުގެ އަތަށް.

ރާއްޖޭ ޓީމުން މިވަނީ އިތުރު ދެ ބަދަލެއް ގެނެސްފައި. އަހްމަދު ނާޝިދުގެ ބަދަލުގައި އިސްމާއީލް އީސާ. އަހްމަދު އިމާޒްގެ ބަަދަލުގައި ހަމްޒަތު.

ރާއްޖޭ ގޯލް އޭރިޔާ ތެރޭން އިންޑިއާ ކުޅުންތެރިއަކު ޖޭޖޭއަށް ޖައްސާލި ބޯޅަ އޭނާއަށް ގޯލްތެރެއަށް ވައްދާލެވޭގޮތެއް ނުވި. ބޯޅަ ދިޔައީ ކީޕަރު އަތުގައި ޖެހިފައި ކޯނަރަކަށް ބޭރަށް.

އެންޑީ ލަނޑު ޖެހީ، އާއްކޮ ކޯނަރަކުން ނަގައިދިން ހުރަހެއް ބޮލުން ޖަހައި ބޯޅަ ގޯލްތެރެއަށް ފޮނުވާލައިގެން.

ރާއްޖެއިން ލަނޑު ޖަހައިފި. ލަނޑު ޖެހީ އެންޑީ.

އަސަދުﷲގެ ބަދަލުގައި ހަސަން ނާއިޒް ކުޅެންއަރައިފި. އަދި އިންޑިއާގެ ޗެތުރީގެ ބަދަލުގައި ޒުވާން ފޯވަޑް ލަލިއަންޒޯލާ ކުޅެން އަރައިފި.

ރާއްޖޭ ޓީމުން ބަދަލެއް ގެންނަން ތައްޔާރުވަނީ. ކުޅެން ނެރެނީ ހަސަން ނާއިޒް. އިންޑިއާ ޓީމުން ވެސް ބަދަލަކަށް ތައްޔާރުވަނީ. އެޓީމުން އަރަނީ ލަލިއަންޒޯލާ.

ޗެތުރީ ވަރަށް ރީތިކޮށް ރާއްޖޭ ޕެނަލްޓީ އޭރިޔާތެރޭން ޖޭޖޭއަށް ޖައްސާލި ބޯޅަ ވަރަށް ފަސޭހަކޮށް ޖޭޖޭ އެ ބޯޅަ ގޯލަށް ފޮނުވާލީ.

އިންޑިއާ އަނެއްކާ ވެސް ލަނޑެއް ޖަހައިފި. އެލަނޑު ކާމިޔާބުކޮށްދިނީ ޖޭޖޭ.

ދަގަނޑޭއަށް ރީނދޫ ކާޑެއް.

ޖައިރޫ ވަރަށް ރީތިކޮށް ރާއްޖޭ ގޯލް ކުރިމަށްޗަށް ފޮނުވާލި ބޯޅަ ޖޭޖޭ ވަރަށް ބާރަށް ގޯލަށް ފޮނުވާލި. އެހެން ނަމަވެސް އެބޯޅަ ގޯލަށް އަމާޒެއް ނުވި.

އިންޑިއާއަށް ކޯނަރެއް.

ރާއްޖޭ ހާފްގެ މެދެއްހާ ހިސާބުން އިންޑިއާ ޓީމުގެ ނަރަޔަން ދާސް، ފޮނުވާލި ބޯޅަ ކީޕަރު އިމްރާންގެ އަތުގައި ޖެހިފައި ކޯނަރަކަށް ބޭރު.

ރާއްޖޭ ޕެނަލްޓީ އޭރިޔާގެ ބޭރު ރޮނގު ކައިރިން ޗެތުރީ، ޖައިރޫއަށް ޖައްސާލި ބޯޅަ އޭނާ ވަރަށް ބާރަށް ގޯލަށް ފޮނުވާލި. އެހެންނަމަވެސް ބޯޅަ ދިޔައީ މާ މަތިން ބޭރަށް.

މެޗު ފެށުނީއްސުރެން ވެސް ރާއްޖޭގެ ސަޕޯޓަރުން ދަނީ މެދު ކެނޑުމެއް ނެތި ގައުމީ ޓީމަށް ހިތްވަރުދެމުން.

ފުރަތަމަ ހާފްގެ އިތުރު ވަގުތުގެ ދެމިނިޓް ހަމަވުމާއެކު އެ ހާފްގެ ކުޅުން ނިމިއްޖެ.

ދަގަނޑޭ އިންޑިއާ ޕެނަލްޓީ އޭރިޔާ ތެރޭން އާއްކޮށްއަށް ޖައްސާލި ބޯޅަ އާއްކޮ ދިނީ ނާއްޓެއަށް. ނާއްޓެ ވަރަށް ރީތިކޮށް ގޯލަށް ބޯޅަ ފޮނުވާލީ.

ރާއްޖެ ލަނޑުޖަހައިފި. ލަނޑު ޖެހީ ނާއްޓޭ.

ޖޭޖޭ އެކަނި ބޯޅަ ހިފައިގެން ރާއްޖޭ ޕޭނަލްޓިއޭރިޔާ ތެރެއަށް ވަންނަނިކޮށް ބޯޅަ ދިފާއުކުރާން ކީޕަރު އިމްރާން ނުކުތީ، ޖޭޖޭ އިމްރާން ކައިރިން ނައްޓާލާފައި ގޯލް ކުރިމަށްޗަށް ބޯޅަ ހުރަސް ކޮށްލި ނަމަވެސް އެޓީމު ކުޅުންތެރީންނަށް ބޯޅަ ގޯލަށް ފޮނުވާލެވޭ ގޮތެއް ނުވި.

އިންޑިއާ ޓީމުން ރާއްޖޭ ގޯލަށް ގިނަ ހަމަލާތަކެއް މިހާތަނަށް އުފައްދާފައި ވާއިރު، ރާއްޖެއަށް އިންޑިއާގޯލަށް އެގޮތަށް ނުރައްކާ ކޮށްލެވިފައެއް ނުވޭ.

ލިންޑޯ ޗެތުރީއަށް ޖައްސާލި ބޯޅަ އޭނާ ގޯލަށް ފޮނުވާލުމުން ރާއްޖޭ ކުޅުންތެރިއެއްގެ ފައިގައި ޖެހިފައި ކޯނަރަކަށް ބޭރު.

އިންޑިއާ ޓީމަށް ކޯނަރެއް.

ދަގަނޑޭ ފޮނުވާލި ބޯޅަ ދިޔައީ ގޯލްގެ ހުރަސް ދަނޑީގެ ކައިވިތެއްހާ މަތިން ބޭރަށް.

އިންޑިއާ ޕެނަލްޓީ އޭރިޔާ ބޭރުން ރާއްޖެއަށް ހިލޭ ޖެހުމެއް.

އަނެއްކާވެސް އިންޑިއާ ޓީމުން ނުރައްކާތެރި ހަމަލާއެއް. ރާއްޖޭ ޕެނަލްޓީ އޭރިޔާ ތެރޭން ސުނިލް ޗެތުރީ ޕޮނުވާލި ބޯޅަ ކީޕަރު އިމްރާން އަތުގައި ޖެހިފައި ވެއްޓުމުން ދެވަނަ ފަހަރަށް އޭނާ ބޯޅަ މަތަކުރީ.

އިިންޑިއާ ދެ ވަނަ ލަނޑު ޖަހައިފި. ލަނޑު ޖެހީ ޖޭޖޭ.

އިންޑިއާ ކުޅުންތެރީން މިދަނީ ރާއްޖޭ ގޯލަަށް ވަރަށް ބޮޑަށް ނުރައްކާ ކުރަމުން. ރާއްޖޭ ޕެނަލްޓީ އޭރިޔާ ތެރޭން ޗެތުރީއަށް ލިބުނު ބޯޅަ ގޯލަށް ފޮނުވާލުމުން ކީޕަރު އިމްރާންގެ އަތުގައި ޖެހިފައި ބޭރަށް ނުކުތް ބޯޅަ ލިބުނީ ޖޭޖޭއަށް. ޖޭޖޭ ފޮނުވާލި ބޯޅަ ދިޔައީ ބޭރަށް.

ނަރަޔަން ދާސް ފޮނުވާލި ބޯޅަ ކީޕަރު އިމްރާންގެ އަތުގައި ޖެހިފައި ކޯނަރަކަށް ބޭރު.

އިންޑިއާއަށް ރާއްޖޭ ޕެނަލްޓީ އޭރިޔާ ބޭރުން ހިލޭ ޖެހުމެއް.

ލިންޑޯ ރާއްޖޭ ޕެނަޓީ އޭރިޔާ ތެރެއަށް ހުރަސްކޮށްލި ބޯޅަ ޗެތުރީ ގޯލަށް ފޮނުވާލީ ބޮލުން ޖަހައި.

އިންޑިއާއިން ކޯނަރަކުން ރާއްޖޭ ގޯލް ކުރިމައްޗަށް ހުރަސްކޮށްލި ބޯޅަ ރާއްޖޭ ކުޅުންތެރިއެއްގެ ބޮލުގައި ޖެހިފައި އަނެއްކާވެސް ކޯނަރަކަށް ބޯޅަ ބޭރު.

އިންޑިއާއަށް ކޯނަރެއް.

ރާއްޖޭ ޕެނަލްޓީ އޭރިޔާގެ ބޭރު ރޮނގުކައިރިން އިންޑިއާގެ ބިކާޝް ޖައިރޫއަށް ލިބުނު ބޯޅަ އޭނާ ވަރަށް ބާރަށް ގޯލަށް އަމާޒުކޮށް ފޮނުވާލި. އެހެން ނަމަވެސް ބޯޅަ ދިޔައީ ގޯލަށް އަމާޒުނުވެ މާމަތިން ބޭރަށް.

މިއަދުގެ މެޗް ބަލަން އިންޑިއާގެ ވެސް 12،000 މީހުން ދަނޑަށް ވަދެ ތިބޭނެ ކަމަށް ލަފާކުރެވޭ. މީހެ އިތުރުން ދިވެހީންގެ ވެސް ގިނަބަޔަކު ދަނޑަށް ވަދެ އެބަތިބި.

އިންޑިއާގެ އަރްނަބް ރާއްޖޭ ޕެނަލްޓީ އޭރިޔާ ތެރޭން ފޮނުވާލި ބޯޅަ ޖޭޖޭ ފައިގައި ޖެހިފައި ކީޕަރު އިމްރާންގެ ފައިގައިވެސް ޖެހިފައި ގޯލްތެރެއަށް ވަނީ. އެހެން ނަމަވެސް އޭރު ޖޭޖޭ ހުރީ އޮފްސައިޑްގައި.

އިންޑިއާ ޕެނަލްޓީ އޭރިޔާ ތެރޭން އަސައްކޮއަށް ލިބުނު ބޯޅަ އެޓީމުގެ ކުޅުންތެރިއެއް ކައިރިން ނައްޓާލާފައި ގޯލަށް ފޮނުވާލި ނަމަވެސް ގޯލަށް އަމާޒެއް ނުވި.

އިންޑީއާ ހާފް މެދެއްހާ ހިސާބުން އެޓީމުގެ ލިންޑޯ ދަގަނޑޭއަށް ކުރި ފައުލަކާ ގުޅިގެން ރާއްޖެއަށް ހިލޭ ޖެހުމެއް. ސެންޓޭ ފޮނުވާލި ބޯޅަ ކީޕަރު ގުރުޕްރީތު އަތަށް.

ކުރިން ވެސް ލަފާކުރެވުނު ގޮތަށް މިއަދުގެ މެޗަށް ގިނަ އަދަދެއްގެ ދިވެހިންނާއި އިންޑިއާ ސަޕޯޓަރުން ދަނޑަށް ވަދެ އެބަ ތިބި. އަދިވެސް ދަނީ ސަޕޯޓަރުން ދަނޑަށް ވަންނަމުން.

މެޗު ފަށައިފި. އިންޑިއާއިން ކިކްއޮފް ކުރީ.

ރާއްޖޭގެ ގައުމީ ސަލާމަށް ފަހު މިހާރު އިންޑިއާގެ ގައުމީ ސަލާމް.

ދެޓީމުގެ ކުޅުންތެރީން ދަނޑަށް ނުކުމެއްޖެ.

އިންޑިއާ ޓީމުގެ ފުރަތަމަ 11:

• ގުރުޕްރީޓް ސިންހް ސަންދު

• ނަރާޔަން ދާސް

• ޕްރިޓަމް ކޯޓަލް

• އޮގަސްޓިއަން އެމް. ފެނާންޑޭޒް

• އަރުނާބު ކުމާރު މޮންޑަލް

• ރޯލިން ބޯޖަސް

• އިގްއިނުސަން ލިންގްދޯހް

• ބިކާޝް ޖައިރު

• ހާލީ ޗަރަން ނާޒަރީ

• ޖޭޖޭ ލަލްޕެކުލާ

• ސްނިލް ޗެތުރީ (ކެޕްޓަން)

ވައިގެ ތެތްކަން އުޅެނީ 52 ޕަސެންޓުގައި.

މި ސަރަހައްދުގެ ފިނިހޫނުމިން ހުރީ 32 ޑިގްރީ ސެލްސިއަސްގައި.

މިއަދަކީ ވެސް އުޑުމަތި ސާފު ހޫނު ގަދަ ދުވަހެއް.

މިހާރު ވެސް ސަޕޯޓަރުން ދަނީ، ދަނޑަށް ވަންނަމުން.

މެޗު ބަލަން މިއަދު ދިވެހީންގެ ގިނަ ބަޔަކު ދަނޑަށް ވަންނާނޭ ކަމަށް ބެލެވޭ.